Benllech

Oddi ar Wicipedia

Benllech Ynys Môn

Tref ar arfordir ddwyreiniol Ynys Môn, ym mhwlyf Llanfair Mathafarn Eithaf yw Benllech. Fe'i lleolir 7 milltir i'r gogledd-ddwyrain o Borthaethwy ar lôn yr A5025, hanner ffordd rhwng Pentraeth a Moelfre. Mae ar Lwybr Arfordirol Ynys Mon. Mae'n ganolfan gwyliau glan-môr poblogaidd yn yr haf ac mae twristiaeth yn chwarae rhan bwysig yn yr economi lleol. Mae nifer o dai newydd a byngalos yn gymysg â thai hŷn y dref. Mae Traeth Benllech yn lân a diogel. I'r gorllewin ceir meysydd carafanau ar gyfer ymwelwyr.

Cynnwys 1 Y dref heddiw 2 Hanes lleol 3 Atyniadau eraill 4 Cludiant

[golygu] Y dref heddiw

Celr ysgol gynradd, meddygfa GP, llyfrgell, swyddfa post a nifer o gaffis a siopau bach yn y dref, ynghyd â thair tafarn. Dros y degawdau diwethaf mae nifer o bobl a arferai fynd ar eu gwyliau i Fenllech wedi prynu tai yn y dref ac mewn canlyniad mae hi wedi'i Seisnigeiddio cryn dipyn, yn arbennig mewn cymhariaeth â'r pentrefi bach yn y cylch.

Yr Arwydd yw papur bro Benllech a gweddill cylch Mynydd Bodafon.

[golygu] Hanes lleol

Ceir dwy siambr gladdu Neolithig hanner milltir i'r gorllewin o Fenllech. Ganwyd y bardd Goronwy Owen yn Rhosfawr, dwy filltir i'r gorllewin o'r dref.

[golygu] Atyniadau eraill

• Traeth Coch - bae llydan agored filltir a hanner i'r de-ddwyrain.
• Dinas - bryngaer dwy filltir i'r gogledd o'r dref, ger Traeth Bychan.

[golygu] Cludiant

Ceir gwasanaethau bws i Amlwch, Porthaethwy a Bangor.