Swyddfa Archwilio Cymru

Swyddfa Archwilio Cymru Saesneg: Wales Audit Office
Pennaeth	Archwilydd Cyffredinol Cymru
Sefydlwyd	2005
Math	Corff cyhoeddus annibynnol
Gweithwyr	240
Gwefan	www.archwilio.cymru/cy

Sefydlwyd Swyddfa Archwilio Cymru (Saesneg: Wales Audit Office) gan Cynulliad Cenedlaethol Cymru ar 1 Ebrill 2005 er mwyn arolygu y modd y mae cyrff cyhoeddus yn gweithio yng Nghymru. Mae hyn yn cynnwys sectorau llywodraeth leol (ac eithrio y rhai hynny sydd wedi eu neilltuo i lywodraeth y DU), Cynulliad Cenedlaethol Cymru a GIG Cymru. Pennaeth y Swyddfa yw Archwilydd Cyffredinol Cymru sy'n cael ei benodi am dymor nid hirach nac wyth mlynedd. Lleolir y pencadlys yn Heol y Gadeirlan, Caerdydd.

Caiff yr Archwilydd Cyffredinol archwilio rhai cyrff yn uniongyrchol, megis Cynulliad Cenedlaethol Cymru. Yn achos llywodraeth leol mae'n apwyntio archwilwyr i wneud hyn, fel y gwnaethpwyd yn 2009 yn achos Cyngor Sir Ynys Môn.

Yn ôl y Swyddfa, ei gwaith yw "hyrwyddo gwelliant, fel bod pobl Cymru yn medru cael budd o wasanaethau cyhoeddus atebol, wedi eu rheoli'n dda, sy'n cynnig y gwerth gorau posibl am arian".

Diffinnir meysydd archwilio a chyfrifoldebau'r Swyddfa yn yr adroddiad Rheoleiddio ac Arolygu Gwasanaethau Cyhoeddus yng Nghymru, a gyhoeddwyd gan Lywodraeth Cymru.

Dolenni allanol

• Gwefan swyddogol

Eginyn erthygl sydd uchod am Gymru. Gallwch helpu Wicipedia drwy ychwanegu ato.