Trearddur

Oddi ar Wicipedia
Neidio i: llywio, chwilio

Cyfesurynnau: 53°16′59″N 4°37′01″W / 53.283°N 4.617°W / 53.283; -4.617

Trearddur
Trearddur Bay - geograph.org.uk - 170599.jpg
Trearddur is located in Ynys Môn
Trearddur

Trearddur Y Deyrnas Unedig
Poblogaeth 1,858 (2001)
Cymuned Trearddur
Sir Ynys Môn
Sir seremonïol Gwynedd
Gwlad Wales
Gwladwriaeth sofran Y Deyrnas Unedig
Yr Heddlu  
Tân  
Ambiwlans  
Senedd yr Undeb Ewropeaidd
Rhestr llefydd: Y Deyrnas Unedig
Trearddur

Mae Trearddur, weithiau Bae Trearddur, yn bentref ar arfordir gorllewinol Ynys Cybi ger Ynys Môn, ar y ffordd B4545 rhwng Y Fali a Chaergybi. Mae na ddwy siop yma yng nghalon y pentref a modurdy, dau glwb golff (un 18 twll ac un 9 twll) a sawl gwesty gan gynnwys Gwesty Bae Trearddur, yng ngolwg y môr.

Pentref gwyliau yw Trearddur yn bennaf erbyn hyn, fel mae ffigurau'r Cyfrifiad (isod) yn dangos; mae ganddo draeth tywodlyd a nifer o westai, tafarnau, bwytai a siopau. Mae Clwb Golff Caergybi gerllaw, a gellir dilyn Llwybr yr Arfordir i'r de i Roscolyn ac i'r gogledd i Ynys Lawd. Mae yna ddau draeth mewn gwirionedd: Bae Trearddur ei hun a Phorth Dafarch, a rhyngddyn nhw mae yna le sy'n cael ei ddefnyddio ar gyfer plymio sgwba. Mae yna farchogaeth ceffylau gerllaw a thripiau neu wibdeithiau a physgota môr.

Ar fin y traeth ceir llecyn chwarae pêl-droed ble mae'r tim lleol yn chwarae.

Hanes[golygu]

Ceir nifer o henebion diddorol yn yr ardal, yn enwedig Tywyn y Capel, lle ceir gweddillion mynwent Gristnogol, cynnar oedd yn amgylchynu capel wedi ei gysegru i Santes Ffraid. Credir bod y beddau cynharaf yn dyddio o'r 5ed ganrif. Ychydig i'r gogledd mae Porth Dafarch, lle mae nifer o olion o'r cyfnod Neolithig hyd at flynyddoedd cynnar Cristionogaeth. Ar un adeg roedd Porth Dafarch yn cael ei hystyried fel porthladd posibl ar gyfer y llongau i Iwerddon, ond Caergybi a ddewiswyd.

Ceir clwstwr cytiau caeëdig Capel Llochwydd a chlwstwr cytiau Tre'r Arddur gerllaw.

Cyfrifiad 2011[golygu]

Yng nghyfrifiad 2011 roedd y sefyllfa fel a ganlyn:[1][2][3][4]

Cyfrifiad 2011
Poblogaeth cymuned Trearddur (pob oed) (1,686)
  
100%
Y nifer dros 3 oed sy'n siarad Cymraeg (Trearddur) (587)
  
35.3%
:Y ganran drwy Gymru
  
19%
Y nifer sydd wedi'u geni yng Nghymru (Trearddur) (845)
  
50.1%
:Y ganran drwy Gymru
  
73%
Y nifer mewn gwaith rhwng 16 a 74 oed(Trearddur) (363)
  
47.1%
:Y ganran drwy Gymru
  
67.1%

Dolenni allanol[golygu]

Cyfeiriadau[golygu]

  1. "Ystadegau Allweddol ar gyfer Cymru". Swyddfa Ystadegau Gwladol. http://www.ons.gov.uk/ons/rel/census/cyfrifiad-2011/ystadegau-allweddol-ar-gyfer-awdurdodau-unedol-yng-nghymru/stb-2011-key-statistics-for-wales---welsh.html. Adalwyd 2012-12-12. . Poblogaeth: ks101ew. Iaith: ks207wa - noder mae'r canran hwn yn seiliedig ar y nier sy'n siarad Cymraeg allan o'r niferoedd sydd dros 3 oed. Ganwyd yng Nghymru: ks204ew. Diweithdra: ks106ew; adalwyd 16 Mai 2013.
  2. Canran y diwaith drwy Gymru; Golwg 360; 11 Rhagfyr 2012; adalwyd 16 Mai 2013
  3. Gwefan Swyddfa Ystadegau Gwladol; Niferoedd Di-waith rhwng 16 a 74 oed; adalwyd 16 Mai 2013.
  4. Gwefan Llywodraeth Cymru; Ystadegau Economaidd Allweddol, Tachwedd 2010; Mae'r gyfradd gyflogaeth ymhlith pobl 16 – 64 oed yng Nghymru yn 67.1 y cant.; adalwyd 31 Mai 2013