Abersoch

Oddi ar Wicipedia
Neidio i: llywio, chwilio

Coordinates: 52°49′26″N 4°30′24″W / 52.8239°N 4.5066°W / 52.8239; -4.5066

Abersoch
View of Abersoch Bay from Machroes
Bae Abersoch o Fachroes
Abersoch is located in Gwynedd
Abersoch

Abersoch Gwynedd
Poblogaeth 910 
Cyfeirnod grid yr AO SH312281
Cymuned Llanengan
Sir Gwynedd
Sir seremonïol Sir Gaernarfon
Gwlad Cymru
Gwladwriaeth sofran Y Deyrnas Unedig
Tref bost Pwllheli
Rhanbarth cod post LL53
Cod deialu 01758
Yr Heddlu Gogledd Cymru
Tân Gogledd Cymru
Ambiwlans Cymru
Senedd yr Undeb Ewropeaidd Cymru
Senedd y DU Dwyfor Meirionnydd
Cynulliad Cymru Dwyfor Meirionnydd
Rhestr llefydd: y DU • Cymru • Gwynedd

Pentref sylweddol o faint yw Abersoch a leolir ar benrhyn Llŷn yng Ngwynedd, ym mhen draw'r A499 (cyfeiriad grid SH313282). Mae'n gorwedd 11 km (7 milltir) i'r dwyrain o dref Pwllheli a 43 km (27 milltir) o Gaernarfon. Enwir y pentref ar ôl aber Afon Soch, sy'n cyrraedd y môr yma ar ôl llifo trwy'r pentref.

Hen ffotograff gan John Thomas o'r harbwr yn Abersoch; Hydref 1896

Datblygodd Abersoch fel porthladd pysgota bychan, ond erbyn hyn twristiaeth yw’r prif ddiwydiant, yn enwedig hwylio. Daeth y pentref yn un o ganolfannau hwylio pwysicaf Prydain yn ystod y trigain mlynedd diwethaf. Oherwydd hyn mae nifer fawr o fewnfudwyr yn y pentref, wedi symud yno o Loegr yn bennaf, ac mae Cymreictod yr ardal a'r iaith Gymraeg wedi dioddef yn enbyd mewn canlyniad.

Ceir nifer o siopau a lleoedd bwyta yn y pentref. Gellir hefyd cymeryd taith mewn cwch i weld Ynysoedd Tudwal.

Argyfwng tai[golygu]

Mae Abersoch wedi dod i gynrychioli'r argyfwng tai yng nghefn gwlad Cymru oherwydd y prisiau uchel ar dai yn y pentref gwyliau hwn.

Ym mis Mai 2005 rhoddwyd cryn gyhoeddusrwydd i’r hanes fod darn o draeth yn Abersoch gyda chaniatad cynllunio ar gyfer cwt traeth, wedi gwerthu am £63,000. Mae hyn yn adlewyrchu'r ffaith ei bod yn anodd os nad amhosibl i bobl ifainc lleol fforddio prynu tai.

Yn hanner cyntaf 2008 cafwyd enghreifftiau eraill o brisiau syfrdanol a wnaeth y pennawdau. Yn Chwefror rhoddwyd sied pren 18x15 troedfedd "mewn cyflwr adfeiliedig" ar werth am £150,000. Mae'n ddeg munud o'r traeth, heb olygfa yn y byd, ac angen cryn dipyn o waith arno.[1]

Oriel luniau:[golygu]

Cyfeiriadau[golygu]

Dolenni allanol[golygu]

Comin Wikimedia
Mae gan Gomin Wikimedia gyfryngau sy'n berthnasol i: