Lewis ab Edward

Oddi ar Wicipedia
Lewis ab Edward
Ganwyd16 g Edit this on Wikidata
DinasyddiaethCymru, Teyrnas Lloegr Edit this on Wikidata
Galwedigaethbardd Edit this on Wikidata
Blodeuodd1521, 1568 Edit this on Wikidata

Bardd Cymraeg oedd Lewis ab Edward neu Lewis Meirchion (bl. 1521–1568). Roedd yn un o'r to olaf o Feirdd yr Uchelwyr i raddio yn bencerdd.[1]

Bywgraffiad[golygu | golygu cod]

Brodor o Fodfari (Sir Ddinbych heddiw) oedd Lewis. Fe'i ganed rhywbryd tua 1521 (ar sail y gerdd gynharaf y gellir ei dyddio). Roedd yn un o ddisgyblion barddol Gruffudd Hiraethog. Graddiodd yn bencerdd cerdd dafod yn Eisteddfod Caerwys 1567, yr ail o Eisteddfodau Caerwys.[1]

Cerddi[golygu | golygu cod]

Canodd gerddi mawl i deuluoedd uchelwrol gogledd Cymru. Cedwir un awdl 38 cywydd a thua ugain o englynion o'i waith. Y gerdd gynharaf ganddo y gellir ei dyddio â sicrwydd yw ei farwnad i Ieuan Llwyd o blas Glynllifon yn Arfon. Canodd farwnad i'r hynafiaethydd a meddyg Humphrey Llwyd (m. 1568) hefyd; dyma'r gerdd olaf o'i waith y gellir ei dyddio.[1]

Cyfeiriadau[golygu | golygu cod]

  1. 1.0 1.1 1.2 Meic Stephens (gol.), Cydymaith i Lenyddiaeth Cymru.