Rhun ap Iorwerth

Oddi ar Wicipedia
Jump to navigation Jump to search
Rhun ap Iorwerth
AS
Rhun ap Iorwerth AM (27555192223).jpg
Rhun ap Iorwerth yn 2016
Aelod o'r Senedd
dros Ynys Môn
Deiliad
Cychwyn y swydd
2 Awst 2013
Rhagflaenwyd gan Ieuan Wyn Jones
Mwyafrif 9,166
Manylion personol
Ganed (1972-08-27) 27 Awst 1972 (47 oed)
Tonteg, Pontypridd
Plaid gwleidyddol Plaid Cymru
Plant 3
Cartref Llangristiolus, Ynys Môn
Proffesiwn Newyddiadurwr
Gwefan Gwefan wleidyddol

Gwleidydd a chyn-newyddiadurwr o Gymro yw Rhun ap Iorwerth (ganed 27 Awst 1972)[1] sy'n Aelod o'r Senedd dros Ynys Môn ers Awst 2013. Mae'n aelod o Plaid Cymru ac fe'i etholwyd i'r Senedd mewn is-etholiad yn dilyn ymddiswyddiad yr Aelod Cynulliad Ieuan Wyn Jones.[2]

Bywyd cynnar ac addysg[golygu | golygu cod y dudalen]

Mynychodd Ysgol Rhyd-y-Main, Dolgellau am ychydig, cyn symyd i Ynys Môn a mynychu Ysgol Gynradd Llandegfan, cyn cael ei addysg uwchradd yn Ysgol David Hughes, Porthaethwy.[3] Yna aeth i Brifysgol Caerdydd ble graddiodd yn y Gymraeg a Gwleidyddiaeth yn 1993. Roedd ei dad, Edward, yn brifathro ac yn rhan o'r ddeuawd 'Dafydd Iwan ac Edward' a 'Chwm Rhyd y Rhosyn'.

Gyrfa[golygu | golygu cod y dudalen]

Ymunodd a BBC Cymru fel newyddiadurwr yn 1994. Gweithiodd fel gohebydd yn Westminster cyn dychwelyd i Gymru yn 1997. Yn 2001 fe'i penodwyd yn Brif Ohebydd Gwleidyddol BBC Cymru, yn gweithio ar deledu a radio yn Gymraeg a Saesneg. Yn ystod y cyfnod hwn cyflwynodd raglenni ac eitemau i The Politics Show Wales, Dragon's Eye, ampm, BBC Radio Wales, Good Morning Wales, 'Post Cyntaf', rhaglenni amser brecwast a rhaglenni wythnosol ar wleidyddiaeth y dydd gan gynnwys 'Dau o'r Bae' a Newyddion S4C.

Yn Ionawr 2014 fe'i enwyd yn un o Noddwyr ('Patron') Cronfa Betsi Cadwaladr, sef yr adain wirfoddol o Fwrdd Iechyd Prifysgol Betsi Cadwaladr.

Gwleidyddiaeth[golygu | golygu cod y dudalen]

Ar 1 Awst 2013 etholwyd Rhun i gynrychioli Ynys Môn ar y Cynulliad, gyda thair gwaith y pleidleisiau a gafodd yr ail ymgeisydd (Llafur); derbyniodd 12,601 o bleidleisiau. Roedd hyn yn tanseilio breuddwyd Llafur i gael mwyafrif o aelodau yn Senedd y Cynulliad.

Dolenni allanol[golygu | golygu cod y dudalen]

Cyfeiriadau[golygu | golygu cod y dudalen]

  1.  Cofnod Twitter ar ei ben-blwydd. Rhun ap Iorwerth (27 Awst 2012). Adalwyd ar 14 Ebrill 2016.
  2.  Vaughan Roderick (2 Awst 2013). BBC News - Plaid's Anglesey win 'energising' for party, says Rhun ap Iorwerth. BBC. Adalwyd ar 2 Awst 2013.
  3.  Elgan Hearn (30 Tachwedd 2011). Ysgol David Hughes hold a school "hawl i holi" meeting with local politicians. Daily Post. Adalwyd ar 2 Awst 2013.