Tîm pêl-droed cenedlaethol Cymru

Cymru

Conffederasiwn	UEFA (Ewrop)
Hyfforddwr	Craig Bellamy
Mwyaf o Gapiau	Gareth Bale (111)
Prif sgoriwr	Gareth Bale (41)
Cod FIFA	WAL
Safle FIFA	31 (10 Gorffennaf 2025)
Safle FIFA uchaf	8 (Hydref 2015)
Safle FIFA isaf	117 (Awst 2011)
Safle Elo	30 (18 Hydref 2019)
Safle Elo uchaf	3 (1876~1885)
Safle Elo isaf	88 (Mawrth 2011)
Lliwiau Cartref Lliwiau Oddi Cartref
Gêm ryngwladol gynaf
yr Alban 4–0 Cymru (Glasgow; 26 Mawrth 1876)
Y fuddugoliaeth fwyaf
Cymru 11–0 Gweriniaeth Iwerddon (Wrecsam; 3 Mawrth 1888)
Colled fwyaf
yr Alban 9–0 Cymru (Glasgow; 23 Mawrth 1878)
Cwpan FIFA y Byd
Ymddangosiadau	2 (Cyntaf yn 1958)
Canlyniad gorau	Rownd Go-gynderfynol, 1958
Pencampwriaeth Pêl-droed Ewrop
Ymddangosiadau	2 (Cyntaf yn 2016)
Canlyniad gorau	Rownd Gyn-derfynol, 2016
Gwefan	faw.cymru/cy/

Cymru yn erbyn Gwlad Belg, Stadiwm Dinas Caerdydd, 12 Mehefin 2015

Tîm pêl-droed cenedlaethol Cymru (Saesneg: Wales national football team) yw'r tîm sy'n cynrychioli Cymru mewn pêl-droed dynion ar lefel ryngwladol. Rheolir y tîm gan Gymdeithas Bêl-droed Cymru.

Tîm Cymru yw'r trydydd hynaf o holl dimau pêl-droed cenedlaethol y byd. Chwaraeodd ei gêm ryngwladol gyntaf yn erbyn yr Alban ar 25 Mawrth 1876 yn Glasgow. Chwaraewyd y gêm ryngwladol gyntaf yng Nghymru ar y Cae Ras, Wrecsam ar 5 Mawrth 1877, eto yn erbyn yr Alban.

Mae Cymru wedi llwyddo i gyrraedd rowndiau terfynol prif bencampwriaethau'r byd pêl-droed ddwywaith, sef Cwpan y Byd Pêl-droed 1958 a phencampwriaeth Ewro 2016. Llwyddodd Cymru hefyd i gyrraedd rownd yr wyth olaf o Bencampwriaethau Ewrop 1976, sef y flwyddyn olaf y cafodd y gystadleuaeth honno ei chynnal dros ddau gymal. Yn 2022, curodd Cymru dîm Wcráin, gan gyrraedd Cwpan y Byd am y tro cyntaf ers 1958, cyfnod o 64 o flynyddoedd.

Yn Ebrill 2013, agorodd Parc y Ddraig, Canolfan Datblygu Pêl-droed Cenedlaethol Cymru, yng Nghasnewydd.

Hanes

Y Blynyddoedd Cynnar

Chwaraeodd Cymru ei gêm gystadleuol gyntaf ar 25 Mawrth 1876 yn erbyn yr Alban yn Glasgow gan ei gwneud y trydydd tîm pêl-droed rhyngwladol hyna'n y byd. Yr Alban enillodd y gêm gyntaf 4-0. Trefnwyd gêm gyfatebol yng Nghymru y flwyddyn ganlynol ac felly y cafwyd y gêm bêl-droed ryngwladol gyntaf ar dir Cymru, ar Gae Ras Wrecsam ar 5 Mawrth 1882. Enillodd yr Alban eto, 2-0 y tro hwn. Roedd y gêm gyntaf yn erbyn Lloegr yn 1879 pan welwyd Cymru'n colli 2-1 yn Kennington Oval, Llundain ac yn 1882 wynebodd Cymru Iwerddon am y tro cyntaf gan ennill 7-1 yn Wrecsam.

Cyfarfu cynrychiolwyr y pedair gwlad ym Manceinion ar 6 Ragfyr 1882 i greu rheolau a thrwy hyn sefydlwyd Bwrdd y Cymdeithasau Pêl-droed Rhyngwladol. Yn 1883-84 ffurfiwyd Pencampwriaeth Cartref Prydain, twrnameint a chwaraewyd yn flynyddol rhwng Lloegr, yr Alban, Iwerddon a Chymru hyd 1983-84. Bu Cymru'n bencampwr 12 gwaith.

Gemau Rhagbrofol Cwpan y Byd Pêl-droed 2014

Gosodwyd Cymru yng Ngrŵp A ar gyfer gemau Rhagbrofol Cwpan y Byd 2014 ynghyd â Croatia, Serbia, Gwlad Belg, yr Alban a Macedonia. Ni lwyddodd Cymru i gyrraedd rowndiau terfynol Cwpan y Byd, gan orffen yn bumed yn y grŵp rhagbrofol.

Gemau Rhagbrofol Ewro 2016

Gosodwyd Cymru yng Ngrŵp B ar gyfer gemau Rhagbrofol Ewro 2016 ynghyd ag Andorra, Gwlad Belg, Bosnia-Hertsegofina, Cyprus ac Israel. Ar 10 Hydref 2015, er colli yn erbyn Bosnia-Hertsegofina, llwyddodd Cymru i gyrraedd rowndiau terfynol Ewro 2016, gan fod Cyprus wedi curo Israel. Dyma'r tro cyntaf i Gymru gyrraedd rowndiau terfynol twrnamaint pêl-droed rhyngwladol ers Cwpan y Byd Pêl-droed 1958. Gorffennodd Cymru yn ail yn y grŵp ar ôl curo Andorra o 2-0 yng Nghaerdydd ar 13 Hydref 2015.

Tîm	Ch	E	Cyf	Coll	Dros	Y/e	+/-	P
Gwlad Belg	10	7	2	1	24	5	+19	23
Cymru	10	6	3	1	11	4	+7	21
Bosnia a Hertsegofina	10	5	2	3	17	12	+5	17
Israel	10	4	1	5	16	14	+2	13
Cyprus	10	4	0	6	16	17	-1	12
Andorra	10	0	0	10	4	36	-32	0

Allwedd i'r lliwiau yn y tabl
	Symud ymlaen i brif gemau Ewro 2016
	Symud ymlaen i'r gemau ail-gyfle

Rowndiau Terfynol Ewro 2016

Ar 12 Rhagfyr 2015, tynnwyd enwau y timau i chwarae yn rowndiau terfynol Ewro 2016. Gosodwyd Cymru yng ngrŵp B, ynghyd â Lloegr, Rwsia a Slofacia.

Ar 20 Mehefin 2016, llwyddodd Cymru i ennill Grŵp B, a chyrraedd rownd yr 16 olaf yng nghystadleuaeth Ewro 2016 wedi iddynt guro Rwsia o dair gôl i ddim.

Tîm	Ch	E	Cyf	Coll	Dros	Y/E	+/-	P
Cymru	3	2	0	1	6	3	+3	6
Lloegr	3	1	2	0	3	2	+1	5
Slofacia	3	1	1	1	3	3	0	4
Rwsia	3	0	1	2	2	6	-4	1

Allwedd i'r lliwiau yn y tabl
	Symud ymlaen i'r 16 olaf
	Posibilrwydd o gyrraedd yr 16 olaf (os yn un o'r pedwar tîm trydydd safle gorau)

Ar ôl cyrraedd rownd gyn-derfynol pencampwriaeth UEFA Euro 2016, dychwelodd Tîm Pêl-droed Cymru i Gymru gan fynd ar daith bws agored drwy ganol dinas Caerdydd.

Ar 22 Mehefin, cyhoeddwyd y byddai Cymru yn wynebu Gogledd Iwerddon ym Mharis ar 25 Mehefin 2016 yn rownd yr 16 olaf. Enillodd Cymru y gêm 1-0, gan sicrhau eu lle yn y rownd go-gynderfynol. Enillodd Cymru'r rownd honno o 3-1 yn erbyn Gwlad Belg, gan sicrhau eu lle yn rownd gynderfynol cystadleuaeth bêl-droed ryngwladol am y tro cyntaf erioed. Portiwgal oedd gwrthwynebwyr Cymru yn y rownd gynderfynol. Nid oedd Ben Davies nac Aaron Ramsey yn gallu chwarae oherwydd gwaharddiad, wedi iddynt dderbyn dau gerdyn melyn yr un yn ystod y gystadleuaeth. Cafwyd gêm agos, ond colli 2-0 fu hanes Cymru, gan roi terfyn ar y freuddwyd o gyrraedd y rownd derfynol.

Dychwelodd carfan Cymru a'r tîm hyfforddi i Gymru ar 8 Gorffennaf 2016. Ar ôl glanio ym Maes Awyr Caerdydd, teithiodd y garfan i Gastell Caerdydd, lle roedd torfeydd o filoedd yn aros i'w croesawu. Teithiodd y chwaraewyr ar fws to agored drwy ganol y brifddinas, gan orffen yn Stadiwm Dinas Caerdydd, lle cynhaliwyd cyngerdd gan amrywiol artistiaid, gan gynnwys y Manic Street Preachers a Kizzy Crawford.

Gemau Rhagbrofol Cwpan y Byd Pêl-droed 2018

Yn dilyn eu llwyddiant yng Ngemau Rhagbrofol Ewro 2016, gosodwyd Cymru ymhlith y deg tîm gorau yn y Byd yn rhestr safleoedd FIFA am y tro cyntaf erioed ym mis Gorffennaf 2015. Golygodd hynny fod Cymru ymhlith y detholion uchaf ar gyfer dewis y grwpiau ar gyfer Gemau Rhagbrofol Cwpan y Byd Pêl-droed 2018. Fe dynnwyd enwau'r timau ar 25 Gorffennaf 2015 yn St Petersburg, Rwsia. Gosodwyd Cymru yng Ngrŵp D ynghyd ag Awstria, Serbia, Gweriniaeth Iwerddon, Moldofa a Georgia.

Tîm	Ch	E	Cyf	Coll	Dros	Y/E	+/-	P
Serbia	10	6	3	1	20	10	+10	21
Gweriniaeth Iwerddon	10	5	4	1	12	6	+6	19
Cymru	10	4	5	1	13	6	+7	17
Awstria	10	4	3	3	14	12	+2	15
Georgia	10	0	5	5	8	14	-6	5
Moldofa	10	0	2	8	4	23	-19	2

Allwedd i'r lliwiau yn y tabl
	Symud ymlaen i brif gemau Cwpan y Byd Pêl-droed 2018
	Symud ymlaen i'r gemau ail-gyfle

Cynghrair y Cenhedloedd UEFA 2018-19

Fe osodwyd Tîm pêl-droed cenedlaethol Cymru yng Ngrŵp 4, Cynghrair B y gystadleuaeth gychwynnol Cynghrair y Cenhedloedd UEFA yn 2018-19. Ynghyd ag Gweriniaeth Iwerddon a Denmarc.

Tîm	Ch	E	Cyf	Coll	Dros	Y/E	+/-	P
Denmarc	4	2	2	0	4	1	+3	8
Cymru	4	2	0	2	6	5	+1	6
Gweriniaeth Iwerddon	4	0	2	2	1	5	-4	2

Allwedd i'r lliwiau yn y tabl
	Dyrchafiad i Gynghrair A Cynghrair y Cenhedloedd UEFA
	Gostwng i Gynghrair C Cynghrair y Cenhedloedd UEFA

Gemau Rhagbrofol Ewro 2020

Gosodwyd Cymru yng Ngrŵp E ar gyfer gemau Rhagbrofol Ewro 2020 ynghyd ag Aserbaijan, Croatia, Hwngari a Slofacia. Fe fydd y ddau dîm fydd ar frîg y tabl ar ddiwedd y rowndiau rhagbrofol yn symud yn uniongyrchol i rowndiau terfynol Ewro 2020.

Tîm	Ch	E	Cyf	Coll	Dros	Y/e	+/-	P
Croatia	8	5	2	1	17	7	+10	17
Cymru	8	4	2	2	10	6	+4	14
Slofacia	8	4	1	3	13	11	+2	13
Hwngari	8	4	0	4	8	11	-3	12
Aserbaijan	8	0	1	7	5	18	-13	1

Cywir ar 19 Tachwedd 2019

Allwedd i liwiau'r tabl
	Symud ymlaen i brif gemau Ewro 2020

Canlyniadau Diweddar a Gornestau'r Dyfodol

Dyddiad	Cystadleuaeth	Canlyniad
15 Hydref 2013	Rhagbrofol Cwpan y Byd 2014	Gwlad Belg	1 - 1	Cymru
16 Tachwedd 2013	Cyfeillgar	Cymru	1 - 1	y Ffindir
5 Mawrth 2014	Cyfeillgar	Cymru	3 - 1	Gwlad yr Iâ
4 Mehefin 2014	Cyfeillgar	yr Iseldiroedd	2 - 0	Cymru
9 Medi 2014	Rhagbrofol Ewro 2016	Andorra	1 - 2	Cymru
10 Hydref 2014	Rhagbrofol Ewro 2016	Cymru	0 - 0	Bosnia a Hertsegofina
13 Hydref 2014	Rhagbrofol Ewro 2016	Cymru	2 - 1	Cyprus
16 Tachwedd 2014	Rhagbrofol Ewro 2016	Gwlad Belg	0 - 0	Cymru
28 Mawrth 2015	Rhagbrofol Ewro 2016	Israel	0 - 3	Cymru
12 Mehefin 2015	Rhagbrofol Ewro 2016	Cymru	1 - 0	Gwlad Belg
3 Medi 2015	Rhagbrofol Ewro 2016	Cyprus	0 - 1	Cymru
6 Medi 2015	Rhagbrofol Ewro 2016	Cymru	0 - 0	Israel
10 Hydref 2015	Rhagbrofol Ewro 2016	Bosnia a Hertsegofina	2 - 0	Cymru
13 Hydref 2015	Rhagbrofol Ewro 2016	Cymru	2 - 0	Andorra
13 Tachwedd 2015	Cyfeillgar	Cymru	2 - 3	yr Iseldiroedd
24 Mawrth 2016	Cyfeillgar	Cymru	1 - 1	Gogledd Iwerddon
28 Mawrth 2016	Cyfeillgar	Wcráin	1 - 0	Cymru
5 Mehefin 2016	Cyfeillgar	Sweden	3 - 0	Cymru
11 Mehefin 2016	Ewro 2016	Cymru	2 - 1	Slofacia
16 Mehefin 2016	Ewro 2016	Lloegr	2 - 1	Cymru
20 Mehefin 2016	Ewro 2016	Rwsia	0 - 3	Cymru
25 Mehefin 2016	Ewro 2016 (Rownd yr 16 Olaf)	Cymru	1 - 0	Gogledd Iwerddon
1 Gorffennaf 2016	Ewro 2016 (Rownd Gogynderfynol)	Cymru	3 - 1	Gwlad Belg
6 Gorffennaf 2016	Ewro 2016 (Rownd Gynderfynol)	Portiwgal	2 - 0	Cymru
5 Medi 2016	Rhagbrofol Cwpan y Byd 2018	Cymru	4 - 0	Moldofa
6 Hydref 2016	Rhagbrofol Cwpan y Byd 2018	Awstria	2 - 2	Cymru
9 Hydref 2016	Rhagbrofol Cwpan y Byd 2018	Cymru	1 - 1	Georgia
12 Tachwedd 2016	Rhagbrofol Cwpan y Byd 2018	Cymru	1 - 1	Serbia
24 Mawrth 2017	Rhagbrofol Cwpan y Byd 2018	Gweriniaeth Iwerddon	0 - 0	Cymru
11 Mehefin 2017	Rhagbrofol Cwpan y Byd 2018	Serbia	1 - 1	Cymru
2 Medi 2017	Rhagbrofol Cwpan y Byd 2018	Cymru	1 - 0	Awstria
5 Medi 2017	Rhagbrofol Cwpan y Byd 2018	Moldofa	0 - 2	Cymru
6 Hydref 2017	Rhagbrofol Cwpan y Byd 2018	Georgia	0 - 1	Cymru
9 Hydref 2017	Rhagbrofol Cwpan y Byd 2018	Cymru	0 - 1	Gweriniaeth Iwerddon
10 Tachwedd 2017	Cyfeillgar	Ffrainc	2 - 0	Cymru
14 Tachwedd 2017	Cyfeillgar	Cymru	1 - 1	Panama
22 Mawrth 2018	Cwpan Tsiena 2018	Gweriniaeth Pobl Tsieina	0 - 6	Cymru
26 Mawrth 2018	Cwpan Tsiena 2018	Wrwgwái	1 - 0	Cymru
29 Mai 2018	Cyfeillgar	Mecsico	0 - 0	Cymru
6 Medi 2018	Cynghrair y Cenhedloedd UEFA	Cymru	4 - 1	Gweriniaeth Iwerddon
9 Medi 2018	Cynghrair y Cenhedloedd UEFA	Denmarc	2 - 0	Cymru
11 Hydref 2018	Cyfeillgar	Cymru	1 - 4	Sbaen
16 Hydref 2018	Cynghrair y Cenhedloedd UEFA	Gweriniaeth Iwerddon	0 - 1	Cymru
16 Tachwedd 2018	Cynghrair y Cenhedloedd UEFA	Cymru	1 - 2	Denmarc
20 Tachwedd 2018	Cyfeillgar	Albania	1 - 0	Cymru
20 Mawrth 2019	Cyfeillgar	Cymru	1 - 0	Trinidad a Thobago
24 Mawrth 2019	Rhagbrofol Ewro 2020	Cymru	1 - 0	Slofacia
8 Mehefin 2019	Rhagbrofol Ewro 2020	Croatia	2 - 1	Cymru
11 Mehefin 2019	Rhagbrofol Ewro 2020	Hwngari	1 - 0	Cymru
6 Medi 2019	Rhagbrofol Ewro 2020	Cymru	2 - 1	Aserbaijan
10 Medi 2019	Cyfeillgar	Cymru	1 - 0	Belarws
10 Hydref 2019	Rhagbrofol Ewro 2020	Slofacia	1 - 1	Cymru
13 Hydref 2019	Rhagbrofol Ewro 2020	Cymru	1 - 1	Croatia
16 Tachwedd 2019	Rhagbrofol Ewro 2020	Aserbaijan	0 - 2	Cymru
19 Tachwedd 2019	Rhagbrofol Ewro 2020	Cymru	2 - 0	Hwngari

Chwaraewyr

Carfan ddiweddaraf

Enwodd Craig Bellamy y tîm ar gyfer y gêmau yn erbyn Casachstan a Canada ym mis Awst 2025.

Capiau a goliau yn dilyn 9 Mehefin 2025

0#0 Safle Chwaraewr Dyddiad geni (oed) Capiau Goliau Clybiau 1GG Danny Ward (1993-06-22) 22 Mehefin 1993 44 0 Wrecsam 1GG Karl Darlow (1990-10-08) 8 Hydref 1990 7 0 Leeds United 1GG Adam Davies (1992-07-17) 17 Gorffennaf 1992 5 0 Sheffield United 2AM Ben Davies (is-gapten) (1993-04-24) 24 Ebrill 1993 96 3 Tottenham Hotspur 2AM Joe Rodon (1997-10-22) 22 Hydref 1997 54 1 Leeds United 2AM Chris Mepham (1997-11-05) 5 Tachwedd 1997 49 0 Bournemouth 2AM Neco Williams (2001-04-13) 13 Ebrill 2001 47 4 Nottingham Forest 2AM Ben Cabango (2000-05-30) 30 Mai 2000 12 0 Dinas Abertawe 2AM Jay Dasilva (1998-04-22) 22 Ebrill 1998 3 0 Coventry City 2AM Ronan Kpakio (2007-05-25) 25 Mai 2007 0 0 Dinas Caerdydd 2AM Dylan Lawlor (2006-01-01) 1 Ionawr 2006 0 0 Dinas Caerdydd 3CC Harry Wilson (1997-03-22) 22 Mawrth 1997 62 14 Fulham 3CC David Brooks (1997-07-08) 8 Gorffennaf 1997 35 5 Bournemouth 3CC Jordan James (2004-07-02) 2 Gorffennaf 2004 20 0 Rennes 3CC Sorba Thomas (1999-01-25) 25 Ionawr 1999 18 1 Stoke City 3CC Josh Sheehan (1995-03-30) 30 Mawrth 1995 13 0 Bolton Wanderers 3CC Charlie Crew (2006-06-15) 15 Mehefin 2006 1 0 Doncaster Rovers 3CC Kai Andrews (2006-08-06) 6 Awst 2006 0 0 Dinas Coventry 4YM Daniel James (1997-11-10) 10 Tachwedd 1997 57 8 Leeds Unedig 4YM Kieffer Moore (1992-08-08) 8 Awst 1992 49 14 Wrecsam 4YM Brennan Johnson (2001-05-23) 23 Mai 2001 37 6 Tottenham Hotspur 4YM Nathan Broadhead (1998-04-05) 5 Ebrill 1998 14 2 Wrecsam 4YM Mark Harris (1998-12-29) 29 Rhagfyr 1998 11 0 Rhydychen Unedig 4YM Liam Cullen (1999-04-23) 23 Ebrill 1999 10 2 Dinas Abertawe 4YM Lewis Koumas (2005-09-19) 19 Medi 2005 6 0 Dinas Birmingham

Chwaraewyr eraill a alwyd i'r garfan yn ddiweddar

INJ Anaf 0#0 Safle Chwaraewr Dyddiad geni (oed) Capiau Goliau Clybiau 1GG Tom King (1995-03-09) 9 Mawrth 1995 1 0 Wolverhampton Wanderers 1GG David Harrington (2000-07-01) 1 Gorffennaf 2000 0 0 Fleetwood Town 2AM Neco Williams (2001-04-13) 13 Ebrill 2001 47 4 Nottingham ForestINJ 2AM Rhys Norrington-Davies (1999-04-22) 22 Ebrill 1999 13 1 Sheffield Unedig 2AM Owen Beck (2002-08-09) 9 Awst 2002 0 0 LerpwlINJ 3CC Kai Andrews (2006-08-06) 6 Awst 2006 0 0 Dinas Coventry 3CC Joe Allen (1990-03-14) 14 Mawrth 1990 77 2 Wedi ymddeol 3CC Rubin Colwill (2002-04-27) 27 Ebrill 2002 9 1 Dinas Caerdydd 3CC Charlie Savage (2003-05-02) 2 Mai 2003 2 0 Reading 3CC Wes Burns (1994-11-23) 23 Tachwedd 1994 10 0 Ipswich TownINJ 3CC Luke Harris (2005-03-04) 4 Mawrth 2005 0 0 Fulham INJ 3CC Aaron Ramsey (capten) (1990-12-26) 26 Rhagfyr 1990 86 21 Pumas UNAMINJ 4YM Daniel James (1997-11-10) 10 Tachwedd 1997 57 8 Leeds UnedigINJ 4YM Tom Lawrence (1994-01-31) 31 Ionawr 1994 23 3 Rangers

Prif sgorwyr

Cywir ar 21 Gorffennaf 2025 (Mae'r chwaraewyr sy'n dal i chwarae mewn print trwm):

#	Enw	Goliau	Capiau	Cyfartaledd
1	Gareth Bale	41	111	0.4
2	Ian Rush	28	73	0.38
3	Trevor Ford	23	38	0.61
	Ivor Allchurch	23	68	0.34
5	Dean Saunders	22	75	0.29
6	Aaron Ramsey	21	86	0.24
7	Craig Bellamy	19	78	0.27
8	Robert Earnshaw	16	59	0.27
	Cliff Jones	16	59	0.22
	Mark Hughes	16	72	0.27

Mwyaf o Gapiau

Cywir ar 10 Mehefin 2025 (Mae'r chwaraewyr sy'n parhau i chwarae mewn print trwm):

#	Enw	Gyrfa	Capiau	Goliau
1	Gareth Bale	2006–2022	111	41
2	Chris Gunter	2007-2022	109	0
	Wayne Hennessey	2007–2023	109	0
4	Ben Davies	2012-	96	3
5	Neville Southall	1992–1997	92	0
6	Aaron Ramsey	2008–	86	21
	Ashley Williams	2008–2019	86	2
8	Gary Speed	1990-2004	85	7
9	Craig Bellamy	1998-2013	78	19
10	Joe Allen	2009-2025	77	2
	Joe Ledley	2005-2018	77	4

Chwaraewyr Eraill gyda 50 neu fwy o gapiau

Cywir ar 2 Chwefror 2025 (Mae'r chwaraewyr sy'n parhau i chwarae mewn print trwm):

Dean Saunders Peter Nicholas Ian Rush James Collins Dai Davies Simon Davies Robert Earnshaw Ryan Giggs John Hartson Barry Horne Leighton James Cliff Jones Paul Jones

John Mahoney Andy Melville Mark Pembridge David Phillips Leighton Phillips Kevin Ratcliffe Sam Ricketts Carl Robinson Mickey Thomas Rod Thomas Sam Vokes Terry Yorath

Rheolwyr

Rhestrir rheolwyr dros dro yn italig.

Cyn 1954 roedd tîm Cymru yn cael ei ddewis gan banel o ddewiswyr, gyda'r capten yn chwarae rôl hyforddwr.

• Walley Barnes (1954–1955)
• Jimmy Murphy (1956–1964)
• Dave Bowen (1964–1974)
• Ron Burgess (1965)
• Mike Smith (1974–1979)
• Mike England (1979–1987)
• David Williams (1988)
• Terry Yorath (1988–1993)
• John Toshack (1994)
• Mike Smith (1994–1995)
• Bobby Gould (1995–1999)
• Neville Southall (1999)
• Mark Hughes (1999–2004)
• John Toshack (2004–2010)
• Brian Flynn (2010)
• Gary Speed (2010–2011)
• Chris Coleman (2012–2017)
• Ryan Giggs (2018–2022)
• Robert Page (2020–2024)
• Craig Bellamy (2024-)

Nodiadau

Delwedd y tîm

Darlledu yn y cyfryngau

Mae hawliau darlledu teledu byw yn nwylo S4C (sylwebaeth yn y Gymraeg) a BBC Cymru Wales (sylwebaeth yn y Saesneg).

Lliwiau a logo

Ers tro, mae'r prif git wedi bod yn goch i gyd. Mae bathodyn Cymdeithas Bêl-droed Cymru yn cynnwys Draig Goch ar ei thraed ôl ar darian wen. O 1920 ymlaen, cafodd yr arfbais ei hamgylchynu gan ymyl goch, ac ychwanegwyd y llythrennau “FAW” yn 1926. Ailgynlluniwyd y bathodyn yn 1951, gan ychwanegu ymyl werdd gydag 11 cennin Pedr, ynghyd â’r arwyddair “Gorau Chwarae Cyd Chwarae”. Cafodd yr arwyddair ei hepgor dros dro yn 1984, ond arhosodd y bathodyn yn debyg iawn hyd at 2010, pan newidiwyd y darian i gynnwys ochrau crwn, a newidiwyd lliw’r faner ar yr arwyddair o wyn i goch a gwyrdd. Cafodd yr arwyddair ei dynnu eto yn 2019, yn dilyn ailgynllun mawr arall ar y bathodyn, a welodd frig y darian yn cael ei wastatáu a’r ochrau’n cael eu newid fel nad oeddent yn cromlinio allan; cafodd yr ymyl werdd ei deneuo a thynnwyd y cennin Pedr hefyd.

Darparwr cit

Darparwr cit	Cyfnod
Admiral	1976–1980
Adidas	1980–1987
Hummel	1987–1990
Umbro	1990–1996
Lotto	1996–2000
Kappa	2000–2008
Champion	2008–2010
Umbro	2010–2013
Adidas	2013–

Enw

Weithiau, cyfeirir at y tîm ac fe’i brandir yn un-enwol fel “Cymru” yn y ddwy iaith gan Gymdeithas Bêl-droed Cymru, gan fod y Gymdeithas yn defnyddio’r term yn ei chyfathrebiadau mewnol ac allanol. Ym mis Hydref 2022, cyhoeddodd y Gymdeithas ei bod yn ystyried ail-frandio’r tîm i ddefnyddio dim ond enw Cymraeg y wlad, gan hepgor y term “Wales”, yn dilyn Cwpan y Byd FIFA 2022. Dywedodd y Gymdeithas ei bod mewn trafodaethau gydag UEFA ynghylch sut i newid yr enw, ac iddi gael ei hysbrydoli gan ail-frandio Twrci i Türkiye, a pheidio bod y wlad olaf yn nhrefn yr wyddor mewn rhai digwyddiadau pêl-droed. Dywedodd yr Athro Owen Worth o Brifysgol Limerick fod y cynnig hwn yn enghraifft o’r cysylltiad rhwng clybiau cefnogwyr y tîm a grwpiau o blaid annibyniaeth i Gymru megis YesCymru ac AUOB Cymru.

Trefn llun y garfan cyn gêm

Llun cyn gêm Cymru yn erbyn Awstria mewn gêm i gyrraedd Cwpan y Byd FIFA 2018

Yn ystod pencampwriaeth Ewro 2016, aeth lluniau cyn gêm y garfan yn feiral oherwydd trefniad anarferol a lletchiwth y chwaraewyr ynddynt. Ar y pryd, nododd Joe Ledley nad oeddent yn dda ar gael tynnu eu lluniau, ond roedd peidio â chymryd llun go iawn yn dod a lwc iddynt. Yn 2025, ar ôl i dîm merched Cymru wneud yr un peth yn ystod pencampwriaeth Ewros y Merched 2025, dyweoddd llefarydd ar ran tîm Cymru ei fod wedi dechrau ar ddamwain ond ers hynny mae wedi dod yn draddodiad i osod eu hunain mewn modd anghonfensiynol i'r ddau dîm. Nodwyd hefyd bod trefniad lletchwith llun cyn gêm y Cymru yn mynd yn ôl mor bell â 2002.

Gweler hefyd

• Tîm pêl-droed cenedlaethol merched Cymru
• Tîm pêl-droed cenedlaethol dan 21 Cymru
• Tîm pêl-droed cenedlaethol dan 20 Cymru
• Tîm pêl-droed cenedlaethol dan 19 Cymru
• Tîm pêl-droed cenedlaethol dan 18 Cymru
• Tîm pêl-droed cenedlaethol dan 17 Cymru
• Tîm futsal cenedlaethol Cymru