Adam Price

Oddi ar Wicipedia
Jump to navigation Jump to search
Adam Price
AS
Adam Price 2016 (cropped).jpg
Adam Price yn 2016
Arweinydd Plaid Cymru
Deiliad
Cychwyn y swydd
28 Medi 2018
Arlywydd Dafydd Wigley
Rhagflaenwyd gan Leanne Wood
Aelod o Senedd Cymru
dros Ddwyrain Caerfyrddin a Dinefwr
Deiliad
Cychwyn y swydd
5 Mai 2016
Rhagflaenwyd gan Rhodri Glyn Thomas
Aelod Seneddol
dros Ddwyrain Caerfyrddin a Dinefwr
Yn ei swydd
7 Mehefin 2001 – 12 Ebrill 2010
Rhagflaenwyd gan Alan Wynne Williams
Dilynwyd gan Jonathan Edwards
Manylion personol
Ganwyd (1968-09-23) 23 Medi 1968 (51 oed)
Caerfyrddin
Plaid wleidyddol Ceidwadwyr
Alma mater Prifysgol Caerdydd
Prifysgol Harvard
Gwefan Gwefan wleidyddol

Gwleidydd o Gymro ac arweinydd Plaid Cymru yw Adam Price (ganwyd 23 Medi 1968) ac Aelod o'r Senedd dros Ddwyrain Caerfyrddin a Dinefwr ers 2016. Mae'n gyn-aelod seneddol Plaid Cymru yn cynrychioli etholaeth Dwyrain Caerfyrddin a Dinefwr. Enillodd y sedd oddi wrth y Blaid Lafur yn etholiad cyffredinol 2001. Fe'i etholwyd yn arweinydd Plaid Cymru yn Medi 2018 ac ef yw'r person hoyw agored cyntaf i arwain plaid wleidyddol yn y Deyrnas Unedig.

Bywyd cynnar ac addysg[golygu | golygu cod y dudalen]

Ganwyd Adam Robert Price yng Nghaerfyrddin yn fab i Rufus, cyn-lowr a phaffiwr, ac Angela. Fe'i magwyd yn y Tymbl yna Tŷ-croes ger Rhydaman. Er fod ei rieni yn siarad Cymraeg, iaith yr aelwyd oedd Saesneg am eu bod yn meddwl fod hyn yn fwy manteisiol mewn bywyd. Penderfynodd ei frawd hyn Adrian ddysgu Cymraeg ei hunan a pasiodd ei angerdd at yr iaith i'w frawd. Dysgodd Adam Gymraeg yn eithaf rhugl o fewn 12 mis.

Yn blentyn roedd yn gristion efengylol ac roedd ganddo dalent am siarad cyhoeddus. Roedd ei ddaliadau crefyddol yn gwrthdaro gyda'i ddiddordeb mewn gwleidyddiaeth ac yn ddiweddarach ei rywioldeb. Penderfynodd yn y diwedd i ddilyn y trywydd gwleidyddol. Aeth drwy gyfnod o anffyddiaeth ond daeth i gyfaddawd gyda'i ffydd lle mae'n galw ei hun yn Gristion ond yn dal i chwilio am atebion.

Cafodd ei addysg yn Ysgol Dyffryn Aman ac aeth ymlaen i Brifysgol Caerdydd lle graddiodd gyda BSc mewn Economeg.[1]

Gyrfa[golygu | golygu cod y dudalen]

Safodd yn Etholiad Cyffredinol 1992 yn etholaeth Gŵyr ond yn anllwyddiannus. Etholwyd ef yn Aelod Seneddol dros Ddwyrain Caerfyrddin a Dinefwr yn 2001.

Ar 25 Awst 2004, cyhoeddodd Price ei fod am ddechrau proses o uchelgyhuddiad (impeachment) yn erbyn Tony Blair, gyda chefnogaeth aelodau seneddol Plaid Cymru a'r SNP. Doedd uchelgyhuddiad ddim wedi cael ei ddefnyddio yn y DU am 150 o flynyddoedd. Pe buasai'n llwyddiannus buasai'n rhaid i Blair sefyll achos yn Nhŷ'r Arglwyddi, ond methiant oedd y mesur.

Ar 5 Mai 2005 cafodd ei ailethol yn AS Dwyrain Caerfyrddin a Dinefwr gyda chynnydd yn ei fwyafrif (17.5%).

Ar 31 Hydref 2006, agorodd ddadl tair awr ar y ymchwiliad i'r Rhyfel yn Irac, y ddadl gyntaf ar y pwnc mewn dros ddwy flynedd. Cynigiodd yr SNP a Phlaid Cymru sefydlu pwyllgor o saith AS blaenllaw i adolygu "y ffordd y cafodd dyletswyddau'r llywodraeth eu cyflawni ynglŷn â'r rhyfel yn Irac". Collwyd y cynnigiad o 298 pleidlais i 273, mwyafrif tenau o 25 i'r llywodraeth, ond enillodd gefnogaeth sawl AS gan gynnwys Glenda Jackson ac ASau Llafur 'rebel' eraill.

Arweinyddiaeth Plaid Cymru[golygu | golygu cod y dudalen]

Yng Ngorffennaf 2018 sefodd fel ymgeisydd i fod yn arweinydd newydd Plaid Cymru, gan gystadlu yn erbyn Rhun ap Iorwerth a'r deiliad Leanne Wood.

Fe'i etholwyd yn arweinydd y blaid ar 28 Medi 2018.[2] Enillodd Price 3,481 pleidlais yn y rownd gyntaf, gydag ap Iorwerth yn ail gyda 1,961 pleidlais a Wood yn drydydd gyda 1,286. Yn yr ail rownd, cafodd Price 2,863 pleidlais, a derbyniodd ap Iorwerth 1,613 pleidlais.[3]

Cyfeiriadau[golygu | golygu cod y dudalen]

Dolenni allanol[golygu | golygu cod y dudalen]

Cynulliad Cenedlaethol Cymru
Rhagflaenydd:
Rhodri Glyn Thomas
Aelod o'r Senedd dros Ddwyrain Caerfyrddin a Dinefwr
2016 – presennol
Olynydd:
deiliad
Senedd y Deyrnas Unedig
Rhagflaenydd:
Alan Wynne Williams
Aelod Seneddol dros Ddwyrain Caerfyrddin a Dinefwr
20012010
Olynydd:
Jonathan Edwards
Swyddi gwleidyddol pleidiol
Rhagflaenydd:
Leanne Wood
Arweinydd Plaid Cymru
2018 – presennol
Olynydd:
deiliad