Abercraf

Oddi ar Wicipedia
Neidio i: llywio, chwilio
Abercraf
Powys
CymruPowys.png
Smotyn Coch.gif
Pont ar afon Tawe ar gwr Abercraf.

Pentref bach yn ne-orllewin Brycheiniog, Powys yw Abercraf. Yng Nghwm Tawe Uchaf y mae'r pentref, ac mae'n ymestyn i gyrion Parc Cenedlaethol Bannau Brycheiniog. Mae heol yr A4067 o Abertawe i Aberhonddu yn mynd heibio i'r pentref.

Fel y rhan fwyaf o Gymoedd y De, roedd nifer o weithfeydd glo yn yr ardal, sef y Lefel Fawr, International (Candy) a Glofa Abercraf, ond cawsant eu cau yn y chwedegau.

Mae'r pentref ar ymyl mynydd Cribarth. Mae'r mynydd yn atgoffa rhywun o siâp dyn yn gorwedd i lawr, felly mae'r bobl leol yn galw 'Y Cawr Cwsg' arno. Y lle gorau i wylio'r olygfa hon ydy Caerlan, filltir i lawr y cwm tuag at Ystradgynlais.

Clwb Rygbi Abercraf[golygu]

Mae clwb rygbi Abercraf yn chwarae yng Nghae Plas-y-Ddol yn y pentref. Cyn-chwaraewr enwocaf y clwb o bosibl yw'r prop pen tyn rhyngwladol Adam Rhys Jones.

Dolenni allanol[golygu]