Dafydd Alaw

Oddi ar Wicipedia
Dafydd Alaw
GanwydYnys Môn Edit this on Wikidata
DinasyddiaethBaner Cymru Cymru
Alma mater
Galwedigaethbardd Edit this on Wikidata
Blodeuodd1550 Edit this on Wikidata
Cysylltir gydaMysoglen Edit this on Wikidata

Bardd o Ynys Môn oedd Dafydd Alaw (bl. 1546–1567).

Bywgraffiad[golygu | golygu cod]

Graddiodd Dafydd Alaw yn ail Eisteddfod Caerwys yn 1567 lle dyfarnwyd iddo'r radd Disgybl Ysbâs. Dyma'r unig ddyddiad pendant yn ei yrfa a chredir ei fod yn tynnu ymlaen at fod yn henwr erbyn hynny, sy'n awgrymu iddo gael ei eni tua throad yr 16g.

Cerddi[golygu | golygu cod]

Ychydig iawn o'i gerddi sydd ar glawr heddiw, ond roedd yn fardd adnabyddus yng ngogledd-orllewin Cymru yn ei gyfnod a cheir cyfeiriadau ato yng ngwaith eraill o'i gyd-feirdd. Cerddi i noddwyr uchelwrol ym Môn yw'r testunau sydd wedi goroesi a gellir tybio mae ar yr ynys honno y byddai'n clera - sef mynd o gwmpas tai noddwyr i ganu cerddi - fel rheol. Roedd y noddwyr hyn yn cynnwys teulu plasdy Myfyrian (ger Llanfairpwll) a Syr Rowland Felfil, Cwnstabl Biwmares, mab anghyfreithlon Harri Tudur a thaid i Gatrin o ferain.[1][2][3] Canodd hefyd i deulu plasdy Mysoglen yng nghyfnod Huw ap Rhys ap Hywel, a dyma englyn ganddo i simnai newydd fawr y plas:

Simnai wen Fysgolen fawr sôn—amdani,
Lle denir cerddorion;
Eglurferch, fe'i gŵyl Arfon,
Pen-rhaith simneiau maith Môn.[4]

Cyfeiriadau[golygu | golygu cod]

  1. John Ballinger, "Katheryn of Berain", Y Cymmrodon 40 (1929), gweler [1], adalwyd 22 Mehefin 2014.
  2. Peter Beauclerk-Dewar & Roger Powell, "King Henry VII (1457-1509): Roland de Velville (1474-1535)", yn Royal Bastards: Illegitimate Children of the British Royal Family (Stroud, 2008), e-lyfr, tud. 177-186.
  3. Alison Weir, Britain's Royal Families: The Complete Genealogy (Llundain, 1999), tud. 152.
  4. Enid Roberts, Tai Uchelwyr y Beirdd 1350-1600 (Cyhoeddiadau Barddas, 1986), tud. 44.