Novosibirsk

Oddi ar Wicipedia
Jump to navigation Jump to search
Novosibirsk
Novosibirsk ANevsky Cathedral 07-2016 img1.jpg
Coat of Arms of Novosibirsk.svg
Math uned weinyddol o dir yn Rwsia, tref/dinas, bwrdeistref Edit this on Wikidata
Poblogaeth 1,602,915 Edit this on Wikidata
Sefydlwyd
  • 1893 Edit this on Wikidata
Pennaeth llywodraeth Anatoly Lokot Edit this on Wikidata
Cylchfa amser UTC+07:00, Amser Omsk, Amser Krasnoyarsk Edit this on Wikidata
Gefeilldref/i
Sapporo, Varna, Minsk, Daejeon, Minneapolis, Omsk, Krasnoyarsk, Larnaca Municipality Edit this on Wikidata
Daearyddiaeth
Sir Oblast Novosibirsk Edit this on Wikidata
Gwlad Baner Rwsia Rwsia
Arwynebedd 505.6 km² Edit this on Wikidata
Uwch y môr 150 metr Edit this on Wikidata
Gerllaw Afon Ob, Inya Edit this on Wikidata
Cyfesurynnau 55.0333°N 82.9167°E Edit this on Wikidata
Cod post 630000, 630992 Edit this on Wikidata
Pennaeth y Llywodraeth Anatoly Lokot Edit this on Wikidata

Dinas drydedd fwyaf Rwsia ar ôl Moskva a St Petersburg yw Novosibirsk (Rwsieg Новосиби́рск). Dinas fwyaf Siberia a chanolfan weinyddol Oblast Novosibirsk a Thalaith Ffederal Siberia yw hi hefyd. Lleolir yn ne-orllewin Siberia, ar Afon Ob, un o afonydd mwyaf Rwsia. Sefydlwyd ym 1893 fel croesfan ar gyfer y rheilffordd Draws-Siberaidd dros yr afon. Ei enw o 1895 tan 1925 oedd Novonikolayevsk.

Hinsawdd[golygu | golygu cod y dudalen]

Mae'r hinsawdd yn gyfandirol gyda gwahaniaeth mawr rhwng tymheredd yr haf a thymheredd y gaeaf.

Hanes[golygu | golygu cod y dudalen]

Theatr opera a ballet Novosibirsk yng nghanol y ddinas

Sefydlwyd y ddinas ym 1893 fel yr oedd y rheilffordd Draws-Siberaidd yn cael ei hadeiladu drwy'r ardal. Ar y cychwyn, enw'r dreflan oedd Aleksandrovsk er parch i Sant Alexander Nevsky, noddwr nefol Tsar Alexander III. Ar ôl ei farwolaeth ym 1895, fe'i hailenwyd yn Novo-nikolayevsk er parch i Sant Nikolay Chudotvorets noddwr nefol y tsar newydd Niclas II. Dyrchafwyd y dreflan i statws dinas ym 1903, ac ar drothwy Chwyldro Rwsia ym 1917 roedd ei phoblogaeth wedi tyfu i ryw 80,000 o drigolion. Yn sgil y chwyldro, roedd Novosibirsk yn bencadlys pwysig i'r lluoedd gwyn yn y Rhyfel Cartref o dan Llyngesydd Aleksandr Kolchak, ond cipiwyd y ddinas gan y Fyddin Goch ym 1919. Ym 1921, symudwyd gweinyddiaeth y rhanbarth o Omsk i Novosibirisk, ac o hyn ymlaen hon oedd prifddinas y rhanbarth. Ym 1925, derbyniodd ei enw presennol Novosibirsk (Dinas Newydd Siberia). O'r 1930au ymlaen, newidiodd cymeriad y ddinas: datblygodd fel canolfan ddiwydiannol, yn enwedig yn ystod yr Ail Ryfel Byd, pryd symudwyd llawer o ffatrïoedd o orllewin Rwsia er diogelwch. Ym 1957, adeiladwyd argae i greu cronfa ddŵr a gorsaf drydan hydroelectrig yn agos at y ddinas (Cronfa Ddŵr Novosibirsk a Gorsaf Drydan Hydroelectrig Novosibirsk). Dwyshaodd erydiad pridd ar ôl i fforestydd gael eu torri er mwyn clirio tir o gwmpas y gronfa, gan arwain at llifogydd amlach a phroblemau ecolegol eraill. Yr un flwyddyn adeiladwyd Akademgorodok ar lannau'r llyn yn ymyl Novosibirsk. Sefydlwyd pedair ar ddeg o athrofeydd ymchwil a phrifysgolion yno mewn cyfnod byr, a lleolwyd pencadlys newydd cangen Siberia Athrofa Wyddorau Rwsia yno. Erbyn dechrau'r 1960au roedd poblogaeth y ddinas wedi tyfu i un miliwn. Dechreuwyd adeiladu metro ym 1979, a'r llinell gynta'n agor ym 1985.