Llanddwywe

Oddi ar Wicipedia
Jump to navigation Jump to search
Llanddwywe
Enwyd ar ôl Dwywe Edit this on Wikidata
Math Pentref Edit this on Wikidata
Daearyddiaeth
Sir Gwynedd Edit this on Wikidata
Gwlad Baner Cymru Cymru
Cyfesurynnau 52.780019°N 4.097143°W Edit this on Wikidata
Gwleidyddiaeth
AC/au Dafydd Elis-Thomas (Annibynnol)
AS/au Liz Saville Roberts (Plaid Cymru)

Pentref bychan a phlwyf eglwysig ger arfordir Bae Ceredigion yn ne Gwynedd yw Llanddwywe ("Cymorth – Sain" ynganiad ). Mae'n gorwedd fymryn i'r de o bentref Dyffryn Ardudwy ar ffordd yr A496.

Mae eglwys Llanddwywe yn hynafol. Fe'i cysylltir â'r santes Dwywe, gwraig Dunod Fawr a mam i'r seintiau Deiniol, Cynwyl a Gwarthan, yn ôl traddodiad. Pan fu farw y bardd Wiliam Phylip o Hendrefechan yn 92 oed, cafodd ei gladdu ym mynwent eglwys Llanddwywe ar 11 Chwefror, 1669 : gwelir ei feddrod yno o hyd. Cedwir ar glawr cywydd marwnad iddo gan Phylip Siôn Phylip.

Cynrychiolir yr ardal hon yn y Cynulliad Cenedlaethol gan Dafydd Elis-Thomas (Annibynnol) a'r Aelod Seneddol yw Liz Saville Roberts (Plaid Cymru).[1][2]

Y plwyf[golygu | golygu cod y dudalen]

Eglwys Llanddwywe.

Mae Llanddwywe yn blwyf ers yr Oesoedd Canol. Roedd yn cael ei rhannu'n ddwy ran gyda darn o blwyf Llanelltud yn eu gwahanu, sef

  • Llanddwywe-is-y-graig,
  • Llanddwywe-uwch-y-graig.

Gorweddai yn Ardudwy Is Artro yn Ardudwy. Mae'n blwyf fynyddig sy'n ymestyn o'r arfordir i gyfeiriad y Rhinogau ac i lawr i ddyffryn Afon Mawddach.

  1. Gwefan y Cynulliad; adalwyd 24 Chwefror 2014
  2. Gwefan parliament.uk; adalwyd 24 Chwefror 2014