Llanfihangel-yn-Nhywyn

Oddi ar Wicipedia
Neidio i: llywio, chwilio

Pentref bychan a phlwyf eglwysig ar Ynys Môn yw Llanfihangel-yn-Nhywyn. Fe'i lleolir fymryn i'r de o'r briffordd A5 yng ngogledd-orllewin yr ynys, tua 5 milltir i'r de-ddwyrain o dref Caergybi. Mae'n rhan o gymuned Llanfair-yn-Neubwll.

Yn yr Oesoedd Canol roedd eglwys Llanfihangel-yn-Nhywyn yn un o gapeli eglwys Gwenfaen (Rhoscolyn). Mae'n un o sawl eglwys yng Nghymru a enwir ar ôl Sant Mihangel.

Ceir pedwar llyn bychan ger y pentref, sef Llyn Traffwll, Llyn Penrhyn, Llyn Treflesg a Llyn Dinam, sy'n ffurfio gwarchodfa natur Gwlyptiroedd y Fali. Llyn Traffwll yw'r un agosaf i'r pentref gyda'r lan orllewinol yn dod o fewn canllath iddo.


CymruMon.png Eginyn erthygl sydd uchod am Ynys Môn. Gallwch helpu Wicipedia drwy ychwanegu ato