Neidio i'r cynnwys

C.P.D. Dinas Caerdydd

Oddi ar Wicipedia
Dinas Caerdydd
Logo Dinas Caerdydd
Enw llawnClwb Pêl-droed Dinas Caerdydd
Llysenw(au)Yr Adar Gleision
Sefydlwyd1899 (fel Riverside A.F.C.)
MaesStadiwm Dinas Caerdydd
PerchennogBaner Maleisia Vincent Tan
CadeiryddBaner Cyprus Mehmet Dalman
RheolwrBaner Gweriniaeth Iwerddon Brian Barry-Murphy
CynghrairCynghrair Un
2023–202424ain o 24 (Pencampwriaeth Lloegr)
GwefanGwefan y clwb

Mae Clwb Pêl-droed Dinas Caerdydd (Saesneg: Cardiff City Football Club) yn glwb pêl-droed proffesiynol sydd wedi ei leoli yng Nghaerdydd ac yn un o'r pum clwb o Gymru sy'n chwarae yng nghyfundrefn pêl-droed Lloegr.[1] Mae'n cystadlu yn y Bencampwriaeth, ail haen cynghrair pêl-droed Lloegr. Fe'i sefydlwyd ym 1899 dan yr enw Riverside A.F.C. gan newid i Cardiff City yn 1908. Ymunodd â Chynghrair Pêl-droed De Lloegr ym 1910 cyn symud i Gynghrair Pêl-droed Lloegr yn 1920. Mae'r tîm wedi treulio 17 tymor yn haen uchaf pêl-droed Lloegr; y cyfnod hwyaf oedd rhwng 1921 a 1929. Y cyfnod diweddaraf yn yr haen uchaf oedd tymor yn Uwch Gynghrair Lloegr yn 2018–19.

Caerdydd yw'r unig dîm o'r tu allan i Loegr i ennill Cwpan FA Lloegr, gan wneud hynny yn 1927. Maent hefyd wedi cyrraedd tair rownd derfynol yng nghystadlaethau Lloegr: Rownd Derfynol Cwpan FA Lloegr 1925 (colli i Sheffield United), Rownd Derfynol Cwpan FA Lloegr 2008 (colli i Portsmouth) a Rownd Derfynol Cwpan Cynghrair Pêl-droed 2012 (colli i Lerpwl). Maent wedi ennill Cwpan Cymru ar 22 achlysur, sy’n golygu mai nhw yw’r ail dîm mwyaf llwyddiannus yn hanes y gystadleuaeth ar ôl Wrecsam.

Ac eithrio cyfnod byr ar ddechrau'r ganrif hon, glas a gwyn yw lliwiau cartref y clwb ers 1908, a dyna sy'n rhoi cyfrif am y llysenw 'Yr Adar Gleision'. Cae parhaol cyntaf y clwb oedd Parc Ninian a agorwyd yn 1910; parhaodd i gael ei ddefnyddio am 99 mlynedd cyn i'r clwb symud i Stadiwm Dinas Caerdydd yn 2009. Mae Caerdydd yn gystadleuwyr hirsefydlog i glwb pêldroed Dinas Abertawe ac mae'r ddau yn chwarae darbi De Cymru yn erbyn ei gilydd. Gêm ddarbi bwysig arall yw honno yn erbyn Bristol City, a elwir yn ddarbi Glannau Hafren (Severnside). Deiliad y record ar gyfer nifer ymddangosiadau i'r clwb yw Billy Hardy, a wnaeth 590 ymddangosiad dros gyfnod o ugain mlynedd, a’r sgoriwr uchaf yn hanes y clwb yw Len Davies gyda 179 gôl.

Blynyddoedd cynnar (1899–1920)

[golygu | golygu cod]

Yn dilyn cyfarfod yng nghartref yr artist lithograffig Bartley Wilson yng Nghaerdydd,[2] sefydlwyd y clwb ym 1899 dan yr enw Riverside AFC fel ffordd o gadw chwaraewyr Clwb Criced Riverside gyda'i gilydd ac yn heini yn ystod misoedd y gaeaf.[3] [4] Yn eu tymor cyntaf, chwaraeon nhw gemau cyfeillgar yn erbyn timau lleol ar faes Gerddi Sophia. Yn 1900 ymunodd y clwb â Chynghrair Caerdydd a'r Cylch am eu tymor cystadleuol cyntaf. [5] Pan roddodd y Brenin Edward VII statws dinas i Gaerdydd ym 1905, cyflwynodd y clwb gais i Gymdeithas Bêl-droed De Cymru a Mynwy i newid eu henw i Ddinas Caerdydd. [3] Gwrthodwyd y cais gan y tybiwyd nad oeddent yn chwarae ar lefel ddigon uchel. Er mwyn cynyddu ei statws, trefnodd y clwb i ymuno â Chynghrair De Cymru ym 1907. Y flwyddyn ganlynol cawsant ganiatâd i newid enw'r clwb i Cardiff City. [6] [7]

Er ei fod yn tyfu mewn statws, bu’n rhaid i’r clwb wrthod y cyfle i ymuno ag Ail Adran Cynghrair Pêl-droed y De a oedd newydd ei ffurfio oherwydd diffyg cyfleusterau ar eu cae yng Ngerddi Sophia. Dros y ddwy flynedd nesaf, chwaraeodd Caerdydd gemau cyfeillgar yn erbyn rhai o dimau proffesiynol gorau Prydain, gan gynnwys Middlesbrough, Bristol City, a Crystal Palace. Chwaraewyd y gemau ar gaeau Caerdydd a threfi cyfagos er mwyn mesur faint o ddiddordeb a oedd gan y cyhoedd yn y tîm.[8] Yn y diwedd sicrhaodd y clwb dir i adeiladu ei stadiwm ei hun, Parc Ninian, a gwblhawyd yn 1910. Trodd y clwb yn broffesiynol yr un flwyddyn. Prynwyd y chwaraewr cyntaf y flwyddyn ganlynol pan ddaeth Jack Evans o Gwmparc.[9]

Gyda'r maes newydd yn ei le, ymunodd Caerdydd ag Ail Adran Cynghrair Pêl-droed y De [10] a phenodi eu rheolwr cyntaf, Davy McDougall, a ddaeth yn chwaraewr-reolwr.[11] Aethant ymlaen i orffen yn y pedwerydd safle yn eu blwyddyn gyntaf yn y gynghrair. Penderfynodd y bwrdd ddisodli McDougall gyda Fred Stewart, a oedd â phrofiad blaenorol o reoli gyda Stockport County.[12] Aeth ati i fabwysiadu agwedd fwy proffesiynol, gan arwyddo sawl chwaraewr gyda phrofiad o'r Gynghrair Bêl-droed, gan gynnwys y brodyr John a George Burton a Billy Hardy. Dyrchafwyd tîm Stewart yn ei ail dymor trwy gipio teitl yr Ail Adran. Arhoson nhw yn yr Adran Gyntaf am y ddegawd nesaf, a gorffen yn y pedwar uchaf ar ddau achlysur.[13] [14]

Buddsodiad o dramor (2000–y presennol)

[golygu | golygu cod]

Ym mis Awst 2000, prynodd y dyn busnes o Libanus, Sam Hammam, reolaeth dros y clwb gan ddisodli Steve Borley fel cadeirydd.[15][16] Yn fuan ar ôl cymryd yr awenau, addawodd y byddai'n cael Cymru gyfan i gefnogi Caerdydd drwy ailenwi'r clwb yn 'Celtiaid Caerdydd' a newid lliwiau'r clwb i goch, gwyrdd a gwyn. Wedi trafodaethau maith gyda chwaraewyr hŷn a chefnogwyr, penderfynodd mai'r polisi gorau oedd peidio â newid enw'r clwb wedi'r cyfan.[17] Ailgynlluniwyd arfbais y clwb i ymgorffori aderyn glas Dinas Caerdydd o flaen Baner Dewi Sant a llysenw'r clwb wedi'i osod ar frig yr arfbais.[18] Ariannodd Hammam drosglwyddiadau nifer o chwaraewyr newydd i'r clwb, ac arweiniodd y rheolwr newydd Lennie Lawrence Gaerdydd i ddyrchafiad drwy gemau ail gyfle'r Ail Adran yn 2003. Yn y gêm derfynol yn erbyn Queens Park Rangers, daeth yr eilydd Andy Campbell oddi ar y fainc i sgorio'r unig gôl mewn amser ychwanegol a sicrhau dychweliad Caerdydd i ail haen pêl-droed Lloegr wedi absenoldeb o ddeunaw mlynedd.[15]

Ar 17 Mehefin 2011, penodwyd Malky Mackay yn rheolwr Caerdydd. Yn ystod ei dymor cyntaf, cymerodd Mackay y clwb i rownd derfynol Cwpan Cynghrair Lloegr am y tro cyntaf yn eu hanes.

Yn 2012, cafodd Dinas Caerdydd ei ailfrandio gan berchnogion y clwb o Maleisia. Newidiwyd lliwiau'r crysau cartref o las i goch a bathodyn y clwb, tra cadwyd eu llysenw, 'Yr Adar Gleision'. Roedd yr ailfrandio yn amhoblogiadd ymysg cefnogwyr y clwb, ond honnodd y prif weithredwr ar y pryd y byddai'n ehangu apêl y clwb.[19] Aethant ymlaen i gael eu dechrau gorau erioed i dymor yn 2012/13, gan hefyd dorri record y clwb wrth ennill naw gêm gartref o'r bron. Gorffennwyd y tymor gyda dyrchafiad i'r Uwchgynghrair fel pencampwyr y Bencampwriaeth.

Ym mis Mehefin 2023, penodwyd Erol Bulut yn rheolwr ar y clwb. Fodd bynnag, cafodd ei ddiswyddo ym mis Medi 2024 wrth i Gaerdydd ddechrau'r tymor gyda chwe gêm ddi-fuddugoliaeth yn olynol.[20] Parhaodd ei olynydd (a'i reolwr cynorthwyol blaenorol), Omer Riza, yn y swydd tan fis Ebrill 2025. Yn sgil ei ddiswyddo yntau, cymerodd Aaron Ramsey yr awenau tan ddiwedd y tymor.[21] Yn ddiweddarach ym mis Ebrill, israddwyd Caerdydd i Gynghrair Un. Penodwyd Brian Barry-Murphy yn rheolwr parhaol wedi diwedd y tymor.[22]

Cefnogaeth

[golygu | golygu cod]

Mae gan Gaerdydd ddalgylch eang i ddenu cefnogwyr ohono. Gyda dim ond dau dîm proffesiynol (Abertawe a Chasnewydd) yn rhannu rhanbarth De Cymru, mae'r clwb yn mwynhau cefnogaeth sylweddol o ddinas Caerdydd a Chymoedd De Cymru o'i chwmpas.[23] Fel clwb Cymreig sy’n chwarae yn system cynghrair pêl-droed Lloegr, credir bod hunaniaeth genedlaethol yn ffactor mawr o ran cefnogaeth , ac mae rhai o gemau’r clwb yn cael eu hystyried yn gystadleuaeth trosffiniol rhwng Cymru a Lloegr.[23] [24]

Yn ystod yr 1980au, wrth i'r clwb frwydro yn adrannau isaf pêl-droed Lloegr, gostyngodd torfeydd i gyfartaledd o 3,000 fesul gêm. Gwelodd cynnydd yn ffawd y clwb welliant cyson yn niferoedd y torfeydd. Cododd cyfartaledd presenoldeb mewn gemau cartref o 3,594 i 12,522 rhwng 1997 a 2002.[25] Daeth dyrchafiad i'r ail haen yn 2003 â chynnydd pellach mewn niferoedd. Arweiniodd agoriad Stadiwm Dinas Caerdydd at bresenoldeb cyfartalog o 20,000 o gefnogwyr, gan arwain at uchafbwyntiau o rhwng 28,000 a 31,000 yn ystod dau dymor yn yr Uwch Gynghrair.[26] [27] Er gwaethaf y cynnydd hwn, mae'r clwb yn aml wedi cael ei ystyried fel un sy'n denu llai o wylwyr na thimau mewn sefyllfa debyg. Mae hyn wedi'i briodoli i sawl ffactor megis newid dadleuol y clwb i grysau coch rhwng 2012 a 2015, y ffaith fod rhai cefnogwyr yn cael eu gweld fel cefnogwyr tywydd teg, a diffyg awyrgylch.[26] [28]

Mae hunaniaeth genedlaethol Gymreig hefyd yn cyfrannu at ddiwylliant cefnogwyr y clwb. Ymhlith eu hoff ganeuon y mae 'Rhyfelgyrch Gwŷr Harlech', cân a wnaed yn enwog i raddau helaeth gan y ffilm Zulu o 1964, a oedd yn darlunio brwydr â llawer o filwyr o Gymru,[29] ac 'I'll Be There', fersiwn o gân glöwr a oedd yn boblogaidd yn ystod Streic gyffredinol y Deyrnas Unedig 1926.[30] Mae'r Ayatollah, sef codi'r ddwy fraich i fyny ac i lawr uwchben y pen a phatio'r corun, wedi dod yn gyfystyr â'r clwb a'i gefnogwyr ers y 1990au cynnar. [31] [32] Mae'r arfer wedi dod yn boblogaidd gyda chefnogwyr Caerdydd y tu allan i bêl-droed i ddangos cefnogaeth i'r clwb ac mae'r paffiwr Nathan Cleverly, [33] y nofiwr Olympaidd David Davies a'r chwaraewr rygbi Gareth Thomas i gyd wedi ei berfformio ar rai adegau o'u gyrfa.[31] [34]

Cystadleuwyr

[golygu | golygu cod]

Mae cystadleuaeth fwyaf arwyddocaol clwb pêl-droed Caerdydd gyda chymdogion cyfagos Abertawe, ac mae dros 100 o gemau darbi De Cymru wedi'u chwarae ym mhob cystadleuaeth rhwng y timau. Gêm gystadleuol gyntaf Abertawe yn dilyn eu sefydlu ym 1912 oedd yn erbyn Caerdydd yng Nghynghrair Pêl-droed y De.[35] Bu'r gystadleuaeth yn gymharol gyfeillgar tan y 1970au a'r 1980au. Arweiniodd materion economaidd, megis streic glowyr y DU, cystadleuaeth rhwng y ddwy ddinas a chynnydd mewn hwliganiaeth pêl-droed at nifer o wrthdrawiadau treisgar rhwng cefnogwyr yn y gemau. Galwyd un gêm yn 1993 yn 'Brwydr Parc Ninian' am ei thrais arbennig o ddifrifol ac arweiniodd hynny at gefnogwyr oddi cartref yn cael eu gwahardd rhag mynychu unrhyw gemau rhwng y timau am bedair blynedd. [36][37] [38] Disgrifiodd chwaraewr Caerdydd, Jason Perry, y cyfnod fel 'dyddiau tywyll, tywyll y darbi'.[39] Pan ollyngwyd y gwaharddiad, cyflwynwyd 'teithiau swigen' ar gyfer cefnogwyr oddi cartref a oedd ond yn gallu mynychu gemau trwy gonfoi a oedd yn cael ei dywys gan yr heddlu i'r stadiwm ac oddi yno.[36] [37]

Achoswyd rhaniad gwleidyddol pellach rhwng y ddwy ddinas gan refferendwm datganoli Cymru yn 1997 pan ddewiswyd Caerdydd yn safle ar gyfer y Senedd newydd, er i fwyafrif y ddinas bleidleisio yn erbyn datganoli.[40] Derbyniodd Abertawe, a bleidleisiodd i raddau helaeth o blaid datganoli, arian ar gyfer pwll nofio cenedlaethol yn lle hynny.[40] Dywedodd Alan Curtis, a oedd wedi chwarae i'r ddwy ochr, 'Rwy'n meddwl bod Caerdydd wedi cael ei gweld erioed [...] i dderbyn pa bynnag gyllid sy'n mynd o gwmpas. Mae'n ymddangos i mi bod popeth yn cael ei sianelu i'r cyfeiriad hwnnw.'[41] Ymhellach i ffwrdd, mae gan y clwb gystadleuaeth â Bristol City, a elwir yn ddarbi Glan Hafren, ac i raddau llai, Bristol Rovers . Mae yna hefyd lai o gystadleuaeth gyda chymdogion Cymreig, Casnewydd, er gwaethaf agosrwydd y ddwy ddinas Gymreig; anaml maen nhw wedi chwarae yn erbyn ei gilydd ers yr 1980au oherwydd bod Caerdydd mewn cynghreiriau uwch. Yn gyfan gwbl, dim ond ugain gêm Cynghrair Pêl-droed y maen nhw erioed wedi eu chwarae yn erbyn ei gilydd. Mewn arolwg gan Gyfrifiad Cefnogwyr Pêl-droed yn 2003, rhestrwyd Abertawe, Bristol City, a Chasnewydd fel tair prif gystadleuwyr Caerdydd, gyda Stoke City yn cyfateb i Gasnewydd yn drydydd.[42]

Yn yr 1980au, daeth grŵp hwligan o'r enw The Soul Crew i'r amlwg ymhlith cefnogwyr y clwb.[43] Daeth y grŵp yn enwog am eu gwrthdaro treisgar gyda chefnogwyr eraill a ffrygydau rhwng setiau o gefnogwyr mewn gemau pêl-droed a digwyddiadau eraill. [44] [45]

Lliwiau, cit ac arwyddlun

[golygu | golygu cod]

Lliwiau

[golygu | golygu cod]

Pan ffurfiwyd Riverside A.F.C. yn 1899, brown siocled ac ambr oedd lliw crys y clwb. Yn dilyn newid enw i Ddinas Caerdydd yn 1908, mabwysiadwyd crys glas a siorts a hosanau gwyn neu las, er y defnyddiwyd hosanau du am y naw mlynedd gyntaf. Dros y blynyddoedd ers hynny mae cit y clwb wedi cynnwys citiau cwbl las, streipen felen fertigol a gyflwynwyd yn ystod y 1970au, a streipiau glas bob yn ail.

Mewn cam dadleuol yn 2012, newidiodd Caerdydd liwiau eu cit i goch a du,[46] y tro cyntaf i'r clwb beidio â gwisgo glas fel ei brif liw ers 1908. Newidiwyd yr arwyddlun hefyd i un yr oedd y Ddraig Goch yn fwy amlwg arno na'r aderyn glas traddodiadol. Gwnaethpwyd y newidiadau hyn er mwyn apelio at 'farchnadoedd rhyngwladol' fel rhan o 'gynllun buddsoddi mawr' a ddadorchuddiwyd gan y cadeirydd Vincent Tan.[47] Ysgogodd yr ailfrandio wrthwynebiad cryf gan y cefnogwyr, a drefnodd orymdeithiau protest a gwrthdystiadau i leisio eu hanfodlonrwydd ynghylch y newidiadau.[48][49] Er i Tan nodi’n flaenorol na fyddai’r clwb ond yn dychwelyd i wisgo glas pe bai perchennog newydd yn cael ei ganfod, ar 9 Ionawr 2015, ar ôl tri thymor yn chwarae yn y cit coch, fe ddychwelodd y clwb i git cartref glas gyda chit oddi-cartref coch mewn ymgais i 'uno' y clwb.[50][51]

Orange and "Chocolate" quarter shirt, "Chocolate Short and sock
Lliwiau gwreiddiol Riverside A.F.C. cyn 1908
Blue jersey, White Shorts, Black socks
Lliwiau gwreiddiol Caerdydd o 1908 tan y 1920au
Light Blue jersey, White Shorts, Blue socks
Cit glas goleuach Caerdydd rhwng 1926 a 1926 and 1930
Blue jersey, White Shorts, Black socks
Dychwelwyd i grys glas rhwng 1930 a 1992
Blue jersey, Blue Shorts, Blue socks
Gwisgwyd citiau cwbl las yn 1992–1996 a 2000–2007
Blue jersey, White Shorts, White socks
Ailgyflwynwyd melyn yn 2009–10
Red jersey, Black Shorts, Red socks
Gwisgwyd cit coch rhwng 2012 a 2015
Dychwelwyd i git glas yn 2014–15

Arwyddlun

[golygu | golygu cod]

O 1908 ymlaen chwaraeai Caerdydd mewn crysau heb eu haddurno. Newidiodd hyn yn 1959 pan gafwyd arwyddlun syml yn dangos delwedd o aderyn glas. Y tymor canlynol gwisgwyd crysau plaen heb eu haddurno ac felly y bu tan 1965 pan ychwanegwyd y gair 'Bluebirds' wedi'i frodio. Yn 1969, cyflwynwyd arwyddlun newydd, tebyg i'r un a ddefnyddiwyd yn flaenorol, a gynhwysai'r aderyn glas. Amrywiadau ar yr arwyddlun hwn sydd wedi'u defnyddio ers hynny. Yn y 1980au, ychwanegwyd nodweddion pellach gan gynnwys geiriau a motiffau. Gwnaethpwyd newid mawr yn 2012, pan geisiodd y perchennog Vincent Tan ailfrandio'r clwb i ehangu ei apêl y tu allan i Gymru.[52] Rhoddodd y newid hwn amlygrwydd mawr i'r Ddraig Goch, gan leihau'r aderyn glas i fod yn nodwedd fechan. Ym mis Mawrth 2015, cyhoeddodd Caerdydd arwyddlun newydd a oedd unwaith eto'n cynnwys yr aderyn glas yn y lle amlycaf gyda draig Tsieineaidd yn cymryd lle'r ddraig Gymreig safonol.[53]

Gwneuthurwyr cit a noddwyr crysau

[golygu | golygu cod]
Cyfnod Gwneuthurwyr cit Noddwyr crysau
1973–82 Umbro Dim
1983 Whitbread Wales
1984 Superted

Camilleri Roofing

1984–85 Merthyr Motor Auctions
1985–87 Admiral Airways Cymru
1987–88 Buckley's Brewery
1988–89 Scoreline
1989–90 Havelet
1990–91 None
1991–92 Influence
1992–94 Bluebirds South Wales Echo
1994–95 Strika
1995–96 Influence
1996–97 Lotto
1997–98 Errea Gilesports
1998–99 Xara Sports Cafe
1999–2000 Modplan
2000–02 Ken Thorne Group
2002–03 Puma Leekes
2003–05 Redrow Homes
2005–06 Joma
2006–08 Communications Direct
2008–09 Vansdirect
2009–10 Puma 777.com[54]
SBOBET
2009–10
2010–11
2011–14 Bwrdd twristiaeth Malaysia a BBC Cymru
2014–15 Cosway Sports
2015–22 Adidas
2022– New Balance


Chwaraewyr

[golygu | golygu cod]

Carfan Tîm Cyntaf y Dynion

[golygu | golygu cod]

Nodyn: Diffinnir y baneri cenedlaethol o dan reolau FIFA. Gall y chwaraewyr, felly, fod o fwy nag un cenedl.

Rhif Safle Gwlad Chwaraewr
2

A

Lloegr Will Fish
3

A

Gweriniaeth Iwerddon Joel Bagan
4

A

Nigeria Gabriel Osho
6

CC

Lloegr Ryan Wintle
8

CC

Lloegr Omari Kellyman
(ar fenthyg gan Chelsea hyd at 31 Mai 2026)
10

CC

Cymru Rubin Colwill
(is-gapten)
11

Y

Lloegr Ollie Tanner
12

A

Lloegr Calum Chambers
(capten)
13

GG

Bermiwda Nathan Trott
(ar fenthyg gan C.P.D. Copenhagen hyd at 30 Mehefin 2026)
14

CC

Yr Alban David Turnbull
16

CC

Lloegr Chris Willock
18

CC

Awstralia Alex Robertson
Rhif Safle Chwaraewr
22

Y

Denmarc Yousef Salech
23

A

Lloegr Calum Scanlon
(ar fenthyg gan Lerpwl hyd at 31 Mai 2026)
24

CC

Cymru Eli King
27

CC

Cymru Joel Colwill
30

GG

Lloegr Harry Tyrer
38

A

Singapôr Perry Ng
39

Y

Cymru Isaak Davies
41

GG

Cymru Matthew Turner
44

A

Cymru Ronan Kpakio
45

Y

Cymru Cian Ashford
47

Y

Gweriniaeth Iwerddon Callum Robinson
48

A

Cymru Dylan Lawlor

Ar fenthyg

[golygu | golygu cod]

Nodyn: Diffinnir y baneri cenedlaethol o dan reolau FIFA. Gall y chwaraewyr, felly, fod o fwy nag un cenedl.

Rhif Safle Gwlad Chwaraewr
–

A

Denmarc Jesper Daaland
(ar fenthyg gyda Fortuna Düsseldorf hyd at 30 Mehefin 2026)
–

Y

Lloegr Kion Etete
(ar fenthyg gyda St Mirren hyd at 30 Mehefin 2026)
-

CC

Cymru Dakarai Mafico
(ar fenthyg gyda Yeovil Town hyd at 30 Mehefin 2026)
Rhif Safle Chwaraewr
–

Y

Cymru Tanatswa Nyakuhwa
(ar fenthyg gyda Casnewydd hyd at 30 Mehefin 2026)
–

Y

Croatia Roko Šimić
(ar fenthyg gyda Karlsruher SC hyd at 30 Mehefin 2026)

Rhifau wedi eu neilltuo

[golygu | golygu cod]

Nodyn: Diffinnir y baneri cenedlaethol o dan reolau FIFA. Gall y chwaraewyr, felly, fod o fwy nag un cenedl.

Rhif Safle Gwlad Chwaraewr
7 CC Lloegr Peter Whittingham (2007–2017)

Dan-23 ac Academi

[golygu | golygu cod]

Mae gan Gaerdydd academi ieuenctid ar gyfer chwaraewyr rhwng saith a deunaw oed.[55] Mae'r chwaraewyr sydd wedi dod trwy'r academi ieuenctid yn cynnwys y chwaaraewyr rhynglwadol Joe Ledley, Chris Gunter, Aaron Ramsey, Adam Matthews, Darcy Blake, Declan John, Rabbi Matondo, Mark Harris a Rubin Colwill.[56] Bu Robert Earnshaw a James Collins yn rhan o'r system ieuenctid cyn i hwnnw dderbyn statws academi.[57][58]

C.P.D. Merched Dinas Caerdydd

[golygu | golygu cod]

Cynrycholir y clwb hefyd gan dîm pêl-droed merched sef C.P.D. Merched Dinas Caerdydd. Yn wahanol i glwb y dynion, mae'r merched yn cystadlu yn system byramid Cymdeithas Bêl-droed Cymru gan chwarae yn Uwch Gynghrair Cymru lle maent wedi bod yn llwyddiannus iawn ac ennill sawl gwaith.

Rheolwyr

[golygu | golygu cod]

Ffynhonnell.[59]

Cyfeiriadau

[golygu | golygu cod]
  1. ↑ Y pedwar arall yw Abertawe, Casnewydd, Wrecsam a Merthyr Tudful.
  2. ↑ Hayes 2006
  3. ↑ 3.0 3.1 Tucker, Steve (9 Mai 2012). "The obscure story of Cardiff City's blue kit and nickname". WalesOnline. Media Wales. Archifwyd o'r gwreiddiol ar 22 Awst 2017. Cyrchwyd 21 Awst 2017.
  4. ↑ Hayes 2003
  5. ↑ Grandin 2010
  6. ↑ Shepherd 2002
  7. ↑ Shepherd, Richard (19 March 2013). "1899–1920 Foundations & the Early Years". Cardiff City F.C. Archifwyd o'r gwreiddiol ar 22 Mehefin 2016. Cyrchwyd 22 Ionawr 2017.
  8. ↑ Grandin 2010
  9. ↑ Shepherd, Richard (19 March 2013). "1899–1920 Foundations & the Early Years". Cardiff City F.C. Archifwyd o'r gwreiddiol ar 22 Mehefin 2016. Cyrchwyd 22 Ionawr 2017.
  10. ↑ "Cardiff City". Football Club History Database. Archifwyd o'r gwreiddiol ar 24 April 2017. Cyrchwyd 22 Ionawr 2017.
  11. ↑ "Playing Manager Appointed". Evening Express. 14 Medi 1910. t. 4.
  12. ↑ Hayes 2006
  13. ↑ Shepherd, Richard (19 March 2013). "1899–1920 Foundations & the Early Years". Cardiff City F.C. Archifwyd o'r gwreiddiol ar 22 Mehefin 2016. Cyrchwyd 22 Ionawr 2017.
  14. ↑ Shepherd 2002
  15. ↑ 15.0 15.1 Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  16. ↑ Phillips, Terry (6 Rhagfyr 2007). "Court hearing is just latest sad tale in Bluebird board wrangling". WalesOnline. Media Wales. Archifwyd o'r gwreiddiol ar 26 Chwefror 2019. Cyrchwyd 25 Chwefror 2019.
  17. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  18. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  19. ↑ Adar Gleision: gorymdaith i gofio hanes y clwb Gwefan BBC Cymru 25 Awst 2013
  20. ↑ "Rheolwr Caerdydd, Erol Bulut, wedi ei ddiswyddo". BBC Cymru Fyw. 22 Medi 2024. Cyrchwyd 16 Mehefin 2025.
  21. ↑ "Ramsey i gymryd yr awenau wedi i Gaerdydd ddiswyddo Riza". BBC Cymru Fyw. 19 Ebrill 2025. Cyrchwyd 16 Mehefin 2025.
  22. ↑ "Caerdydd yn penodi Brian Barry-Murphy yn rheolwr newydd". BBC Cymru Fyw. 16 Mehefin 2025. Cyrchwyd 16 Mehefin 2025.
  23. ↑ 23.0 23.1 Rogers, Guy; Rookwood, Joel (2007). "Cardiff City Football Club as a Vehicle to Promote Welsh National Identity" (PDF). Journal of Qualitative Research in Sports Studies. Archifwyd o'r gwreiddiol (PDF) ar 9 Awst 2017. Cyrchwyd 22 December 2018.
  24. ↑ Abbandonato, Paul (19 Awst 2018). "Why the fans and Cardiff City Stadium factor are the Bluebirds' biggest Premier League weapon". WalesOnline. Media Wales. Archifwyd o'r gwreiddiol ar 24 Rhagfyr 2018. Cyrchwyd 23 Rhagfyr 2018.
  25. ↑ Shepherd 2007
  26. ↑ 26.0 26.1 Pritchard, Dafydd (30 October 2015). "Cardiff City: Why have crowds dwindled despite steady results?". BBC Sport. Archifwyd o'r gwreiddiol ar 24 December 2018. Cyrchwyd 23 December 2018.
  27. ↑ Sands, Katie (7 Mai 2019). "The attendances Cardiff City can now expect after relegation from the Premier League". WalesOnline. Media Wales. Cyrchwyd 28 Awst 2020.
  28. ↑ Abbandonato, Paul (23 Chwefror 2018). "Cardiff City's poor crowds investigated: The facts, the reasons and why the missing fans could yet return". WalesOnline. Media Wales. Archifwyd o'r gwreiddiol ar 24 Rhagfyr 2018. Cyrchwyd 23 Rhagfyr 2018.
  29. ↑ Goldblatt, David (2014). The Game of Our Lives: The Meaning and Making of English Football. London: Penguin UK. ISBN 978-0241955260. Cyrchwyd 23 December 2018.
  30. ↑ McLaren, James (19 October 2010). "The Stand – I'll Be There". BBC Wales. Archifwyd o'r gwreiddiol ar 24 Rhagfyr 2018. Cyrchwyd 23 Rhagfyr 2018.
  31. ↑ 31.0 31.1 Woolford, Anthony (8 Awst 2016). "What is the Ayatollah? Why do Cardiff City fans do it? And why did former Swansea City star Jazz Richards spark controversy?". WalesOnline. Media Wales. Archifwyd o'r gwreiddiol ar 24 Rhagfyr 2018. Cyrchwyd 23 Rhagfyr 2018.
  32. ↑ Williams, Richard (14 Ionawr 2002). "How doing the Ayatollah became Cardiff's terrace tribute". The Guardian. Archifwyd o'r gwreiddiol ar 24 December 2018. Cyrchwyd 23 Rhagfyr 2018.
  33. ↑ Lua error in Modiwl:Citation/CS1/Date_validation at line 740: bad argument #1 to 'insert' (table expected, got nil).
  34. ↑ "Olympian Davies takes silver in the 'swim of his life'". WalesOnline. Media Wales. 21 Awst 2008. Archifwyd o'r gwreiddiol ar 24 Rhagfyr 2018. Cyrchwyd 23 Rhagfyr 2018.
  35. ↑ Hayes 2003
  36. ↑ 36.0 36.1 James, Stuart (1 Tachwedd 2013). "Cardiff and Swansea make Premier League history but hatred continues". The Guardian. Archifwyd o'r gwreiddiol ar 24 Mawrth 2016. Cyrchwyd 4 Tachwedd 2018.
  37. ↑ 37.0 37.1 Herbert, Ian (3 Tachwedd 2013). "Cardiff v Swansea: History and hurt behind the squabble for Welsh rule". The Independent. Archifwyd o'r gwreiddiol ar 6 Ionawr 2014. Cyrchwyd 4 Tachwedd 2018.
  38. ↑ Owens, David (5 Mawrth 2014). "'The worst violence I have ever seen anywhere in my life': Football intelligence officer recalls South Wales derby clash". WalesOnline. Media Wales. Archifwyd o'r gwreiddiol ar 8 Mawrth 2014. Cyrchwyd 4 Tachwedd 2018.
  39. ↑ Clutton, Graham (1 Tachwedd 2013). "How the once-friendly rivalry between Cardiff City and Swansea City turned poisonous". The Telegraph. Archifwyd o'r gwreiddiol ar 19 Awst 2016. Cyrchwyd 4 Tachwedd 2018.
  40. ↑ 40.0 40.1 Herbert, Ian (3 Tachwedd 2013). "Cardiff v Swansea: History and hurt behind the squabble for Welsh rule". The Independent. Archifwyd o'r gwreiddiol ar 6 Ionawr 2014. Cyrchwyd 4 Tachwedd 2018.
  41. ↑ James, Stuart (1 Tachwedd 2013). "Cardiff and Swansea make Premier League history but hatred continues". The Guardian. Archifwyd o'r gwreiddiol ar 24 Mawrth 2016. Cyrchwyd 4 Tachwedd 2018.
  42. ↑ "Rivalry uncovered!" (PDF). Football Fans Census. Archifwyd o'r gwreiddiol (PDF) ar 20 Hydref 2013. Cyrchwyd 26 Gorffennaf 2013.
  43. ↑ "Confessions of a hooligan". South Wales Echo. 9 Mawrth 2002. Archifwyd o'r gwreiddiol ar 1 Medi 2017. Cyrchwyd 31 Awst 2017.
  44. ↑ "How Soul Crew became notorious". South Wales Echo. 8 Mehefin 2008. Archifwyd o'r gwreiddiol ar 1 Medi 2017. Cyrchwyd 31 Awst 2017.
  45. ↑ "Court told how rivalry between Cardiff City and Swansea City fans sparked mass brawl at racecourse". WalesOnline. Media Wales. 13 Tachwedd 2013. Archifwyd o'r gwreiddiol ar 1 Medi 2017. Cyrchwyd 31 Awst 2017.
  46. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  47. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  48. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  49. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  50. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  51. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  52. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  53. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  54. ↑ "Sponsor removed from City shirts". BBC Sport. 17 Medi 2009. Cyrchwyd 1 Mehefin 2020.
  55. ↑ Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
  56. ↑ "Dick Bate named new Cardiff Academy boss". BBC Sport. 2 Tachwedd 2012. Cyrchwyd 1 Medi 2017.
  57. ↑ Kelly, Ciaran (14 Mehefin 2016). "Parents of Wales defender James Collins, from Newport, cheer him on in Euros". South Wales Argus. Cyrchwyd 1 Mawrth 2019.
  58. ↑ Hayes 2006, tt. 53–54
  59. ↑ 59.0 59.1 59.2 59.3 Lua error in Modiwl:Citation/CS1/Date_validation at line 981: attempt to index field 'inv_local_long' (a nil value).
Wedi dod o "https://cy.wikipedia.org/w/index.php?title=C.P.D._Dinas_Caerdydd&oldid=14590511"