Brynrefail, Gwynedd

Oddi ar Wicipedia
Neidio i: llywio, chwilio
Brynrefail.

Mae Brynrefail yn bentref yng ngogledd Gwynedd, gerllaw pentref mwy Llanberis. Saif fymryn oddi ar ar y briffordd A4244 yn agos at ben gogleddol Llyn Padarn, lle mae Afon Rhythallt yn gadael y llyn.

Adeiladwyd y pentref yn y 19eg ganrif fel pentref i chwarelwyr. Roedd y rheilffordd breifat oedd yn cario llechi o Chwarel Dinorwig i'r porthladd yn mynd heibio Brynrefail. Mae yno ysgol gynradd a swyddfa'r post. Yma yr oedd safle wreiddiol Ysgol Brynrefail, ond symudwyd hi i bentref cyfagos Llanrug yn ddiweddarach.