Ffwlbart

Oddi ar Wicipedia
Neidio i: llywio, chwilio
Ffwlbart
Dosbarthiad gwyddonol
Teyrnas: Animalia
Ffylwm: Chordata
Dosbarth: Mammalia
Urdd: Carnivora
Teulu: Mustelidae
Genws: Mustela
Rhywogaeth: M. putorius
Enw deuenwol
Mustela putorius
Linnaeus, 1758

Mamal cigysol o deulu'r wenci, Mustelidae, yw'r ffwlbart (Mustela putorius). Fe'i ceir yng nghoedydd, ffermdir a gwlyptiroedd ar draws Ewrop. Mae'n bwydo ar gwningod, cnofilod, llyffantod ac infertebratau. Hynafiad gwyllt y ffured dof yw ef.

Mae ei gorff a'i ben yn 20–46 cm o hyd ac mae ei gynffon yn 7–15 cm. Mae ganddo ffwr brown tywyll gyda blew melyn ar ei ystlysau a phatrwm du a gwyn trawiadol ar ei wyneb. Mae'n greadur swil iawn ac i'w weld allan yn y nos; mae'n nofiwr cry sy'n gallu dal pysgod ond mamaliaid bychan yw ei fwyd fel arfer.

Yng Nghymru[golygu | golygu cod y dudalen]

(Mustela putorius), yn gyffredin trwy Brydain ar un adeg ond yn gyfyngedig i Eryri a Chanolbarth Cymru erbyn dechrau'r 20g. Wrth i gipera leihau o'r 1920au, a thrapio cwningod leihau o'r 1950au cynyddodd yn gyflym. Goroesodd y rhywogaeth yng Nghymru gan ymledu trwy ganolbarth Lloegr a cheir niferoedd cynyddol yn Lloegr a'r Alban heddiw. Fe'i croeswyd â'r ffured ddof i greu'r “ffured ddu” sy'n ddiguro ar gyfer hela cwningod a difa llygod mawr. Dywedir: “yn drewi fel ffwlbart”, “yn ddiog fel ffwlbart”.

Ar ddechrau'r 21g credir fod dros 17,000 ohonynt yng Nghymru.

Cyfeiriadau[golygu | golygu cod y dudalen]

  • Buczacki, Stefan (2005) Fauna Britannica, Hamlyn, Llundain.
  • Aulagnier S.; P. Haffner, A. J. Mitchell-Jones, F. Moutou & J. Zima (2009) Mammals of Europe, North Africa and the Middle East, A&C Black, Llundain.

Dolenni allanol[golygu | golygu cod y dudalen]