Gardd Fotaneg Genedlaethol Cymru

Oddi ar Wicipedia
Jump to navigation Jump to search
Gardd Fotaneg Genedlaethol Cymru
Y tu mewn i dŷ gwydr un-rhychwant mwyaf y byd yng Ngardd Fotaneg Genedlaethol Cymru
Math Botanegol
Lleoliad Llanarthne, Sir Gaerfyrddin, Cymru
Arwynebedd 230 hectr (568 erw)
Ymwelwyr 160,000 y flwyddyn[1]
Gwefan garddfotaneg.cymru/
Gardd Fotaneg Genedlaethol Cymru

Gerddi, parcdir a chanolfan ymchwil botanegol ger Llanarthne, Sir Gaerfyrddin, yw Gardd Fotaneg Genedlaethol Cymru. Fe'i sefydlwyd yn y flwyddyn 2000 fel rhan o ddathliadau'r Mileniwm. Cafodd yr ardd ei datblygu ar safle 568 acer hen Neuadd Middleton ger Llanarthne, yn Nyffryn Tywi. Canolbwynt yr ardd yw'r tŷ gwydr un-rhychwant anferth, y mwyaf o'i fath yn y byd, a gynlluniwyd gan y pensaer Norman Foster.[2] Mae'r tŷ gwydr yn cynnwys planhigion o gynefinoedd sydd dan fygythiand yng ngwahanol rannau o'r byd, gan gynnwys Awstralia, De Affrica, Chile, Califfornia a Môr y Canoldir.

Derbyniwyd £22.25 miliwn o arian loteri trwy Gomisiwn y Mileniwm i'w sefydlu.[3] Mae'n cael ei hariannu gan roddion a thâl mynediad a grantiau gan Llywodraeth Cynulliad Cenedlaethol Cymru.

Tu mewn i'r tŷ gwydr mawr

Cyfeiriadau[golygu | golygu cod y dudalen]

  1.  National Botanic Garden of Wales visitors boom. BBC Wales News (12 Ebrill 2018). Adalwyd ar 13 Gorffennaf 2018.
  2.  Great Glasshouse by Foster + Partners. Architects Journal (14 Medi 2000). Adalwyd ar 13 Gorffennaf 2018.
  3.  £1.4m i'r Ardd Fotaneg. Newyddion BBC Cymru (14 Tachwedd 2005). Adalwyd ar 13 Gorffennaf 2018.

Dolenni allanol[golygu | golygu cod y dudalen]