Awdurdod Cyllid Cymru

Oddi ar Wicipedia
Neidio i: llywio, chwilio
Awdurdod Cyllid Cymru
Sefydlwyd Hydref 2017
Math Corff a Noddir gan Lywodraeth Cymru
Pwrpas Casglu trethi datganoledig Cymru
Pencadlys Trefforest, Pontypridd
Rhanbarth a wasanethir
Cymru Cymru
Cadeirydd
Kathryn Bishop[1]
Cysylltir gyda Llywodraeth Cymru

Corff cyhoeddus yw Awdurdod Cyllid Cymru (Saesneg: Welsh Revenue Authority), sy'n gyfrifol am gasglu trethi datganoledig Cymru. Sefydlwyd y pwerau ar gyfer creu trefniant i gasglu trethi datganoledig yn Deddf Casglu a Rheoli Trethi (Cymru) 2016. [2]

Fe fydd pencadlys yr awdurdod yn Nhrefforest ger Pontypridd gyda rhyw 40 o aelodau staff.[3] Disgwylir i aelodau bwrdd yr awdurdod gael eu penodi yn Haf 2017 gyda'r awdurdod i'w sefydlu erbyn Hydref 2017. Bydd yr awdurdod yn gwbl weithredol erbyn Ebrill 2018. Bydd y corff yn gyfrifol am gasglu Treth Trafodiadau Tir a'r Dreth Gwarediadau Tirlenwi ac yn arwain y gwaith o gasglu treth incwm pan fydd yn cael ei datganoli'n rhannol yn 2019.

Penodwyd Kathryn Bishop yn gadeirydd gyntaf yr awdurdod ar 20 Chwefror 2017 yn dilyn pleidlais gan Bwyllgor y Cynulliad, y tro cyntaf i wrandawiad gael ei gynnal cyn penodiad Gweinidogol.[4]

Cyfrifoldebau[golygu | golygu cod y dudalen]

Yn ogystal â chasglu trethi, bydd yr Awdurdod yn gwneud y canlynol:

  • darparu gwybodaeth, cyngor a chymorth ynghylch y trethi i’r trethdalwyr
  • datrys cwynion ac anghydfodau
  • hyrwyddo cydymffurfiaeth â’r trethi
  • lleihau achosion o efadu ac osgoi trethi
  • cefnogi datblygiad polisi Llywodraeth Cymru ar drethi

Cyfeiriadau[golygu | golygu cod y dudalen]

  1.  Cadarnhau enw’r ymgeisydd a ffefrir ar gyfer swydd Cadeirydd Awdurdod Cyllid Cymru. Llywodraeth Cymru (13 Chwefror 2017). Adalwyd ar 14 Chwefror 2017.
  2.  Awdurdod Cyllid Cymru. Cynulliad Cenedlaethol Cymru (2 Chwefror 2017). Adalwyd ar 14 Chwefror 2017.
  3. Llywodraeth yn 'anwybyddu'r gogledd', medd AC .
  4. Penodi Cadeirydd cyntaf Awdurdod Cyllid Cymru , Golwg360, 20 Chwefror 2017. Cyrchwyd ar 21 Chwefror 2017.

Gweler hefyd[golygu | golygu cod y dudalen]

Dolenni allanol[golygu | golygu cod y dudalen]