Henllan, Ceredigion

Oddi ar Wicipedia
Neidio i'r panel llywio Neidio i'r bar chwilio
Henllan
Henllan (Cer) bridge NLW3361306.jpg
Mathpentref Edit this on Wikidata
Daearyddiaeth
SirLlandyfrïog Edit this on Wikidata
GwladBaner Cymru Cymru
Cyfesurynnau52.0391°N 4.3962°W Edit this on Wikidata
Gwleidyddiaeth
AC/auElin Jones (Plaid Cymru)
AS/auBen Lake (Plaid Cymru)
Erthygl am y pentref yng Ngheredigion yw hon. Am ddefnydd arall o'r enw gweler Henllan.

Pentref yng nghymuned Llandyfrïog, Ngheredigion yw Henllan ("Cymorth – Sain" ynganiad ). Saif ar isffyrdd oddi ar ffordd yr A484 o Aberteifi i Gaerfyrddin, tua 4 milltir i’r dwyrain i Gastellnewydd Emlyn a bellach, oherwydd datblygiadau llawn bylchau mae wedi ymuno â phentref bach 'Trebedw'. Saif y pentref i'r de i Reilffordd Dyffryn Teifi yng nghanol coetiroedd serth (llawer ohonynt â Gorchmynion Cadw Coed arnynt) yn Nyffryn Teifi.

Mae rhagor na 90 o aneddau yn Henllan. Mae yno swyddfa bost a chyfleusterau cymunedol lleol; mae'n dibynnu ar Aber-banc am ysgol gynradd ac ar Gastellnewydd Emlyn am siopau a gwasanaethau eraill. Caiff yr iaith Gymraeg ei siarad yn feunyddiol yno. Mae Henllan ar lwybr bysys rhwng Llandysul a Chastellnewydd Emlyn, ac mae gwasanaeth dyddiol arno. Mae nifer o fentrau yn y pentref, gan gynnwys yr hen orsaf reilffordd, sy'n ganolfan i Gymdeithas Gwarchod Rheilffordd Dyffryn Teifi, ac yn gyfleuster twristaidd pwysig i'r ardal. Ceir ystafelloedd arwerthu yn y pentref ac i’r de mae hen wersyll carcharorion rhyfel sy'n cael ei ddefnyddio at ddibenion diwydiant ysgafn a storio bellach.

Cynrychiolir yr ardal hon yn Senedd Cymru gan Elin Jones (Plaid Cymru)[1] ac yn Senedd y DU gan Ben Lake (Plaid Cymru).[2]

Cyfeiriadau[golygu | golygu cod y dudalen]