Pentre Berw

Oddi ar Wicipedia
Neidio i: llywio, chwilio

Pentref yn rhan ddeheuol Ynys Môn yw Pentre Berw. Saif ar y briffordd A5, ychydig i'r gorllewin o'r Gaerwen a gerllaw Afon Cefni, ar ymylon Cors Ddyga.

Mae 'berw' yn ffurf ar y gair 'berwr' (cress). Berw oedd enw'r dref ganoloesol (cymuned o ffermydd a thai ar wasgar); tyfodd pentref ar y groesffordd a gafodd yr enw 'Pentre Berw'.[1]

Yn y pentref mae gwesty yr Holland Arms a chanolfan garddio fawr o'r un enw. Roedd Rheilffordd Canol Môn yn gadael y prif reilffordd i Gaergybi gerllaw'r pentref. Ar un adeg yr oedd diwydiant glo bychan yn yr ardal, a gellir gweld rhai o'r hen adeiladau o hyd.

Cyfeiriadau[golygu]

  1. Melville Richards, 'Enwau Lleoedd', yn Atlas Môn (Llangefni, 1972).