Malltraeth (pentref)

Oddi ar Wicipedia
Neidio i: llywio, chwilio
Stryd fawr Malltraeth

Pentref ar arfordir gorllewinol Ynys Môn yw Malltraeth, ar ochr ogleddol aber Afon Cefni. Er ei fod yn bentref cymharol fychan mae yno ddwy dafarn, y Royal Oak a'r Joiners, a swyddfa'r post sydd hefyd yn siop.

Ar un adeg yr oedd y llanw'n cyrraedd ymhell i'r tir yma, gan greu ardal gorsiog Cors Ddyga. Adeiladwyd Cob Malltraeth yn y bedwaredd ganrif ar bymtheg, ac yn awr rheolir y llanw a dyfroedd Afon Cefni gan lifddorau.

Mae Malltraeth yn lle da i wylio adar, yn enwedig ar y pwll sydd ar ochr y tir i'r cob, sy'n un o'r safleoedd gorau ar Ynys Môn i weld rhydyddion a hwyaid. Ym Malltraeth yr oedd yr arlunydd adar adnabyddus Charles Tunnicliffe yn byw, a gellir gweld llawer o'i luniau o adar o amgylch y cob yn Oriel Ynys Môn yn Llangefni.

Gweler hefyd[golygu]

Ffynhonnell[golygu]

  • The Place Names of Anglesey, 2004. Golygyddion: G J Jones & Tomos Roberts.