Hillyn

Oddi ar Wicipedia
Jump to navigation Jump to search
Hillyn
Ganwyd Ceredigion Edit this on Wikidata
Man preswyl Llangeitho Edit this on Wikidata
Cenedl Baner Cymru Cymru
Galwedigaeth bardd Edit this on Wikidata
Blodeuodd 14 canrif Edit this on Wikidata

Un o Feirdd yr Uchelwyr oedd Hillyn (bl. ail chwarter y 14g).[1]

Bywgraffiad[golygu | golygu cod y dudalen]

Ychydig a wyddom am y bardd. Canai i Ieuan Llwyd o Is Aeron, Ceredigion yn ail chwarter y 14g. Llysenw neu enw barddol yw 'Hillyn',o darddiad ansicr; o'r ansoddair hyll, efallai. Er bod y cerddi ganddo sydd ar glawr yn ei gysylltu ag ardal Llangeitho, Ceredigion, ceir awgrym mewn un o'i gerddi ei fod yn enedigol o Ynys Môn.[1]

Cerddi[golygu | golygu cod y dudalen]

Cedwir y tair cerdd o waith y bardd sydd ar glawr heddiw yn Llawysgrif Hendregadredd. Ceir dau fawl i Ieuan Llwyd a cherdd i ddathlu codi tŷ newydd ganddo.[1]

Mewn ffynonellau diweddarach cymysgir Hillyn a Heilyn Fardd (neu Hywel Heilyn), brudiwr o Fôn (neu fardd dychmygol y priodolir cerddi iddo yn y canu darogan), ond mae'r cerddi wrth enw Heilyn Fardd yn fwy diweddar ac yn perthyn i ganol y 15g, yn ôl pob tebyg.[1]

Llyfryddiaeth[golygu | golygu cod y dudalen]

  • Ann Parry Owen (gol.), Gwaith Llywelyn Brydydd Hoddnant, Dafydd ap Gwilym, Hillyn ac eraill (Aberystwyth, 1996). ISBN 0-947531-39-4

Cyfeiriadau[golygu | golygu cod y dudalen]

  1. 1.0 1.1 1.2 1.3 Ann Parry Owen (gol.), Gwaith Llywelyn Brydydd Hoddnant, Dafydd ap Gwilym, Hillyn ac eraill (Aberystwyth, 1996). Rhagymadrodd.