Mae angen diweddaru'r erthygl hon. Gallwch helpu drwy newid yr erthygl i adlewyrchu digwyddiadau diweddar neu ychwanegu gwybodaeth newydd.
Mae Clwb pêl-droed Dinas Caerdydd (Saesneg: Cardiff City Association Football Club) yn un o'r chwech Clwb o Gymru sy'n chwarae yn y system pêl-droed Lloegr. Dyrchafwyd y clwb i'r Uwchgynghrair yn nhymor 2018-2019, hefo Neil Warnock fel rheolwr ond ni lwyddodd y tîm aros yn y gynghrair.
Cafodd Dinas Caerdydd ei ffurfio ym 1899 fel ffordd o gadw chwaraewyr o Glwb Criced Riverside gyda'i gilydd ac yn cadw'n heini yn ystod misoedd y gaeaf. Yn eu tymor cyntaf roeddent yn chwarae gemau cyfeillgar yn erbyn timau lleol ar eu maes yng Ngerddi Sophia, ond ym 1900 dyma nhw'n ymuno â Chynghrair Caerdydd a'r Cylch ar gyfer eu tymor cystadleuol cyntaf. Ym 1905 rhoddwyd statws dinas i Gaerdydd gan y Brenin Edward VII, ac o ganlyniad, gwnaeth y clwb gais i newid eu henw i Ddinas Caerdydd, ond cafodd y cais ei wrthod gan y teimlwyd nad oeddent yn chwarae ar lefel ddigon uchel. Er mwyn dod dros hyn, trefnodd y clwb i ymuno â Chynghrair Amatur De Cymru ym 1907 ac yn y flwyddyn ganlynol cawsant ganiatâd i newid enw'r clwb i Ddinas Caerdydd.
Ar 17 Mehefin 2011, penodwyd Malky Mackay fel rheolwr Caerdydd. Yn ystod ei dymor cyntaf, cymerodd Mackay y clwb i rownd derfynol Cwpan Cynghrair Lloegr am y tro cyntaf yn eu hanes.
Yn 2012, cafodd Dinas Caerdydd ei ailfrandio gan berchnogion y clwb o Maleisia. Newidiwyd lliwiau'r crysau cartref o las i goch a bathodyn y clwb, tra cadwyd eu llysenw, "yr Adar Gleision". Roedd yr ailfrandio yn amhoblogiadd ymysg cefnogwyr y clwb, ond honnodd y prif weithredwr ar y pryd y byddai ail-frandio yn ehangu apêl y clwb.[1] Aethant ymlaen i gael eu dechrau gorau erioed i dymor yn 2012/13, tra hefyd yn torri record y clwb wrth ennill naw gêm gartref o'r fron. Gorffenwyd y tymor gyda dyrchafiad i'r Uwchgynghrair wedi i'r clwb orffen y tymor fel pencampwyr y Bencampwriaeth.
Vincent Tan
Mehmet Dalman
