Apenninau

Oddi ar Wicipedia
Jump to navigation Jump to search
Yr Apenninau yn Emilia (Pietra di Bismantova).

Mynyddoedd yn yr Eidal yw'r Apenninau (Eidaleg: Appennini; Lladin: Appenninus, Groeg: Απεννινος). Maent yn ymestyn ar hyd gorynys yr Eidal, o'r gogledd i'r de, am 1000 km, yn weddol agos i'r arfordir dwyreiniol. Carreg galch ydynt gan mwyaf yn ddaearegol.

Fe'i rhennir fel rheol yn Apenninau Gogleddol, Apenninau Canolog ac Apenninau Deheuol. Ceir y copa uchaf yn yr Apenninau Canolog, y Gran Sasso d'Italia (2,912 m). Ceir rhywfaint o fforestydd ar eu llethrau, er bod y rhain yn llai nag yn y cyfnod clasurol.