Rhydlydan

Oddi ar Wicipedia
Neidio i: llywio, chwilio
Bythynnod yn Rhydlydan.

Pentref bychan gwledig yn ne-ddwyrain bwrdeistref sirol Conwy (ond yn rhan o'r hen Sir Ddinbych cyn hynny) yw Rhydlydan. Fe'i lleolir yn ymyl i lôn yr A5, 2 filltir i'r dwyrain o Bentrefoelas a 4 milltir i'r gorllewin o Gerrigydrudion, tua 220m uwch lefel y môr. Mae'n rhan o gymuned Pentrefoelas.

Saif y pentref gwasgaredig ger bont ar afon Merddwr, sy'n ymuno yn afon Conwy fymryn yn is i lawr y cwm. Mae'n debyg iddo gael ei enw am fod groesfan lydan yma dros y tir corsiog a'r afon cyn i'r bont gael ei chodi.

Hanner milltir i'r gorllewin o Rydlydan ceir plasdy Plas Iolyn, a fu'n gartref i'r enwog Elis Prys (Y Doctor Coch) (?1512-1594?). Roedd y Dr Prys yn noddwr hael i feirdd gogledd Cymru. Adnewyddiodd Blas Iolyn tua'r flwyddyn 1560. Ymhlith y beirdd a ganodd glod lletygarwch Plas Iolyn y mae Tudur Aled, Siôn Tudur a Lewys Môn.

Tu ôl i'r hen blasdy, i'r de, ceir Garn Prys (534m).

Comin Wikimedia
Mae gan Gomin Wikimedia gyfryngau sy'n berthnasol i: