Geraint Thomas

Oddi ar Wicipedia
Jump to navigation Jump to search
Geraint Thomas
Geraint Thomas E3 Harelbeke 2015.JPG
Thomas yn Harelbeke 2015
Gwybodaeth bersonol
Enw llawn Geraint Howell Thomas
Llysenw Gez, G, Crazy G, G Man
Ganwyd (1986-05-25) 25 Mai 1986 (32 oed)
Caerdydd
Taldra 1.83 m (6 ft 0 in)[1]
Pwysau 70 kg (154 lb; 11 st 0 lb)[1]
Gwybodaeth tîm
Tim presennol Team Sky
Disgyblaeth Ffordd a trac
Rôl Reidiwr
Math reidiwr Amryddawn (ffordd)
Ymlidwr (trac)
Tîm(au) amatur
0 Maindy Flyers Youth Cycling Club /CC Cardiff
0 Cardiff JIF
2005 Team Wiesenhof (stagiaire)
2006 Saunier Duval–Prodir (stagiaire)
Tîm(au) proffesiynol
2006 Recycling.co.uk
2007–2009 Barloworld
2010– Team Sky
Prif fuddugoliaethau

Teithiau Mawr

Tour de France
Dosbarthiad cyffredinol (2018)
3 cymal unigol (2017, 2018)

Cymalau ras

Critérium du Dauphiné (2018)
Paris–Nice (2016)
Bayern–Rundfahrt (2011, 2014)
Volta ao Algarve (2015, 2016)
Tour of the Alps (2017)

Rasus undydd a Clasuron

Pencampwriaethau Cenedlaethol Ras Ffordd (2010)
Pencampwriaethau Cenedlaethol Treial Amser (2018)
E3 Harelbeke (2015)

Seiclwr Cymreig, proffesiynol ydy Geraint Howell Thomas, MBE (ganwyd 25 Mai 1986), sydd yn aelod o Team Sky ar Gylchdaith Proffesiynol yr UCI.

Mae Thomas wedi profi llwyddiant ar y trac ac ar y ffordd gan ennill Pencampwriaethau Trac y Byd a medal aur Olympaidd yn y Ras Ymlid i dimau yn Ngemau Olympaidd 2008 a 2012. Ar y ffordd mae wedi ennill ras y Junior Paris-Roubaix yn 2004, Pencampwriaethau Cenedlaethol Prydain yn 2010, medal aur yn Ras Lôn Gemau'r Gymanwlad 2014, ras Bayern-Rundfart yn 2011 a 2014, Ras E3 Harelbeke yn 2015, Paris–Nice yn 2016, Tour of the Alps yn 2017 a'r Critérium du Dauphiné yn 2018.

Yn 2017 daeth Thomas y Cymro cyntaf erioed a dim ond yr wythfed beiciwr o Ynysoedd Prydain i wisgo'r siwmper felen yn y Tour de France ond bu rhaid iddo adael y ras yn gynnar ar ôl torri pont ei ysgwydd mewn damwain ar y nawfed cymal[2].

Yn Tour de France 2018, cymerodd Thomas y crys melyn ar ôl ennill cymal 11, gan arwain y daith ers hynny. Cwblhaodd y cymal olaf o Houilles i Baris yn llwyddiannus, gan ddod y Cymro cyntaf i ennill y ras, a'r trydydd o wledydd Prydain.[3]

Bywgraffiad[golygu | golygu cod y dudalen]

Bywyd cynnar[golygu | golygu cod y dudalen]

Geraint yn Cystadlu yn Ras Dringo Allt BSCA, Tongwynlais, 2001.

Ganwyd Thomas yng Nghaerdydd, Cymru, yn fab hynaf i Howell Thomas, mab ffermwr o Bancyfelin, Sir Gaerfyrddin,[4] ac yn frawd i Alun Lloyd Thomas. Magwyd yn ardal Llwyn Fedw ger yr Eglwys Newydd, mynychodd Ysgol Uwchradd yr Eglwys Newydd. Dechreuodd seiclo gyda chlwb "Maindy Flyers Cycling Club" yn Canolfan Maendy pan yn 10 oed,[5] cyn mynd ymlaen i reidio dros glybiau lleol eraill, "Cycling Club Cardiff" a "Cardiff Just in Front". Cafodd lwyddiant mewn rasus ar gyfer rhai o dan 14 ac o dan 16 oed, gan gynnwys pencampwriaethau cenedlaethol Prydain, ond dechreuwyd sylwi ar ei botensial pan enillodd fedal arian yn y ras bwyntiau yn y pencampwriaethau Ewropeaidd.[6]

Bywyd personol[golygu | golygu cod y dudalen]

Cyfarfu Thomas ei wraig, Sara Elen Thomas, drwy ffrind.[7] Priododd y cwpl yng Nghymru yn Hydref 2016 a maent yn byw yn Monaco,

Gyrfa[golygu | golygu cod y dudalen]

Daeth Thomas yn aelod o Academi Olympaidd British Cycling. Enillodd Wobr Iau Carwyn James yn seremoni Personoliaeth Chwaraeon y Flwyddyn BBC Cymru. Gwnaeth gystadlu mewn rasus Cwpan y Byd o amgylch y byd. Fe gafodd ddamwain wrth ymarfer yn Sydney, Awstralia ym mis Chwefror 2005 ar ôl i'r reidiwr o'i flaen daro darn o fetel a gadawodd ei fflicio i olwyn Thomas. Dioddefodd o waedu mewnol ar ôl i ddarn o fetel fynd i'w gorff pan ddisgynnodd, torlengigodd ei ddueg, a bu'n rhaid cael llawdriniaeth i'w dynnu.[8][9]

Yn 2006, reidiodd y rhan fwyaf o'i rasus dros dîm Recycling.co.uk, ond tuag at ddiwedd 2006 ymunodd â Saunier Duval-Prodir. Reidiodd rai rasus hefyd dros Brydain, er enghraifft Tour of Britain.

Bu Geraint yn byw ac yn ymarfer yn Toscana yn yr Eidal, ynghyd â sawl seiclwr proffesiynol arall Prydeinig megis Mark Cavendish. Bydd seiclwyr proffesiynol yn ymarfer yn rheolaidd yn Awstralia er mwyn manteisio ar y tywydd.

2007[golygu | golygu cod y dudalen]

Thomas yng nghymal cyntaf Tour de France 2007.

Thomas oedd y reidiwr ifancaf yn Tour de France 2007, wedi i'w dîm Barloworld, gael un o'r tri safle wildcard sydd yn cael eu neilltuo ar gyfer y ras. Gorffennodd Geraint y Tour de France yn yr 140fed safle allan o 141,[10] wedi ugain niwrnod o rasio, er nad oedd disgwyl iddo wneud hynny ar y cynnig cyntaf. Honnir gan amryw mai hon yw'r ras seiclo ffordd, galetaf i gyd.. Geraint oedd y Cymro cyntaf i gymryd rhan yn y ras ers Colin Lewis yn 1968, a'r Cymro cyntaf i orffen y ras ras.[11] Derbyniodd gryn gefnogaeth gan ei gefnogwyr Cymreig yn y seremoni agoriadol yn Llundain, gyda nifer ohonynt yn mynd ymlaen i ddilyn yr holl ras.[12]

Fe dreuliodd Geraint chwe wythnos yn ymarfer yn Mherth, Awstralia yng ngaeaf 2007.[11] Enwebwyd ef ar gyfer gwobr Personoliaeth Chwaraeon Cymreig y Flwyddyn BBC Cymru yn 2007, datganwyd yr enillwyr ar y teledu ar y 2 Rhagfyr a chafodd Geraint ei bleidleisio i'r drydydd safle gan y cyhoedd.[13]

2008[golygu | golygu cod y dudalen]

Ni chystadlodd Thomas yn Tour de France 2008, yn hytrach cystadlodd yn y Giro d'Italia yn gynharach yn y tymor cyn dychwelyd i Brydain er mwyn canolbwyntio ar baratoadau ar gyfer Gemau Olympaidd 2008.[14] Wedi darganfod na fyddai baneri gwledydd nad oedd yn cymryd rhan o dan eu henwau eu hunain yn cael eu caniatáu yn y Gemau, dywedodd Thomas:

"It would be great to do a lap of honour draped in the Welsh flag if I win a gold medal, and I'm very disappointed if this rule means that would not be possible."[15][16]

Ar 17 Awst, roedd Thomas yn aelod o'r sgwad tîm dilyn a dorrodd record y byd yn y rowndiau cyn-derfynol yn y Gemau Olympaidd gydag amser o 3:55:202, gan guro eu gwrthwynebwyr Rwsiaiddyn gyfforddus i fynd ymlaen i'r rownd derfynol i gystadlu am yr aur a'r arian.[17] Y diwrnod canlynol, ar eu ffordd i ennill y fedal aur, torrodd y tîm Prydeinig record y byd eu hunain, gan osod amser newydd o 3:53:314, a churo eu gwrthwynebwyr Danaidd o 6.7 eiliad.[18] Roedd Thomas wedi bod yn un o'r cystadleuwyr posibl ar gyfer y dilyn unigol, ond penderfynodd beidio â chystadlu yn y ddwy gystadleuaeth gan nad oedd eisiau peryglu ymdrechion ei dîm. Roedd hefyd wedi cael ei gysidro i gystadlu yn y Madison gyda Bradley Wiggins, ond dewiswyd Mark Cavendish yn y pen draw; dywedodd Chris Boardman fod "Geraint keeps surpassing people's expectations".[19]

Yn dilyn diarddeliad ei gyd-aelod tîm Barloworld, Moises Duenas, o'r Tour de France, datgelodd Thomas ei farn cryf yn erbyn defnydd cyffuriau yn ei flog ar y wefan BBC 606: "..if someone is fraudulent in a business, wouldn’t they be facing a prison term? I don’t see how riders taking drugs to win races and lying to their teams is any different. Bang them up and throw away the key!"[20]

2009[golygu | golygu cod y dudalen]

Apwyntiwyd ef yn Aelod o Urdd yr Ymerodraeth Brydeinig (MBE) yn rhestr anrhydeddau'r flwyddyn newydd yn 2009.[21]

Ni chafodd Thomas ddechrau da iawn i'w dymor rasio yn 2009, pan dorrodd ei belfis a'i drwy wrth ddisgyn ar ôl cam-farnu cornel a tharo'r barier diogelwch mewn cymal treial amser o'r Tirreno-Adriatico yn Macerata, yr Eidal. Daeth yn ddamwain yn fuan wedi i siec amser 8 km ddangos mai ef oedd yr ail cyflymaf ar y ffordd. Er y bu iddo allu dychwelyd i westy ei dîm o'r ysbyty'r un diwrnod, gorfodwyd iddo gymryd 20 diwrnod o orffwys cyfan gwbl cyn gallu dychwelyd at ymarfer.[22][23]

Ar 30 Hydref 2009, gosododd Thomas yr amser cyflymaf yn y dilyn o dan y rheolau presennol, pan gyflawnodd 4 km mewn 4 munud 15.105 eiliad yn rownd gyntaf y 2009–2010 UCI Track Cycling World Cup Classics yn Velodrome Manceinion. Rhagorir yr amser hwn gan Chris Boardman yn unig, gydag amser o 4 munud 11.114 eiliad, a osodwyd ym 1996 mewn safle ar y beic sydd eisoes wedi cael ei wahardd.[24] Ar 1 Tachwedd, ar ddiwrnod olaf y rownd hon o Gwpan y Byd, roedd Thomas yn aelod o'r sgwad dilyn tîm a osododd yr amser ail-gyflymaf yn y byd tra ar eu ffordd i ennill y fedal aur, gan osod record trac newydd yn y broses o 3:54.395.[25]

Daeth Thomas yn ail i Ryan Giggs yng ngwobr Personoliaeth Chwaraeon Cymreig y Flwyddyn BBC Cymru yn 2009, wedi i'r enillwyr gael eu datgan ar 8 Rhagfyr.[26]

Gadawodd Thomas dîm Barloworld ar ddiwedd 2009 i ymuno â thîm proffesiynol newydd Prydeinig, sef Team Sky.[24]

2010[golygu | golygu cod y dudalen]

Geraint Thomas yn Tour de France 2010.

Dechreuodd Thomas ei dymor rasio yn 2010 fel aelod dîm treial amser Sky yn y Tour of Qatar. Wedi cystadlu yng nghlasuron seiclo'r gwanwyn, daeth i sylw gan orffen y Critérium du Dauphiné, gan orffen yn y deg uchaf yn y pedwar cymal cyntaf. Oherwydd hyn, fe oedd arweinydd y gystadleuaeth bwyntiau a gwisgodd y Crys Gwyrdd yng nghymalau sau, pedwar a chwech. Erbyn diwedd y ras, roed yn bumed yn y gystadleuaeth a 21ain yn y dosbarthiad cyffredinol.

Curodd Thomas ei gyd-aelod tîm, Peter Kennaugh, i ennill Pencampwriaeth Cenedlaethol Ras Ffordd Prydain 2010. Roedd mewn siap da, a pharhaodd hyn drwy Tour de France 2010, lle gorffennodd yn bumed yn y Prologue ac ail yn y tryddydd cymal, felly arweiniodd y gystadleuaeth reidiwr ifanc a gwisgo'r crys gwyn wedi'r trydydd cymal.

2011[golygu | golygu cod y dudalen]

Dechreuodd Thomas dymor rasio 2011 gyda perfformiadau addawol, gan gynnwys chweched safle yn y Classica Sarda ac ail yn y Dwars door Vlaanderen.[27] Cipiodd ei fuddugoliaeth proffesiynol cyntaf ym mis Mai 2011, gan ennill ras pum diwrnod Bayern-Rundfahrt,[28] wedi iddo orffen yn ail ar gymal 3, a pumed ar gymal 4. Ar 26 Mehefin 2011, daeth Thomas yn ail i Bradley Wiggins ym Mhencampwriaeth Cenedlaethol Ras Ffordd Prydain 2011.[29]

Arweiniodd Thomas y gystadleuaeth reidiwr ifanc unwaith eto yn Tour de France 2011, gan gwisgo'r crys gwyn wedi'r cymal cyntaf, a hyd y seithfed cymal.Yng nghymal 12, bu'n un o chwe reidiwr i ddianc oddiar flaen y peleton wedi dim ond 2 km o'r cymal 211 km o Cugnaux i Luz-Ardiden. Ar un adeg roedd 7 munud o flaen y peleton ac yn arwain y ras fel oedd hi ar y ffordd. Cafodd ei ddal 7 km o ddiwedd y cymal ac enillodd y Wobr Brwydrol y cymal.[30] Gorffennodd y ras yn 31af, ei safle gorau yn y ras hyd yn hyn.

Bu Thomas yn llwyddiannus yn y Tour of Britain, gan ennill y dosbarthiad pwyntiau, a bu mewn safle uchel ar y dosbarthiad cyffredinol cyn iddo gael damwain a cholli amser. Roedd yn aelod o dîm Prydain Fawr ym Mhencampwriaethau Rasio Ffordd y Byd, gan arwain Mark Cavendish at ei fuddugoliaeth.

2012[golygu | golygu cod y dudalen]

Canolbwyntiodd Thomas ar rasio ar y trac ar gyfer tymor 2012 gan anelu at Gemau Olympaidd 2012 yn Llundain[31]. O'r herwydd, Giro d'Italia 2012 oedd ei unig brif ras yn ystod y tymor ond roedd yn rhan o dîm Team Sky sicrhaodd fuddugoliaeth i Bradley Wiggins yn ras Paris-Nice[32][33].

Ar 4 Ebrill roedd yn aelod o dîm trac Prydain dorrodd record byd yn y ras ymlid wrth enill medal aur ym Mhencampwriaethau Trac y Byd ym Melbourne[34] a chasglodd fedal arian gyda Ben Swift yn y madison[35].

Ar ôl ennill cymal agoriadol y Tour de Romandie [36] gorffennodd yn ail yng nghymal agoriadol yn erbyn y cloc y Giro d'Italia a hefyd yn ail yng nghymal ola'r Giro yn erbyn y cloc[37][38]

Cafodd Thomas ei ddewis yn aelod o dîm Ras Ymlid Prydain ar gyfer Gemau Olympaidd 2012 ynghŷd â Steven Burke, Ed Clancy a Peter Kennaugh. Ar ôl torri'r record byd yng nghymal cyntaf y gystadleuaeth gosodwyd, llwyddodd y pedwarawd i dorri'r record unwaith eto yn y rownd derfynol yn erbyn Awstralia er mwyn cipio'r fedal aur[39][40]

2013[golygu | golygu cod y dudalen]

Dechreuodd Thomas dymor 2013 gyda'r Tour Down Under. Llwyddodd i ennill Cymal 2 a dal ar siwmper arweinydd y ras hyd nes y cymal olaf ond un. Gorffennodd yn drydydd, 25 eiliad tu ôl i'r Iseldirwr, Tom-Jelte Slagter, gan enill y dosbarth pwyntiau[41].

Cafodd ei ddewis fel arweinydd Team Sky yn rasys y Clasuron ond heb llawer o lwyddiant. Gorffennodd yn ail yn Bayern-Rundfahrt ac yn 15ed yn y Critérium du Dauphiné wrth i Chris Froome a Richie Porte orffen yn gyntaf ac yn ail i Team Sky.

Cafodd ei ddewis i rasio yn Tour de France 2013 ac er iddo dorri ei belfis mewn damwain hegar ar y cymal cyntaf, parhaodd i rasio gan orffen yn y 140ed safle wrth i Team Sky sicrhau buddugoliaeth i Froome[42]

2014[golygu | golygu cod y dudalen]

Thomas yn dilyn ymosodiad gan Tom Boonen yn y Paris Roubaix 2014

Unwaith eto, dechreuodd Thomas ei dymor yn y Tour Down Under mewn rôl domestique i Richie Porte, a gorffennodd yn wythfed. Roedd Thomas i fod i gefnogi Porte yn y Paris–Nice hefyd ond yn dilyn anaf i Chris Froome cafodd porte ei symud i rasio yn y Tirreno–Adriatico gan adael Thomas i arwain Team Sky yn Ffrainc. Llwyddodd i fachu'r maillot jaune ar y pedwerydd cymal cyn disgyn i'r ail safle erbyn y chweched cymal. Cafodd ddamwain mawr ar y seithfed cymal welodd o'n gorffen dros saith munud tu ôl i'r ceffylau blaen, ac ni gymrodd rhan yn y cymal olaf.

Dechreuodd tymor y Clasuron yn gryf gan orffen yn drydydd yn y E3 Harelbeke cyn arwain Team Sky yn y Tour of Flanders lle gorffennodd yn wythfed, 47 eiliad tu ôl i Fabian Cancellara ac roedd yn seithfed yn y Paris–Roubaix, gan orffen 20 eiliad tu ôl i Niki Terpstra. Yn y Tour de France bu'n gweithio dros Richie Porte wedi i arweinydd Team Sky, Chrids Froome, adael y ras wedi anaf ar y pumed cymal. Thomas oedd yr unig seiclwr o ynysoedd Prydain i orffen y ras gan orffen yn 22in, ei ganlyniad gorau yn y Tour de France.

Wedi'r Tour, teithiodd Thomas i Glasgow i gynrychioli Cymru yng Ngemau'r Gymanwlad yn Glasgow. Casglodd fedal efydd yn y Ras yn erbyn y cloc cyn casglu'r fedal aur yn y Ras Lôn mewn ras hynod gyffrous welodd Thomas yn gorfod newid olwyn ym munudau olaf y ras.[43]

2016[golygu | golygu cod y dudalen]

2017[golygu | golygu cod y dudalen]

Cipiodd Geraint y siwmper felen yn Tour de France 2017, wedi iddo ennill y cymal agoriadol.

Yn Ionawr cyhoeddodd Team Sky y byddai Geraint a Mikel Landa yn cyd-arwain yn y Giro d'Italia y flwyddyn honno.[44]

Ym Mawrth Geraint Thomas a arweiniodd y Tirreno–Adriatico ond amharwyd ar berfformiad Team Sky gydag anaf i Gianni Moscon, pan chwythodd ei deiar flaen a disgynnodd ar y tarmac.[45] Gorffennodd Team Sky 1' 41" yn is na'r safon. Enillodd Thomas yr ail gymal - 9 eiliad o flaen Tom Dumoulin. Ar ddiwedd y ras gorffennodd Geraint yn 5ed: 58 eiliad y tu ôl i Quintana.

Yn Ebrill, daeth Geraint y seiclwr cyntaf o Gymru, ac o Brydain, i ennill y Tour of the Alps (a adnabyddid cynt fel y Giro del Trentino).[46] Yn dilyn anaf i'w ysgwydd ac yna'n ddiweddarach i'w ben-glin, tynnodd o'r ras.[47]

Yn Tour de France 2017, enillodd Geraint y cymal agoriadol, gan ei wneud y Cymro cyntaf erioed i wisgo'r siwmper felen. Cadwodd honno amdano hyd at Gymal 5, pan disgynnodd i'r ail safle. Daeth ei gyfraniad i'r ras i ben pan gafodd ddamwain ar Gymal 9 gan dorri pont ei ysgwydd.[48]

2018[golygu | golygu cod y dudalen]

Yn 2018 cystadleuodd Thomas fel 'cyd-arweinydd' gyda Chris Froome ar gyfer Team Sky. Yn sgil damwain yn y cymal cyntaf, collodd Froome amser i Thomas. Wedi hynny, bu ymgiprys am arweinyddiaeth y tîm. Enillodd Thomas cymal 11 ar La Rosière, Savoie a Chymal 12 fyny'r Alpe d'Huez mewn modd ddramatig. Yn dilyn hynny aeth ymlaen i ennill y Tour de France. Ef oedd y Cymro cyntaf erioed i ennill ras bwysicaf y byd seiclo. Fe'i gyfarchwyd mewn seremoni arbennig o flaen adeilad Cynulliad Cenedlaethol Cymru yn ystod yr Eisteddfod Caerdydd.

Canlyniadau[golygu | golygu cod y dudalen]

Trac[golygu | golygu cod y dudalen]

2004
1af Madison Cwpan Talent UIV Bremen (gyda Mark Cavendish)
1af Ras Scratch, Pencampwriathau Iau y Byd, Los Angeles
2il Ras Scratch, UCI Moscow World Cup
2il Ras Bwyntiau, Pencampwriaethau Ewropeaidd Iau
2005
1af Baner Prydain Fawr 20km Ras Scratch, Pencampwriaethau Cenedlaethol Trac Prydain
2006
1af Cwpan y Byd UCI, Moscow, Pursuit Tîm (gyda Paul Manning, Chris Newton ac Ed Clancy)
1af Flag of Europe.svg Pencampwriaethau Trac Ewropeaidd, Pursuit Tîm odan 23, gyda (Ed Clancy, Ian Stannard, ac Andy Tennant)
2il Pencampwriaethau'r Byd Pursuit Tîm, (gyda Stephen Cummings, Rob Hayles a Paul Manning)
2il Pencampwriaethau Cenedlaethol Trac Prydain, Pursuit Tîm, gyda (Ross Sander, Ian Stannard a Ben Swift)
2il Ras Scratch odan 23, Pencampwriaethau Trac Ewropeaidd
3ydd Points Race, Melbourne 2006 Commonwealth Games
3ydd Cwpan y Byd UCI, Sydney, Pursuit Tîm (gyda Ed Clancy, Ian Stannard, ac Andy Tennant)
3ydd Madison, UCI Sydney World Cup, (gyda Mark Cavendish)
4ydd Ras Bwyntiau odan 23, Pencampwriaethau Trac Ewropeaidd
5ed Pencampwriaethau Cenedlaethol Trac Prydain, Pursuit
2007
1af Cycling World Champion Rainbow Stripes.png Pencampwriaethau'r Byd, Pursuit Tîm
2008
1af Cycling World Champion Rainbow Stripes.png Pencampwriaethau'r Byd, Pursuit Tîm
1af Gold medal.svg Pursuit Tîm, Gemau Olympaidd
2009
1af Baner Prydain Fawr Pencampwriaethau Cenedlaethol Trac Prydain, Pursuit
2012
1af Gold medal.svg Pursuit Tîm, Gemau Olympaidd - Record y Byd
1af Cycling World Champion Rainbow Stripes.png Pencampwriaethau'r Byd, Pursuit Tîm
2il Pencampwriaethau'r Byd, Madison (gyda Ben Swift)

Ffordd[golygu | golygu cod y dudalen]

2004
1af Flag of Wales.svg Pecampwriaethau Cenedlaethol Rasio Ffordd, Cymru
1af, Ras Iau Paris-Roubaix
2005
1af Flag of Wales.svg Pecampwriaethau Cenedlaethol Rasio Ffordd, Cymru[49]

Cafodd Thomas ddamwain ychydig ddydiau cyn ei debut rasio ffordd hyn yn Sydney ac roedd rhaid iddo gael llawdriniethh i dynnu ei sblîn. Doedd o ddim yn gallu cystadlu llawer oherwydd hynnu yn 2005.

2006
1af Canlyniadau Terfynnol, Fleche du Sud
1af Canlyniadau Pwyntiau, Fleche du Sud
1af Canlyniadau odan 21, Fleche du Sud
1af Cymal 2, Fleche du Sud
2il Cymal 3B, Fleche du Sud
3ydd Pencampwriaethau Rasio Ffordd Prydeinig
3ydd Canlyniadau Terfynnol y Mynyddoedd, Giro d'Italia (Baby Giro)
4ydd Cymal 10, Giro d'Italia (Baby Giro)
4ydd Cymal 4, Fleche du Sud
5ed Cymal 4, Tour of Britain
5ed Cymal 2, Giro d'Italia (Baby Giro)
2007
5ed Canlyniadau odan 23, Tour Down Under
2008
1af Smithfield Nocturne
3ydd Cymal 1, Ster Elektrotoer
2009
5ed Coppa Bernocchi
2010
1af Baner Prydain Fawr Pencampwriaeth Cenedlaethol Ras Ffordd Prydain
1af Cymal 1 TTT Tour of Qatar
2il Cymal 3 Tour de France
Deliodd Jersey white.svg Crys Reidiwr Ifanc o Cymal 3–6
2011
2il Pencampwriaeth Cenedlaethol Ras Ffordd Prydain
2il Dwars door Vlaanderen
10fed Ronde van Vlaanderen
31af Tour de France
3ydd Cymal 2
5ed Cymal 5
Deilydd Crys Reidiwr Ifanc o gymal 1-7
Gwobr Brwydrol cymal 12
12fed Tour of Britain
1af Dosbarthiad Pwyntiau
3ydd Cymal 3
4ydd Cymal 4
2012
1af Prologue, Tour de Romandie
Giro d'Italia
2il Cymal 1, Treial amser
2il Cymal 21, Treial amser

Diwylliant Boblogaidd[golygu | golygu cod y dudalen]

Tour de France 2018[golygu | golygu cod y dudalen]

Yn sgil llwyddiant cynyddol Geraint Thomas yn ystod Tour de France 2018 rhannwyd clip fideo ar Facebook o ffans Geraint Thomas yn canu fersiwn hwyliog ohonynt yn canu cân Hogia'r Wyddfa, Titw Tomos Las[50] gyda Geraint yn dod allan o'i bws teithio i'w harwain yn y canu.[51]

Ynghanol holl hwyl llwyddiant Geraint yn y Tour, recordiodd BBC Radio Cymru fersiwn newydd o Titw Tomos Las[52] ar gyfer rhaglen foreuol Aled Hughes. Canwyd y fersiwn newydd gan ddau o aelodau Hogia'r Wyddfa, y bandi Siddi, Band Pres Llarebbug a phlant lleol.[53] a bu sylwi iddi ar Radio Cymru a'r we.[54]

Roedd cân Titw Tomos yn rhan o don o Ddathliadau Geraint Thomas yn Tour de France 2018 gan gynnwys cerddi a chân rap.

Dolenni allanol[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i:

Cyfeiriadau[golygu | golygu cod y dudalen]

  1. 1.0 1.1 "Geraint Thomas profile". Nodyn:Ct. BSkyB. Archifwyd o y gwreiddiol ar 1 May 2013. https://web.archive.org/web/20130501095715/http://www.teamsky.com/profile/0,27291,17543_8341201,00.html. Adalwyd 3 April 2013.
  2. "Tour de France: Uran wins stage 9 in photo finish". CyclingNews. 10 Georffennaf 2017. http://www.cyclingnews.com/races/tour-de-france-2017/stage-9/results/.
  3. Y Cymro cyntaf ar fin ennill y Tour de France , Golwg360, 28 Gorffennaf 2018. Cyrchwyd ar 29 Gorffennaf 2018.
  4.  Village's pride at gold. This is South Wales (20 Awst 2008).
  5.  An interview with Geraint Thomas. cyclingnews.com (5 Gorffennaf 2007).
  6.  In the zone: Geraint Thomas. BBC Sport.
  7. "Geraint Thomas’ girlfriend: "Why I've travelled thousands of miles to support Ger"". walesonline. 9 Gorfennaf 2011. http://www.walesonline.co.uk/news/wales-news/geraint-thomas-girlfriend-why-ive-1820543.
  8.  Larry Hickmott (27 Mawrth 2005). Geraint Thomas Recovering from Aussie Crash. British Cycling.
  9.  Thomas in hospital after crashing. BBC Sport (18 Chwefror 2005).
  10.  2007 Tour de France, Overall Standing. Le Tour de France (2007-07-29).
  11. 11.0 11.1  Thomas backed for Beijing glory. BBC (5 Rhagfyr 2007).
  12.  Ian Jenkins (17 July 2007). Maindy Flyers 'On Tour'!. Welsh Cycling.
  13.  Calzaghe claims BBC Wales award. BBC (2 Rhagfyr 2007).
  14.  THE BIG INTERVIEW: GERAINT THOMAS. Cycling Weekly (11 Mehefin 2008).
  15.  Gordon Rayner (6 Awst 2008). Beijing Olympics: Flags showing Cross of St George, Saltire or Welsh dragon banned. Telegraph.co.uk.
  16.  Martin Shipton (5 Awst 2008). Olympic officials ban Welsh athletes from flying national flag. South Wales Echo.
  17.  GB pursuit team set world record. BBC Sport (17 Awst 2008).
  18.  GB storm to gold in team pursuit. BBC Sport (18 Awst 2008).
  19.  Thomas & Cavendish fight for spot. BBC Sport (25 Gorffennaf 2008).
  20.  Motivation is high despite Tour dopers. BBC Sport (22 Gorffennaf 2008).
  21. London Gazette, rhifyn 58929, tud. 23, 31 Rhagfyr 2008
  22.  Latest Cycling News: Broken bones for Thomas. CyclingNews (2009-03-16).
  23.  44th Tirreno-Adriatico - Stage 4 & 5 Comnments & Photos. Daily Peleton (2009-03-15).
  24. 24.0 24.1  William Fotheringham (2009-10-31). Geraint Thomas sets second fastest individual pursuit time in history. The Guardian.
  25. BBC Live Cycling coverage, 1 November 2009
  26.  Ryan Giggs wins BBC Wales Sports Personality 2009. BBC Sport (8 December 2009).
  27.  Geraint Thomas. Team Sky.
  28.  Thomas seals victory in Bavaria. Sky Sports (29 May 2011).
  29.  Wiggins Wins National RR Champ. British Cycling (26 Mehefin 2011).
  30.  Geraint Thomas in the thick of the Tour de France action. South Wales Echo (15 Gorffennaf 2011).
  31. Thomas, Graham (7 October 2011). "Geraint Thomas considers quitting track after London Olympics". BBC Wales Sport. http://news.bbc.co.uk/sport1/hi/cycling/15208779.stm.
  32. Callow, James (2011-10-24). "Geraint Thomas to skip Tour de France in bid for Olympic gold". The Guardian (London). http://www.guardian.co.uk/sport/2011/oct/24/geraint-thomas-tour-de-france-olympics.
  33. Howell, Andy (2012-03-05). "Geraint Thomas helps Bradley Wiggins claim Paris-Nice yellow jersey". WalesOnline. Media Wales. http://www.walesonline.co.uk/sports/cycling/2012/03/05/cycling-geraint-thomas-helps-bradley-wiggins-claim-paris-nice-yellow-jersey-91466-30466176/.
  34. Richardson, Simon (2012-04-04). "Great Britain break team pursuit world record to win gold". Cycling Weekly. IPC Media Limited. http://www.cyclingweekly.co.uk/news/latest/532354/great-britain-break-team-pursuit-world-record-to-win-gold.html.
  35. "Belgians win world Madison crown". SBS Cycling Central. SBS. 2012-04-08. http://www.sbs.com.au/cyclingcentral/news/35883/belgians-win-world-madison-crown.
  36. "Tour de Romandie: Geraint Thomas wins on opening day". BBC Sport. BBC. 2012-04-24. http://www.bbc.co.uk/sport/0/cycling/17832409.
  37. Gallagher, Brendan (2012-05-05). "Taylor Phinney romps to victory in opening time-trial ahead of Team Sky's Geraint Thomas". The Guardian. Telegraph Media Group Limited. http://www.telegraph.co.uk/sport/othersports/cycling/9248504/Giro-dItalia-2012-Taylor-Phinney-romps-to-victory-in-opening-time-trial-ahead-of-Team-Skys-Geraint-Thomas.html.
  38. "Giro d'Italia 2012: Ryder Hesjedal is first Canadian to win the race". BBC Sport. BBC. 2012-05-27. http://www.bbc.co.uk/sport/0/cycling/18229220.
  39. "Track cycling: GB men set team pursuit world record". BBC Sport. 2012-08-02. http://www.bbc.co.uk/sport/0/olympics/19104072.
  40. Bevan, Chris (2012-08-03). "Olympics cycling: Team GB defend men's pursuit title". BBC Sport. http://www.bbc.co.uk/sport/0/olympics/18916652.
  41. "Tour Down Under: Geraint Thomas finishes third". BBC Sport. BBC. 2013-01-27. http://www.bbc.co.uk/sport/0/cycling/21219463.
  42. "Tour de France 2013: stage 21 results". 2013-07-21. http://www.guardian.co.uk/sport/2013/jul/21/tour-de-france-stage-21-results.
  43. "Geraint Thomas wins Commonwealth gold for Wales". http://www.theguardian.com/sport/2014/aug/03/geraint-thomas-commonwealth-games-cycling-gold-wales.
  44. "Thomas and Landa to have joint leadership of Team Sky at Giro d'Italia - Cyclingnews.com". http://www.cyclingnews.com/news/thomas-and-landa-to-have-joint-leadership-of-team-sky-at-giro-ditalia/.
  45. Windsor, Richard (8 Mawrth 2017). "Gianni Moscon's front wheel collapses in bizarre crash during Tirreno TTT (video)". Cycling Weekly (Time Inc. UK). http://www.cyclingweekly.co.uk/news/racing/gianni-mosons-front-wheel-collapses-bizarre-crash-tirreno-ttt-318733. Adalwyd 14 Mawrth 2017.
  46. "Geraint Thomas wins Tour of Alps: Welshman the first Briton to win event". BBC Sport (BBC). 21 Ebrill 2017. https://www.bbc.co.uk/sport/wales/39659982. Adalwyd 21 Ebrill 2017.
  47. "Giro d'Italia: Geraint Thomas pulls out of race after crash on Sunday". 19 Mai 2017. https://www.bbc.co.uk/sport/cycling/39972898.
  48. "Tour de France: Uran wins stage 9 in photo finish". Cyclingnews.com (Immediate Media Company). 9 Gorffennaf 2017. http://www.cyclingnews.com/races/tour-de-france-2017/stage-9/results/. Adalwyd 9 Gorffennaf 2017.
  49. Thomas retains Welsh Road crown BBC 25 Mai 2005
  50. https://www.youtube.com/watch?v=XIni2DrPGXk
  51. https://www.facebook.com/geraint.thomas.921/videos/676098202538132/
  52. https://www.youtube.com/watch?v=XIni2DrPGXk
  53. ysgol.https://www.bbc.co.uk/programmes/p06fnknw
  54. https://www.bbc.co.uk/cymrufyw/44954312