Danny Gabbidon

Oddi ar Wicipedia
Jump to navigation Jump to search
Danny Gabbidon

Gabbidon yn chwarae i Crystal Palace yn 2012
Gwybodaeth Bersonol
Enw llawnDaniel Leon Gabbidon[1]
Dyddiad geni (1979-08-08) 8 Awst 1979 (40 oed)[1]
Man geniCwmbrân, Cymru
Taldra1.78m[1]
SafleAmddiffynnwr
Y Clwb
Clwb presennolDinas Caerdydd
Rhif39
Gyrfa Ieuenctid
1996–1998West Bromwich Albion
Gyrfa Lawn*
BlwyddynTîmYmdd(Gôl)
1998–2000West Bromwich Albion20(0)
2000Dinas Caerdydd (ar fenthyg)7(0)
2000–2005Dinas Caerdydd193(10)
2005–2011West Ham United96(0)
2011–2012Queens Park Rangers17(0)
2012–2014Crystal Palace33(0)
2014–Dinas Caerdydd0(0)
Tîm Cenedlaethol
1999–2001Cymru dan 2117(0)
2002–Cymru49(0)
* Cyfrifir yn unig: ymddangosiadau i Glybiau fel oedolyn a goliau domestg a sgoriwyd. sy'n gywir ar 04:58, 2 Medi 2014 (UTC).

† Ymddangosiadau (Goliau).

‡ Capiau cenedlaethol a goliau: gwybodaeth gywir ar 20.50, 5 Mehefin 2014(UTC)

Pêl-droediwr Cymreig ydy Danny Gabbidon (ganwyd Daniel Leon Gabbidon 8 Awst 1979) sy'n chwarae i Gaerdydd yn Adran y Bencampwriaeth o Gynghrair Lloegr a thîm cenedlaethol Cymru.

Gyrfa Clwb[golygu | golygu cod y dudalen]

West Bromwich Albion[golygu | golygu cod y dudalen]

Dechreuodd ei yrfa fel prentis gyda chlwb West Bromwich Albion ym mis Tachwedd 1996 cyn arwyddo'n broffesiynol ym mis Gorffennaf 1998. Gwnaeth ei ymddangosiad cyntaf i West Brom yn erbyn Ipswich Town ar 20 Mawrth 1999[2].

Dinas Caerdydd[golygu | golygu cod y dudalen]

Wedi cyfnod ar fenthyg gyda Chaerdydd ar ddechrau tymor 2000-01, ymunodd yn barhaol â'r Adar Gleision ym mis Medi 2000 am £500,000[3].Yn ystod ei bum mlynedd ar Barc Ninian, cyrhaeddodd Caerdydd Gemau Ail Gyfle'r Ail Adran yn 2002 cyn sicrhau dyrchafiad i'r Adran Gyntaf yn 2003 a chafodd ei enwebu'n aelod o dîm y flwyddyn y PFA yn 2004[4].

West Ham United[golygu | golygu cod y dudalen]

Symudodd i West Ham yn 2005 ynghŷd â'i gyd-Gymro, James Collins[5] er mwyn chwarae yn Uwch Gynghrair Lloegr ac yn 2006 chwaraeodd yn rownd derfynol Cwpan FA Lloegr yn erbyn Lerpwl[6] cyn cael ei enwebu'n Chwaraewr y Flwyddyn West Ham United.

Queen's Park Rangers[golygu | golygu cod y dudalen]

Ymunodd â Queen's Park Rangers ym mis Gorffennaf 2011[7] ond wedi i Mark Hughes gymryd yr awenau fel rheolwr y clwb, yn dilyn diswyddiad Neil Warnock, ni chafodd Gabbidon llawer o gyfleon a chafodd ei ryddhau ar ddiwedd tymor 2011-12[8].

Crystal Palace[golygu | golygu cod y dudalen]

Ar 18 Medi 2012 ymunodd â Crystal Palace[9] ond ar ôl dau dymor a 38 gêm cafodd ei ryddhau gan y clwb.

Dinas Caerdydd[golygu | golygu cod y dudalen]

Ail ymunodd â Chaerdydd fel chwaraewr-hyfforddwr ym mis Medi 2014[10]. Ar 18 Medi 2014 cafodd ei benodi'n rheolwr dros-dro ar Gaerdydd ynghŷd â Scott Young yn dilyn diswyddiad Ole Gunnar Solskjaer[11].

Gyrfa Rhyngwladol[golygu | golygu cod y dudalen]

Gwnaeth Gabbidon 17 ymddangosiad i dîm dan 21 Cymru Y tro9 cyntaf oedd pan gafodd ei alw i garfan llawn Cymru ar gyfer gêm rhagbrofol Cwpan y Byd yn erbyn Belarws ym mis Hydref 2001 ond bu raid iddo ddisgwyl tan 27 Mawrth 2002 cyn ennill ei gap cyntaf yn erbyn Y Weriniaeth Tsiec[12].

Cafodd Gabbidon y cyfle i fod yn gapten ar ei wlad pan gollwyd 1-0 yn erbyn Cyprus ym mis Tachwedd 2005[13] ac eto yn y fuddugoliaeth 1-0 dros Bwlgaria ym mis Awst 2007. Ym mis Hydref 2010 cyhoeddodd Gabbidon ei fod yn ymddeol o bêl-droed rhyngwladol ar ôl ennill 49 cap dros ei wlad[14].

Anrhydeddau[golygu | golygu cod y dudalen]

Cafodd Gabbidon wobr Chwaraewr Clwb y Flwyddyn gan Gymdeithas Bêl-droed Cymru yn 2002 am ei berfformiadau gyda Chaerdydd ac yn 2005 enillodd wobr Chwaraewr y Flwyddyn[15].

Cyfeiriadau[golygu | golygu cod y dudalen]

  1. 1.0 1.1 1.2 Hugman, Barry J., gol,. (2010). The PFA Footballers' Who's Who 2010–11. Mainstream Publishing. p. 161. ISBN 978-1-84596-601-0.
  2. "Soccerbase: Danny Gabbidon". Unknown parameter |publishged= ignored (help)
  3. "Marriott stays at Sunderland". 2000-09-22. Unknown parameter |published= ignored (help)
  4. "Henry retains PFA crown". 2004-04-25. Unknown parameter |published= ignored (help)
  5. "Hammer swoop for defensive trio". 2005-07-05. Unknown parameter |published= ignored (help)
  6. "Liverpool 3-3 West Ham (a.e.t.)". 2006-06-13. Unknown parameter |published= ignored (help)
  7. "QPR snap up Danny Gabbidon on Free Transfer". 2011-07-25. Unknown parameter |published= ignored (help)
  8. "Premier League Released List 2011-12" (PDF). Unknown parameter |published= ignored (help)
  9. "Eagles snap up free agent Danny Gabbidon". 2012-09-18. Unknown parameter |published= ignored (help)
  10. "Deal done: Danny returns to the City". 2014-09-01. Unknown parameter |published= ignored (help)
  11. "Cardiff Caretaker Managers Danny Gabbidon and Scott Young bullish". 2014-09-19. Unknown parameter |published= ignored (help)
  12. "Wales 0-0 Czech Republic". 2002-03-27.
  13. "Gabbidon desires captaincy again". 2005-11-18. Unknown parameter |published= ignored (help)
  14. "West Ham's Danny Gabbidon quits international game". 2010-10-04. Unknown parameter |published= ignored (help)
  15. "Gabbidon voted top Welsh player". 2005-10-04. Unknown parameter |published= ignored (help)



Sports person stub icon.png Eginyn erthygl sydd uchod am bêl-droediwr. Gallwch helpu Wicipedia drwy ychwanegu ato.