Pensarn

Oddi ar Wicipedia
Neidio i: llywio, chwilio
Traeth Pensarn.
Gweler hefyd: Pen-sarn (Ardudwy, Gwynedd) a Penysarn (Ynys Môn).

Pentref glan môr ym mwrdeisdref sirol Conwy yw Pensarn. Saif yng nghymuned Abergele ar arfordir gogledd-ddwyrain Cymru, rhwng Abergele i'r de-orllewin a Thywyn, Bae Cinmel a'r Rhyl i'r dwyrain. Rhed yr A549 trwy'r pentref ac mae Rheilffordd Arfordir Gogledd Cymru yn mynd trwyddo. Ceir gorsaf rheilffordd yno.

Canolfan gwyliau[golygu]

Datblygodd Pensarn yn bennaf fel canolfan gwyliau glan môr wrth i boblogrwydd Y Rhyl a'r cyffiniau gynyddu fel cyrchfan twristaidd. Ceir sawl maes carafanau yn y pentref ac mae'r traeth eang, a gyrhaeddir trwy groesi bont dros y rheilffordd, yn dywodlyd. Mae'n boblogaidd iawn gan ymwelwyr yn yr haf.

Hynafiaethau[golygu]

I'r de-ddwyrain o Bensarn ceir Morfa Rhuddlan, safle brwydr rhwng y Cymry a'r Eingl-Sacsoniaid yn yr Oesoedd Canol Cynnar.

Cyfeiriadau[golygu]

Comin Wikimedia
Mae gan Gomin Wikimedia gyfryngau sy'n berthnasol i:
CymruConwy.png Eginyn erthygl sydd uchod am fwrdeistref sirol Conwy. Gallwch helpu Wicipedia drwy ychwanegu ato.