Vaughan Gething

Vaughan Gething AS
Gweinidog dros Iechyd a Gwasanaethau Cymdeithasol
Deiliad
Cychwyn y swydd 19 May 2016
Prif Weinidog	Carwyn Jones Mark Drakeford
Rhagflaenwyd gan	Mark Drakeford
Dirprwy Weinidog dros Iechyd
Mewn swydd 11 Medi 2014 – 19 Mai 2016
Prif Weinidog	Carwyn Jones
Gweinidog	Mark Drakeford
Rhagflaenwyd gan	Sefydlwyd y swydd
Dilynwyd gan	Rebecca Evans
Dirprwy Weinidog dros Drechu Tlodi
Mewn swydd 26 Mehefin 2013  – 11 Medi 2014
Prif Weinidog	Carwyn Jones
Gweinidog	Jeffrey Cuthbert
Aelod o Senedd Cymru dros De Caerdydd a Phenarth
Deiliad
Cychwyn y swydd 6 Mai 2011
Rhagflaenwyd gan	Lorraine Barrett
Mwyafrif	6,259 (22.8%)
Manylion personol
Ganwyd	(1974-03-15) 15 Mawrth 1974 Lusaka, Zambia
Cenedl	Cymro
Plaid wleidyddol	Llafur Cyd-weithredol
Alma mater	Prifysgol Cymru
Gwaith	Cyfreithiwr, undebwr
Gwefan	Gwefan Swyddogol

Gwleidydd Cymreig yw Vaughan Gething (ganwyd 1974). Mae e wedi gwasanaethu fel Aelod o'r Senedd ers 2011.

Ef yw Gweinidog Iechyd a Gwasanaethau Cymdeithasol yn Llywodraeth Cymru.

Gyrfa

Ym Mis Mehefin 2013, penodwyd Vaughan Gething yn Dirprwy Weinidog Threchu Tlodi. Ym Mis Medi 2014, penodwyd Vaughan yn Dirprwy Weinidog Iechyd. Ym mis Mai 2016, penodwyd yn Ysgrifennydd y Cabinet dros Iechyd, Llesiant a Chwaraeon. Penodwyd Vaughan yn Ysgrifennydd y Cabinet dros Iechyd a Gwasanaethau Cymdeithasol ar 3 Tachwedd 2017. Ar 13 Rhagfyr 2018 penodwyd Vaughan yn Weinidog Iechyd a Gwasanaethau Cymdeithasol.

Gething a'r COVID-19

Gething oedd Gweinidog Iechyd Cymru adeg COVID-19 ("Y Gofid Mawr" fel y'i gelwid). Bu hyn yn gyfnod di-gynsail o ran delio ag haint a'r straen ar wasanaethau iechyd a chyhoeddus i unrhyw wleidydd o'r cyfnod. Beirniadwyd Gething yn hallt am beidio galw ar ganslo gêm rygbi ryngwladol rhwng Cymru a'r Alban oedd i'w chwarea yn Stadiwm y Principality ar 14 Mawrth 2020.

Daeth Gething o dan sawl beirnidaeth gan gynnwys gan y gwyddonydd Gwobr Nobel, yr Athro Syr Martin Evans. Ar 21 Ebrill 2020, cyhuddodd Evans llywodraethau Cymru a'r DU o "esgeuluso'u dyletswyddau" am beidio gwneud gwell defnydd o adnoddau domestig i ateb y galw am brofion Covid-19 ac offer diogelwch personol (PPE).

Bu iddo ddenu sylw rhyngwladol wedi iddo gael ei ddal yn rhegi pan anghofiodd ddiffodd ei feicroffôn mewn cyfarfod dros y we o Gynulliad Cymru ar 22 Ebrill 2020. Bu galw arno i ymddiswyddo gan Adam Price, Arweinydd Plaid Cymru.