John Thomas (ffotograffydd)

Oddi ar Wicipedia
Neidio i: llywio, chwilio
Enghraifft o waith John Thomas: portread o'i fam (yn eistedd), Shan y Lliwdy (chwith) a morwyn Bontfaen (1867). (Delwedd o Gasgliad John Thomas, Llyfrgell Genedlaethol Cymru)

Ffotograffydd Cymreig oedd John Thomas (1838-1905).

Ei fywyd[golygu]

Cafodd ei eni a'i fagu yng Nghellan, Ceredigion, yn fab i labrwr. Yn 1853 symudodd y teulu i Lerpwl, a bu'n gweithio mewn siop defnydd am ddeg mlynedd. Fe effeithiodd hyn ar ei iechyd, a gorfu iddo chwilio am waith allan yn yr awyr iach. Roedd ei ail fab, William Thellwall Thomas (1865 - 1927), yn llawfeddyg yn Lerpwl.[1]

Ffotograffiaeth[golygu]

Ar ddiwedd y 1860au cafodd waith gyda chwmni teithio yn sgwennu ac yn tynnu lluniau enwogion. Roedd y math yma o waith, ar y pryd, yn newydd iawn. Sylweddolodd mai cymharol brin oedd y ffotograffau o Gymry, felly dechreuodd arbenigo mewn tynnu a gwerthu lluniau o weinidogion. Erbyn 1867, roedd yn ddigon hyderus i ddechrau ar ei liwt ei hun, a gwnaeth hyn am gyfnod o dros 40 mlynedd dan yr enw: The Cambrian Gallery.

Pan ymddeolodd o'i waith, prynwyd dros 3,000 o'i luniau gan Syr O. M. Edwards er mwyn eu defnyddio yn ei gylchgronnau megis Cymru. Ceir dros 4,000 o'i ffotograffau yn y Llyfrgell Genedlaethol yn Aberystwyth.

Defnyddio'i waith ar Wicipedia[golygu]

Mae'r Llyfrgell Genedlaethol yn caniatau i Wicipedia ddefnyddio'i luniau ar drwydded arbennig.[2] Gellir gweld ei waith ar wefan y Llyfrgell, yma. Mae'n bosibl mewnforio'r ffotograffau hyn i fewn i erthyglau "sy’n elwa’n sylweddol o’u hychwanegu".

Cyfeiriadau[golygu]