Madog Benfras

Oddi ar Wicipedia
Jump to navigation Jump to search
Madog Benfras
DinasyddiaethCymru Edit this on Wikidata
Galwedigaethbardd Edit this on Wikidata
Blodeuodd1340 Edit this on Wikidata

Bardd serch oedd Madog Benfras (bl. canol y 14g). Roedd yn un o arloeswyr y cywydd ac yn gyfaill i Ddafydd ap Gwilym.[1]

Bywgraffiad[golygu | golygu cod y dudalen]

Roedd yn frodor o'r Maelor Gymraeg yng ngogledd-ddwyrain Cymru lle roedd ei frawd yn berson Marchwiail ger Eutun (Bwrdeistref Sirol Wrecsam heddiw). Yng nghyfnod y bardd roedd Maelor Gymraeg a Maelor Saesneg yn rhan o arglwyddiaeth Brwmffild a Iâl. Roedd Madog yn un o ddisgynyddion Madog ap Llywelyn (m. 1331), uchelwr mawr yn yr ardal ac un o ddisgynyddion tywysogion Powys Fadog. Yn ogystal â dal tir yn y Maelor Gymraeg mae'n bosibl y bu ganddo dir yn ardal Brogyntyn, Swydd Amwythig hefyd.[1]

Cerddi[golygu | golygu cod y dudalen]

Cedwir saith cywydd y gellir eu derbyn yn ddiogel fel gwaith Madog. Cerddi serch ydynt i gyd o ran eu prif thema; yr unig eithriad yw ei gywydd marwnad i'w gyfaill Dafydd ap Gwilym, ond canmol bardd serch ac amddiffyn y canu hwnnw yw prif nodwedd y gerdd honno.[1]

Llyfryddiaeth[golygu | golygu cod y dudalen]

  • Barry J. Lewis (gol.), 'Gwaith Madog Benfras', yn Gwaith Madog Benfras ac eraill o feirdd y bedwaredd ganrif ar ddeg (Aberystwyth, 2007). Y golygiad safonol o waith y bardd.

Cyfeiriadau[golygu | golygu cod y dudalen]

  1. 1.0 1.1 1.2 Barry J. Lewis (gol.), 'Gwaith Madog Benfras'.