Llandyfaelog Tre'r-graig

Oddi ar Wicipedia
Jump to navigation Jump to search
Llandyfaelog Tre'r-graig
Math pentref Edit this on Wikidata
Enwyd ar ôl Tyfaelog Edit this on Wikidata
Daearyddiaeth
Sir Powys Edit this on Wikidata
Gwlad Baner Cymru Cymru
Cyfesurynnau 51.960451°N 3.272432°W Edit this on Wikidata

Pentrefan yng nghymuned Felin-fach yn ardal Brycheiniog, de Powys yw Llandyfaelog Tre'r-graig (Seisnigiad: Llandefaelog-tre'r-graig), sydd 33.4 milltir (53.8 km) o Gaerdydd. Ceir sawl ffurf ar yr enw, yn cynnwys Llandefaelog Tre'r Graig (ychwanegir 'Tre'r-graig' i wahaniaethu rhyngddo a'r Llandyfaelog arall yn Sir Gaerfyrddin; am yr un rheswm cyfeirir ato weithiau fel Llandyfaelog Fach).

Enwir y pentrefan ar ôl Sant Tyfaelog.[1]

Lleolir y pentref tua 5 milltir i'r dwyrain o Aberhonddu, ar lethrau'r bryniau rhwng Bannau Brycheiniog i'r gorllewin a'r Mynydd Du i'r dwyrain. Mae'n gorwedd ar y ffordd wledig rhwng Talgarth i'r gogledd a Llanfihangel Tal-y-llyn i'r de. Mae pentrefi eraill cyfagos yn cynnwys Llechfaen. Tua 2 filltir i'r gogledd-ddwyrain ceir Trefeca, a gysylltir â chymuned yr efengylydd o'r 18g Howel Harris.

Hanes[golygu | golygu cod y dudalen]

Yn ôl traddodiad, sefydlwyd llan yn yr ardal gan Sant Tyfaelog. Yn yr eglwys ceir maen cerfiedig ag arno'r geiriau aneglur 'BRIAMAIL FLOU' gyda cherfiad bas-relief o ffigwr sy'n gwisgo mantell a chleddyg bychan.[2]

Cynrychiolaeth etholaethol[golygu | golygu cod y dudalen]

Cynrychiolir Llandefaelog-tre'r-graig yn y Cynulliad Cenedlaethol gan Kirsty Williams (Y Democratiaid Rhyddfrydol) a'r Aelod Seneddol yw Roger Wiliams (Y Democratiaid Rhyddfrydol).[3][4]

Cyfeiriadau[golygu | golygu cod y dudalen]

  1. T. D. Breverton, The Book of Welsh Saints (Cyhoeddiadau Glyndŵr, 2000).
  2. T. D. Breverton, The Book of Welsh Saints (Cyhoeddiadau Glyndŵr, 2000).
  3. Gwefan y Cynulliad; adalwyd 24 Chwefror 2014
  4. Gwefan parliament.uk; adalwyd 24 Chwefror 2014

Gweler hefyd[golygu | golygu cod y dudalen]