Yr Eidal

Oddi ar Wicipedia
Jump to navigation Jump to search
Yr Eidal
Emblem of Italy.svg
Repubblica Italiana
Flag of Italy.svg
Math gwladwriaeth sofran Edit this on Wikidata
Prifddinas Rhufain Edit this on Wikidata
Poblogaeth 60,599,936 Edit this on Wikidata
Sefydlwyd 2 Mehefin 1946 Edit this on Wikidata
Anthem Il Canto degli Italiani Edit this on Wikidata
Pennaeth llywodraeth Giuseppe Conte Edit this on Wikidata
Cylchfa amser CET, UTC+01:00, UTC+2, Europe/Rome Edit this on Wikidata
Nawddsant Ffransis o Assisi, Catherine of Siena Edit this on Wikidata
Iaith/Ieithoedd
  swyddogol
Eidaleg Edit this on Wikidata
Daearyddiaeth
Arwynebedd 301,338 cilometr sgwâr Edit this on Wikidata
Gerllaw Môr Adria, Môr Tirrenia, Môr Ionia, Môr Liguria Edit this on Wikidata
Yn ffinio gyda San Marino, Y Fatican, Ffrainc, Y Swistir, Awstria, Slofenia, Malta Edit this on Wikidata
Cyfesurynnau 43°N 12°E Edit this on Wikidata
Gwleidyddiaeth
Corff gweithredol Llywodraeth yr Eidal Edit this on Wikidata
Corff deddfwriaethol Senedd yr Eidal Edit this on Wikidata
Swydd pennaeth
  y wladwriaeth
Arlywyddion yr Eidal Edit this on Wikidata
Pennaeth y wladwriaeth Sergio Mattarella Edit this on Wikidata
Swydd pennaeth
  y Llywodraeth
Prif Weinidog yr Eidal Edit this on Wikidata
Pennaeth y Llywodraeth Giuseppe Conte Edit this on Wikidata
LocationItaly.svg
Ariannol
Cyfanswm CMC (GDP) $1,934,798 million Edit this on Wikidata
CMC y pen $29,958 ±0.01 Edit this on Wikidata
Arian Ewro Edit this on Wikidata
Chwyddiant 0.5 ±0.1 % Edit this on Wikidata
142,756,539,021 ±1 $ (UDA) Edit this on Wikidata
Canran y diwaith 12 ±1 % Edit this on Wikidata
Cyfartaledd plant 1.39 Edit this on Wikidata
Mynegai Datblygiad Dynol 0.873 Edit this on Wikidata
Gwefan www.italia.it Golygu ar Wicidata

Gwlad yn ne Ewrop yw Gweriniaeth yr Eidal neu'r Eidal (Eidaleg: Italia). Mae'r rhan fwyaf o'r wlad yn benrhyn mawr siâp esgid uchel gyda nifer o ynysoedd yn y Môr y Canoldir: Sisili a Sardegna ydyw'r mwyaf. Yn y gogledd mae mynyddoedd yr Alpau. Ceir môr ar dair ochr i'r Eidal, ond yn y gogledd mae'n ffinio ar Ffrainc, y Swistir, Awstria, a Slofenia. Y tu mewn i'r Eidal mae dwy wladwriaeth fach: San Marino a Dinas y Fatican.

Hanes[golygu | golygu cod y dudalen]

Searchtool.svg
Prif erthygl: Hanes yr Eidal

Mae hanes yr Eidal yn mynd yn ôl i gyfnod cynnar iawn, er mai yn gymharol ddiweddar yr unwyd yr Eidal i greu'r wladwriaeth fodern.

Daw'r enw Italia o'r hen enw am bobloedd a thiriogaeth de yr Eidal. Yn y rhan yma, roedd nifer o bobloedd wahanol, megis yr Etrwsciaid, Samnitiaid, Umbriaid a Sabiniaid. Yn y gogledd, ymsefydlodd llwythau Celtaidd o gwmpas dyffryn afon Po.

Yn rhan ddeheuol yr orynys ac ar ynys Sisili, ymsefydlodd Groegiaid rhwng 800 a 600 CC, a gelwid y rhan yma yn Magna Graecia ("Groeg Fawr") mewn Lladin. Yn y gogledd, yr Etrwsciaid oedd y grym mwyaf yn y cyfnod cynnar. Yn y 4 CC gorchfygwyd hwy gan y Rhufeiniaid, ac yn y 3 CC gorchfygodd Rhufain y Groegiaid yn y de hefyd.

Bu cyfres o ryfeloedd, y Rhyfeloedd Pwnig, rhwng Rhufain a Carthago; yn ystod yr Ail Ryfel Pwnig bu'r cadfridog Carthaginaidd Hannibal yn ymgyrchu yn yr Eidal am flynyddoedd. Er iddo ennill nifer o fuddugoliaethau ysgubol dros y Rhufeiniaid, bu raid iddo encilio o'r Eidal yn y diewedd. Ar ddiwedd y Trydydd Rhyfel Pwnig yn 146 CC, dinistriwyd Carthago.

Tyfodd Ymerodraeth Rhufain yn gyflwym yn y cyfnod canlynol; concrwyd Gâl gan Iŵl Cesar rhwng 60 a 50 CC. Daeth ei fab mabwysiedig, Augustus, yn ymerawdwr cyntaf Rhufain.

Daeth yr ymerodraeth yn y gorllewin i ben yn y 5g, a meddiannwyd yr Eidal gan bobloedd Almaenig megis yr Ostrogothiaid a'r Lombardiaid. Ffurfiwyd nifer o wladwriaethau.

Dim ond yn y 19g yr ad-unwyd yr Eidal, gyda Giuseppe Garibaldi yn un o'r prif ysgogwyr. Sefydlwyd Teyrnas yr Eidal yn 1861. Daeth Benito Mussolini, arweinydd plaid y Ffasgwyr yn Brif Weinidog yn 1922. Pan ddechreuodd yr Ail Ryfel Byd, daeth Mussolini a'r Eidal i mewn i'r rhyfel ar ochr yr Almaen. Diswyddwyd ef yn 1943, a'i saethu yn 1945.

Ar 2 Mehefin 1946, cafwyd pleidlais mewn refferendwm i ddileu'r frenhiniaeth ac i sefydlu Gweriniaeth yr Eidal. Mabwysiadwyd y cyfansoddiad newydd ar 1 Ionawr 1948.

Rhanbarthau[golygu | golygu cod y dudalen]

Searchtool.svg
Prif erthygl: Rhanbarthau'r Eidal
Rhanbarthau yr Eidal

Mae'r Eidal wedi'i rhannu yn 20 o ranbarthau (regioni, unigol regione)

RhanbarthPrif Ddinas
1. AbruzzoL'Aquila
2. Valle d'Aosta
Aoste
3. PugliaBari
4. BasilicataPotenza
5. CalabriaCatanzaro
6. CampaniaNapoli
7. Emilia-RomagnaBologna
8. Friuli-Venezia GiuliaTrieste
9. LazioRhufain
10. LiguriaGenova
11. LombardiaMilan
12. MarcheAncona
13. MoliseCampobasso
14. PiemonteTorino
15. SardegnaCagliari
16. SisiliPalermo
17. Trentino-Alto Adige
Trento a Bozen-Bolzano
18. ToscanaFflorens
19. UmbriaPeriwgia
20. VenetoFenis

Gwleidyddiaeth[golygu | golygu cod y dudalen]

Searchtool.svg
Prif erthygl: Gwleidyddiaeth yr Eidal

Ar 8 Mai, 2008, daeth Silvio Berlusconi yn Brif Weinidog yr Eidal am y trydydd tro, fel olynydd i Romano Prodi. Roedd Berlusconi hefyd yn Brif Weinidog o 1994 hyd 1995 ac o 2001 hyd 2006. Ymddiswyddodd mewn cywilydd ar 16 Tachwedd 2011 oherwydd diffyg arian y wlad a phenodwyd Mario Monti yn ei le.

Daearyddiaeth[golygu | golygu cod y dudalen]

Searchtool.svg
Prif erthygl: Daearyddiaeth yr Eidal

Gwlad yn ne Ewrop sy'n ymestyn allan fel gorynys hir i ganol Môr y Canoldir yw'r Eidal. Mae hefyd yn cynnwys nifer o ynysoedd; y mwyaf yw Sisili a Sardinia. Mae'n ffinio ar y Swistir, Ffrainc, Awstria, Slofenia, ac mae San Marino a Dinas y Fatican yn cael eu hamgylchynu gan yr Eidal.

Gwlad fynyddig yw'r Eidal. Yn y gogledd, ceir yr Alpau, sy'n ffurfio ffîn ogleddol y wlad. Y copa uchaf yw Monte Bianco (Ffrangeg: Mont Blanc), 4,807.5 medr o uchder, ar y ffîn rhwng yr Eidal a Ffrainc. Mynydd adnabyddus arall yw'r Matterhorn (Cervino mewn Eidaleg, ar y ffîn rhwng yr Eidal a'r Swistir. Ymhellach tua'r de, mae mynyddoedd yr Apenninau yn ymestyn o'r gogledd i'r de ar hyd yr orynys. Ceir y copa uchaf yn yr Apenninau Canolog, y Gran Sasso d'Italia (2,912 m). Ceir nifer o losgfynyddoedd byw yn yr Eidal: Etna, Vulcano, Stromboli a Vesuvius.

Afon fwyaf yr Eidal yw Afon Po, sy'n tarddu yn yr Alpau Cottaidd ac yn llifo tua'r dwyrain am 652 km (405 milltir) i'r Môr Adriatig ar hyd gwastadedd eang. Y llyn mwyaf yw Llyn Garda yn y gogledd.

Economi[golygu | golygu cod y dudalen]

Searchtool.svg
Prif erthygl: Economi'r Eidal

Demograffeg[golygu | golygu cod y dudalen]

Searchtool.svg
Prif erthygl: Demograffeg yr Eidal

Ar 31 Rhagfyr 2006 roedd poblogaeth yr Eidal yn 59,131,287. Roedd 30,412,846 o'r rhain yn ferched a 28,718,441 yn ddynion.

Dinasoedd[golygu | golygu cod y dudalen]

Dinasoedd mwyaf yr Eidal, gydag ystadegau poblogaeth 2012, yw:

Milan
  1. Rhufain - 2,641,930
  2. Milan - 1,245,956
  3. Napoli - 960,521
  4. Torino - 872,158
  5. Palermo - 655,604
  6. Genova - 583,089
  7. Bologna - 373,010
  8. Fflorens - 362,389
  9. Bari - 314,258
  10. Catania - 293,112

Ieithoedd[golygu | golygu cod y dudalen]

Eidaleg yw iaith swyddogol yr Eidal. Yn nhalaith Bolzano-Bozen, mae'r mwyafrif o'r boblogaeth yn siarad Almaeneg fel iaith gyntaf, ac mae Almaeneg yn iaith swyddogol yno ar y cyd ag Eidaleg. Mae Ffrangeg yn gyd-iaith swyddogol yn Val d'Aosta,

Diwylliant[golygu | golygu cod y dudalen]

Searchtool.svg
Prif erthygl: Diwylliant yr Eidal
Hunanbortread gan Leonardo da Vinci.

Oherwydd na unwyd yr Eidal fel un wladwriaeth hyd yn gymharol ddiweddar, bu amrywiaeth mawr mewn diwylliant. Yn yr Eidal y dechreuodd y Dadeni yn Ewrop.

Llenyddiaeth[golygu | golygu cod y dudalen]

Gosodwyd sylfeini yr iaith Eidaleg lenyddol fodern gan Dante Alighieri o Fflorens. Ei waith enwocaf yw'r Divina Commedia, a ystyrir yn un o brif gampweithiau Ewrop yn y Canol Oesoedd. Llenorion amlwg eraill yw Giovanni Boccaccio, Giacomo Leopardi, Alessandro Manzoni, Torquato Tasso, Ludovico Ariosto, a Petrarch. Ymysg llenorion diweddar yr Eidal, enillwyd Gwobr Nobel am Lenyddiaeth gan Giosuè Carducci (1906), Grazia Deledda (1926), Luigi Pirandello (1936), Salvatore Quasimodo (1959), Eugenio Montale (1975) a Dario Fo (1997).

Ymysg athronwyr amlwg yr Eidal mae Giordano Bruno, Marsilio Ficino, Niccolò Machiavelli a Giambattista Vico.

Arlunio[golygu | golygu cod y dudalen]

Yn y Canol Oesoedd a chyfnod y Dadeni, roedd arlunwyr yr Eidal yn enwog trwy Ewrop. Ymysg yr arlunwyr a cherrflunwyr enwocaf, mae Michelangelo, Leonardo da Vinci, Donatello, Botticelli, Fra Angelico, Tintoretto, Caravaggio, Bernini, Titian a Raffael.

Cerddoriaeth[golygu | golygu cod y dudalen]

Bu cerddoriaeth yn elfen bwysig iawn yn niwylliant yr eidal o gyfnod cynnar. Yn yr Eidal y dyfeisiwyd opera, ac mae'n parhau'n boblogaidd iawn hyd heddiw. Y tŷ opera enwocaf yw La Scala yn Milan.

Ymysg cyfansoddwyr enwog yr Eidal mae Alessandro Scarlatti, Arcangelo Corelli, Antonio Vivaldi, Niccolò Paganini, Gioacchino Rossini, Giuseppe Verdi a Giacomo Puccini. Canwr enwocaf yr Eidal yn y cyfnod diweddar oedd Luciano Pavarotti.

Dolenni allanol[golygu | golygu cod y dudalen]

Wiktionary-logo-cy.png
Chwiliwch am Yr Eidal
yn Wiciadur.
Yr Eidal
Emblem of Italy.svg
Kongeriget Danmark
Flag of Denmark.svg
Math gwladwriaeth sofran Edit this on Wikidata
Prifddinas Rhufain Edit this on Wikidata
Poblogaeth 60,599,936 Edit this on Wikidata
Sefydlwyd 2 Mehefin 1946 Edit this on Wikidata
Anthem Il Canto degli Italiani Edit this on Wikidata
Pennaeth llywodraeth Giuseppe Conte Edit this on Wikidata
Cylchfa amser CET, UTC+01:00, UTC+2, Europe/Rome Edit this on Wikidata
Nawddsant Ffransis o Assisi, Catherine of Siena Edit this on Wikidata
Iaith/Ieithoedd
  swyddogol
Eidaleg Edit this on Wikidata
Daearyddiaeth
Arwynebedd 301,338 cilometr sgwâr Edit this on Wikidata
Gerllaw Môr Adria, Môr Tirrenia, Môr Ionia, Môr Liguria Edit this on Wikidata
Yn ffinio gyda San Marino, Y Fatican, Ffrainc, Y Swistir, Awstria, Slofenia, Malta Edit this on Wikidata
Cyfesurynnau 43°N 12°E Edit this on Wikidata
Gwleidyddiaeth
Corff gweithredol Llywodraeth yr Eidal Edit this on Wikidata
Corff deddfwriaethol Senedd yr Eidal Edit this on Wikidata
Swydd pennaeth
  y wladwriaeth
Arlywyddion yr Eidal Edit this on Wikidata
Pennaeth y wladwriaeth Sergio Mattarella Edit this on Wikidata
Swydd pennaeth
  y Llywodraeth
Prif Weinidog yr Eidal Edit this on Wikidata
Pennaeth y Llywodraeth Giuseppe Conte Edit this on Wikidata
LocationDenmark.svg
Ariannol
Cyfanswm CMC (GDP) $1,934,798 million Edit this on Wikidata
CMC y pen $29,958 ±0.01 Edit this on Wikidata
Arian Ewro Edit this on Wikidata
Chwyddiant 0.5 ±0.1 % Edit this on Wikidata
142,756,539,021 ±1 $ (UDA) Edit this on Wikidata
Canran y diwaith 12 ±1 % Edit this on Wikidata
Cyfartaledd plant 1.39 Edit this on Wikidata
Mynegai Datblygiad Dynol 0.873 Edit this on Wikidata
Gwefan www.italia.it Golygu ar Wicidata