Carl Sargeant

Oddi ar Wicipedia
Neidio i: llywio, chwilio
Carl Sargeant
Carl Sargeant

Ysgrifennydd Cymunedau a Phlant
Cyfnod yn y swydd
19 Mai 2016 – 3 Tachwedd 2017
Prif Weinidog Carwyn Jones
Rhagflaenydd Huw Lewis
Olynydd Alun Davies

Cyfnod yn y swydd
1 Mai 2003 – 7 Tachwedd 2017
Rhagflaenydd Tom Middlehurst

Geni 1968
Llanelwy, Sir Ddinbych
Marw 7 Tachwedd 2017 (oed 49)
Cei Connah
Plaid wleidyddol Llafur
Priod Bernie Sargeant
Plant 1 mab, 1 merch

Gwleidydd o Gymro oedd Carl Sargeant (19687 Tachwedd 2017) a oedd yn Ysgrifennydd Cymunedau a Phlant yn Llywodraeth Cymru.[1] Roedd wedi cynrychioli etholaeth Alun a Glannau Dyfrdwy ers iddo gael ei ethol i Gynulliad Cenedlaethol Cymru yn 2003. Cafodd ei wahardd o'r Blaid Lafur ar 3 Tachwedd 2017 yn dilyn honiadau am ei ymddygiad a fe'i ganfuwyd yn farw bedwar diwrnod yn ddiweddarach.

Bywyd cynnar[golygu | golygu cod y dudalen]

Ganwyd Sargeant yn Llanelwy, Sir Ddinbych. Cyn dod yn Aelod Cynulliad, roedd Sargeant yn gweithio yn y diwydiant gweithgynhyrchu mewn ffatri gemegol arbennigol yn Mostyn. Roedd hefyd yn archwilydd ansawdd ac amgylcheddol ac yn aelod o Dîm Ymateb Argyfwng y safle. Hyfforddodd fel diffoddwr tân diwydiannol a bu'n lywodraethwr yng Ngholeg Glannau Dyfrdwy ac Ysgol Bryn Deva. .[2]

Gyrfa[golygu | golygu cod y dudalen]

Carl Sargeant yn 2011

Cychwynnodd ei yrfa wleidyddol fel aelod o Gyngor Tref Cei Connah a bu'n byw yn y dref hyd ei farwolaeth. Datblygodd ei ddaliadau gwleidyddol pan ddaeth cynhyrchu dur i ben yng ngwaith Shotton yn 1980, a arweiniodd at gyfraddau uchel o ddiweithdra yn yr ardal. Daeth yn ymgyrchydd gweithgar dros gyfiawnder cymdeithasol ac yn erbyn trais yn y cartref..[2]

Etholwyd Sargeant i'r Cynulliad gyntaf yn Etholiad Cynulliad Cenedlaethol Cymru, 2003, dan ddilyn Tom Middlehurst oedd wedi sefyll lawr.[3]

Yn y Trydydd Cynulliad, fe'i apwyntiwyd yn Brif Chwip y Grŵp Llafur a'i swydd gyntaf yn y Llywodraeth oedd y Dirprwy Weinidog dros Fusnes y Cynulliad. Parhaodd gyda swydd y Prif Chwip pan cyhoeddwyd y glymblaid rhwng Y Blaid Lafur a Phlaid Cymru ar 19 Gorffennaf.[4]

Yn Rhagfyr 2009, daeth yn Weinidog dros Gyfiawnder Cymdeithasol a Llywodraeth Leol yng nghabinet Carwyn Jones. Mewn cyfweliad gyda'r Flintshire Chronicle, soniodd Sargeant am ei falchder o fod yr unigolyn cyntaf o ogledd Cymru i ddal y swydd.[4]

Yn 2011 daeth yn Weinidog Llywodraeth Leol a Chymunedau. Ym Mehefin 2011, diswyddodd y tri comisiynydd o Gomisiwn Ffiniau a Democratiaeth Leol Cymru gan ddweud bod y corff wedi colli hyder eu rhanddeiliaid.[5] Gwnaeth y ddau a oedd hefyd yn aelodau o Gomisiwn Ffiniau i Gymru ymddiswyddo o'i swyddi yno, ac arweiniodd hyn at y chweched adolygiad o etholaethau San Steffan i gael ei oedi yng Nghymru.[6]

Roedd wedyn yn Weinidog Tai ac Adfywio hyd at Medi 2014, pan gafodd ei benodi yn Weinidog Cyfoeth Naturiol.[7]

Yn dilyn Etholiad Cynulliad Cenedlaethol Cymru, 2016, fe'i apwyntiwyd yn Ysgrifennydd Cymunedau a Phlant Llywodraeth Cymru. Ar 3 Tachwedd 2017 fe gollodd ei swydd fel yn dilyn honiadau am aflonyddu rhywiol. Fe'i waharddwyd o'r Blaid Lafur hefyd tra fod ymchwiliad yn cael ei gynnal.

Marwolaeth[golygu | golygu cod y dudalen]

Ar 7 Tachwedd cafodd ei ddarganfod yn farw yn ei gartref yng Nghei Connah. Roedd ganddo wraig a dau o blant[8]

Dywedodd Prif Weinidog Cymru, Carwyn Jones ei fod "mewn sioc ac yn drist iawn am ei farwolaeth. Fe wnaeth gyfraniad mawr i fywyd cyhoeddus Cymru a gweithiodd yn ddiflino dros y bobl roedd e'n eu cynrychioli fel Gweinidog ac Aelod Cynulliad".

Roedd yn briod, gyda mab a merch.

Cynulliad Cenedlaethol Cymru
Rhagflaenydd:
Tom Middlehurst
Aelod Cynulliad dros Alun a Glannau Dyfrdwy
2003
Olynydd:
deiliad
Seddi'r cynulliad
Rhagflaenydd:
Brian Gibbons
Gweinidog dros Gyfiawnder Cymdeithasol a Llywodraeth Leol
20092011
Olynydd:
ad-drefnwyd y swydd
Rhagflaenydd:
swydd newydd
Gweinidog Llywodraeth Leol a Chymunedau
20112013
Olynydd:
ad-drefnwyd y swydd
Rhagflaenydd:
swydd newydd
Gweinidog dros Adnoddau Naturiol
20132016
Olynydd:
ad-drefnwyd y swydd
Rhagflaenydd:
Lesley Griffiths
Ysgrifennydd Cymunedau a Phlant
20162017
Olynydd:
'

Cyfeiriadau[golygu | golygu cod y dudalen]


Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.