Llwybr Arfordir Sir Gaerfyrddin

Oddi ar Wicipedia
Jump to navigation Jump to search
Llwybr Arfordir Sir Gaerfyrddin
Mathfootpath Edit this on Wikidata
Daearyddiaeth
GwladBaner Cymru Cymru
Hyd109 cilometr Edit this on Wikidata

Mae Llwybr Arfordir Sir Gaerfyrddin yn llwybr hir sy'n ymestyn o Amroth yn ne-orllewin Bae Caerfyrddin, i dre Caerfyrddin ei hunan ac i Gasllwchwr yn ne-ddwyrain y sir. Mae ei hyd yn 109 km o un pen i'r llall.

Y machlud o Gefn Sidan.
Un o'r teithiau sy'n cychwyn ar lwybr yr arfordir ac yn arwain i'r wlad: Taith Sant Illtyd, ger Pen-bre.

Mae'n un o wyth llwybr rhanbarthol ar Lwybr Arfordir Cymru, sy'n 870 milltir o hyd ac a agorwyd yn 2012.[1]

Ymlith y lleoedd sydd ar y llwybr mae: Pentwyn, Talacharn, Caerfyrddin, Cydweli, Porth Tywyn a Llanelli. Ymhlith y llefydd diddorol ar y daith mae: cartref Dylan Thomas yn Nhalacharn ac ar ochr ddwyreiniol y llwybr, ger tref Llanelli, mae Canolfan Gwlyptiroedd Cenedlaethol Cymru.

Is-lwybrau lleol[golygu | golygu cod y dudalen]

Ceir nifer o lwybrau lleol, llai y gellir eu defnyddio ac sy'n cychwyn ger Llwybr yr Arfordir, er enghraifft:

  1. Llwybr y Tywi. Yng Nghaerfyrddin mae man cychwyn y daith hon, sy'n 55 milltir (88 km). Mae'n dilyn Afon Tywi, a cheir cip ar Gaerfyrddin, y Garn Goch a oedd yn fryngaer o Oes yr Haearn.
  2. Llwybr Afon Teifi. Dyma lwybr 73 milltir (118 km) sy'n cychwyn yng Nghenarth (OS: SN267416) ac yn diweddu ger Llambed. Ystyrir yr afon hon fel un o'r goreuon yng Nghymru o ran ei physgod, ac mae'r golygfeydd yma hefyd yn wych.
  3. Sanclêr i Lansteffan. 9 milltir (14 km) ydy hyd y llwybr hwn. Mae'n cychwyn wrth adfeilion Castell Sanclêr sy'n dyddio'n ôl i'r 12g, cyn ymlwybro'n ei flaen drwy dir fferm ac ar i lawr tuag at Lansteffan. Ceir oddi yma olygfa wych o Ynys Bŷr sy'n cael ei henwi ar ôl y mynach cynnar Pŷr (digwydd ei enw yn ail ran enw tref Maenorbŷr, ar y tir mawr cyferbyn â'r ynys, yn ogystal).

Cyfeiriadau[golygu | golygu cod y dudalen]

  1. "All-Wales Coast Path Nears Completion". Newyddion y BBC. BBC. 17 Hydref 2011. Adalwyd 2 Ionawr 2012.