Lesley Griffiths

Oddi ar Wicipedia
Jump to navigation Jump to search
Lesley Griffiths
AC
Lesley Griffiths.jpg
Aelod o Cynulliad
dros Wrecsam
Deiliad
Cychwyn y swydd
3 Mai 2007
Rhagflaenwyd gan John Marek
Mwyafrif 3,337 (17.9%)
Gweinidog dros Iechyd a Gwasanaethau Cymdeithasol
Mewn swydd
13 Mai 2011 – 14 Mai 2013
Prif Weinidog Carwyn Jones
Rhagflaenwyd gan Edwina Hart
Dilynwyd gan Mark Drakeford
Manylion personol
Ganwyd 1960 (58–59 oed)
Plaid wleidyddol Llafur Cymru
Gwaith Ymgynghorwr gwleidyddol
Gwefan Gwefan Llafur Cymru

Gwleidydd Llafur Cymru yw Susan Lesley Griffiths AC, a adwaenir fel Lesley Griffiths (ganwyd 1960) sydd wedi cynrychioli etholaeth Wrecsam yng Nghynulliad Cenedlaethol Cymru ers 2007.[1]

Bu'n gweithio fel ysgrifennydd i John Marek a chynorthwy-ydd etholaeth i Ian Lucas, dau gyn Aelod Seneddol dros Wrecsam. Yn 2011, fe'i penodwyd yn Weinidog dros Iechyd a Gwasanaethau Cymdeithasol.[2] swydd y bu ynddi hyd fis Mawrth 2012. Mae hi ar hyn o bryd yn Weinidog Cymunedau a Threchu Tlodi.[3]

Gyrfa wleidyddol[golygu | golygu cod y dudalen]

Ymgyrch 2003[golygu | golygu cod y dudalen]

Cafodd John Marek ei dynnu o restr ymgeiswyr y Blaid Lafur yn 2003 wedi iddo gael sawl anghytundeb gyda'i blaid; fe aeth ati i apelio yn erbyn y penderfyniad. Yn dilyn ymchwiliad gan y Blaid Lafur, lle cysylltwyd â Marek yn gyntaf dros y ffôn hanner awr cyn cyhoeddi'r canlyniad, cafodd y penderfyniad ei gadarnhau, a phenderfynodd Marek ymladd i gadw'i sedd fel aelod Annibynnol.[4] Dewiswyd Griffiths i'w olynu fel ymgeisydd swyddogol y Blaid Lafur a gwynebodd frwydr yn ystod yr ymgyrch; dangosodd arolwg cynnar bod Marek yn ei churo o 40% i 29%.[5] Ar ddiwrnod yr etholiad, roedd Griffiths wedi cau'r bwlch, ond fe gollodd o 973 pleidlais.

Etholiad 2007[golygu | golygu cod y dudalen]

Yn Rhagfyr 2005 cafodd ei dewis unwaith eto fel ymgeisydd Llafur etholaeth Wrecsam yn etholiad y Cynulliad, 2007. Fe elwodd o gymorth proffil uchel wrth i'r blaid weld cyfle i adennill y sedd; apeliodd John Marek at y boblogaeth o fewnfudwyr Pwylaidd drwy gyfieithu ei ddeunydd etholiadol i Bwyleg.[6] Fodd bynnag, cynyddodd Griffiths nifer ei phleidlais tra disgynnodd pleidlais Marek, ac enillodd hi'r sedd gyda mwyafrif o 1,250.

Yn 2011, cystadlodd Griffiths yn erbyn Marek am y trydydd tro, er bod Marek erbyn hyn wedi ymuno â'r Ceidwadwyr. Fe wnaeth y ddau gynyddu eu pleidleisiau o'i gymharu â 2007, ond cadwodd Griffiths sedd gyda chynnydd yn ei mwyafrif o 3,337.[7] Ail-ddewiswyd Griffiths i amddiffyn ei sedd yn etholiad 2016.[8]

Cyfrifoldeb gweinidogol[golygu | golygu cod y dudalen]

Penodwyd Griffiths yn Ddirprwy Weinidog dros Wyddoniaeth, Arloesi a Sgiliau yn Rhagfyr 2009.[9] Ar ôl etholiad 2011, cafodd ei dyrchafu'n Weinidog Iechyd a Gwasanaethau Cymdeithasol, a bu yn y swydd tan fis Mawrth 2013, pan y penodwyd hi'n Weinidog Llywodraeth Leol a Busnes y Llywodraeth

Bywyd personol[golygu | golygu cod y dudalen]

Wedi bod yn un o gefnogwyr Clwb pêl-Droed Wrecsam, cafodd Griffiths ei ethol i fwrdd Ymddiriedolaeth Cefnogwyr Wrecsam.

Cyfeiriadau[golygu | golygu cod y dudalen]

  1. http://www.senedd.assemblywales.org/mgUserInfo.aspx?
  2. http://wales.gov.uk/newsroom/firstminister/2011/cabinet/?lang=en
  3. http://wales.gov.uk/about/cabinet/cabinetm/lesleygriffiths?lang=en
  4. Martin Shipton, "Marek likely to stand as independent", Western Mail, 12 Mawrth 2003.
  5. Kirsty Buchanan, "Marek beating Labour", Western Mail, 11 Ebrill 2003.
  6. Allegra Stratton, "'Glosuj na mnie!'"
  7. "BBC News - Election 2011". BBC News. Cyrchwyd 16 Chwefror 2016.
  8. "Starting Gun Fired For Wrexham's National Assembly For Wales Election 2016". wrexham.com. Cyrchwyd 16 Chwefror 2016.
  9. "Welsh Assembly Government:Lesley Griffiths AM". Gwefan Llywodraeth Cymru. Llywodraeth Cymru. 2010. Cyrchwyd 16 May 2010.

Dolenni allanol[golygu | golygu cod y dudalen]