Casgob

Oddi ar Wicipedia
Jump to navigation Jump to search
Cwm Casgob o Fforest Faesyfed.

Pentref bychan ym Mhowys yw Casgob (weithiau yn Saesneg: Cascob). Fe'i lleolir mewn cwm tua 5 milltir i'r de-orllewin o Drefyclawdd yn ardal Maesyfed. Yno y saif eglwys Llanfihangel Casgob. Mae'n rhan o gymuned Llanddewi yn Hwytyn.

Ceir Fforest Clud i'r de a'r gorllewin. Tua dwy filltir i'r gogledd ceir safle Brwydr Bryn Glas, lle cafodd Owain Glyndŵr fuddugoliaeth fawr dros y Saeson.

Chwedl Draig Fforest Clud[golygu | golygu cod y dudalen]

Yn ôl traddodiad llên gwerin lleol, bu draig yn byw yn Fforest Clud ers talwm. Am ei bod yn aflonyddu cymaint ar y trogolion, codasant cylch o bedair eglwys i'w hamgylchynnu. Cysegrwyd y pedair eglwys hynny, sef eglwysi Llanfihangel Cefn-llys, Llanfihangel Rhydieithon, Llanfihangel Nant Melan a Llanfihangel Casgob, i'r archangel Sant Mihangel, sy'n gorchfygu'r ddraig yn y Beibl. Credid y byddai'r ddraig yn deffro eto pe dinistrid unrhyw un o'r pedair eglwys[1]


CymruPowys.png Eginyn erthygl sydd uchod am Bowys. Gallwch helpu Wicipedia drwy ychwanegu ato.
  1. [http://www.churchinwales.org.uk/swanbrec/churches/trails/dragons.htm "St Michael and the Dragon of Radnor Forest" ar wefan yr Eglwys yng Nghymru (Esgobaeth Abertawe ac Aberhonddu).