Neidio i'r cynnwys

Llwybr Arfordir Cymru

Oddi ar Wicipedia
(Ailgyfeiriwyd o Arfordir Cymru)
Llwybr Arfordir Cymru
Mathatyniad twristaidd, llwybr arfordirol, llwybr troed pell Edit this on Wikidata
Daearyddiaeth
SirCymru Edit this on Wikidata
Gwlady Deyrnas Unedig Edit this on Wikidata
Cyfesurynnau52.39°N 4°W Edit this on Wikidata
Map
Mae'r erthygl hon am arfordir Cymru; ceir hefyd Moroedd Cymru, sy'n ymestyn o'r arfordir.

Llwybr troed hir sy'n dilyn holl arfordir Cymru yw Llwybr Arfordir Cymru (Saesneg: Wales Coast Path), sy'n cael ei reoli gan Gyfoeth Naturiol Cymru. Mae'n ymestyn am 870 milltir (1,400 km) o gyrion Caer yn y gogledd-ddwyrain i Gas-gwent yn y de-ddwyrain.[1]

Agorwyd y llwybr yn swyddogol ar 5 Mai 2012. Roedd yn cynnwys darnau newydd o lwybrau arfordirol ynghyd â rhai hŷn. Agorwyd Llwybr Cenedlaethol Arfordir Sir Benfro yn y de-orllewin yn 1970, Llwybr Arfordirol Ynys Môn a Llwybr Arfordir Llŷn yn 2006, a Llwybr Arfordir Ceredigion yn 2008.

Mae'n rhedeg trwy ddau Barc Cenedlaethol, tair Ardal o Harddwch Naturiol Eithriadol ac 11 o Warchodfeydd Natur Cenedlaethol.[2]

Mae'r llwybr mor agos i’r arfordir ag y caniatâ’r gyfraith, ac yn cydymffurfio â gofynion iechyd a diogelwch, rheoli tir a chadwraeth.[3]

Llwybrau rhanbarthol

[golygu | golygu cod]

Mae Llwybr Arfordir Cymru wedi'i rannu'n wyth adran:[4]

  1. Gogledd Cymru ac Aber Afon Dyfrdwy (81 milltir / 132 km)
  2. Ynys Môn (135 milltir / 217 km)
  3. Llŷn ac Eryri (167 milltir / 264 km)
  4. Ceredigion (75 milltir / 119 km)
  5. Sir Benfro (182 milltir / 291 km)
  6. Sir Gaerfyrddin (68 milltir / 108 km)
  7. Gŵyr a Bae Abertawe (69 milltir / 111 km)
  8. Arfordir De Cymru ac Aber Afon Hafren (97 milltir / 157 km)

Cyfeiriadau

[golygu | golygu cod]
  1. "Ynglŷn â'r llwybr", Llwybr Arfordir Cymru; adalwyd 6 Ebrill 2025
  2. bbc.co.uk - Wales Coast Path officially opens with events in Cardiff, Aberystwyth and Flint Adalwyd 10 Gorffennaf 2012.
  3. Gwefan Cyfoeth Naturiol Cymru; Archifwyd 2012-07-13 yn y Peiriant Wayback adalwyd 04 Mehefin 2013.
  4. Sylwer nad yw enwau'r adrannau hyn bob amser wedi bod yn gwbl gyson. "Ynglŷn â'r llwybr", Llwybr Arfordir Cymru; adalwyd 8 Ebrill 2025

Dolenni allanol

[golygu | golygu cod]