Tour de France 1903

Data cyffredinol
Enghraifft o'r canlynol	Tour de France
Dechreuwyd	1 Gorffennaf 1903
Daeth i ben	19 Gorffennaf 1903
Yn cynnwys	1903 Tour de France, stage 1, 1903 Tour de France, stage 2, 1903 Tour de France, stage 3, 1903 Tour de France, stage 4, 1903 Tour de France, stage 5, 1903 Tour de France, stage 6
	Ffeiliau perthnasol ar Gomin Wicimedia

Canlyniad Terfynol

1.	Maurice Garin	Ffrainc	94awr33'14"
2.	Lucien Pothier	Ffrainc	+2awr49'21"
3.	Fernand Augereau	Ffrainc	+4awr29'24"
4.	Rodolphe Muller	Yr Eidal	+4awr39'30"
5.	Jean Fischer	Ffrainc	+4awr58'44"
6.	Marcel Kerff	Gwlad Belg	+5awr52'24"
7.	Julien Lootens	Gwlad Belg	+9awr31'08"
8.	Georges Pasquier	Ffrainc	+10awr24'04"
9.	François Beaugendre	Ffrainc	+10awr52'14"
10.	Aloïs Catteau	Gwlad Belg	+12awr44'57"
11.	Jean Dargassies	Ffrainc	+13awr49'10"
12.	Ferdinand Payan	Ffrainc	+19awr09'02"
13.	Julien Girbe	Ffrainc	+23awr16'52"
14.	Lechartier	Ffrainc	+24awr05'13"
15.	Josef Fischer	Yr Almaen	+25awr14'26"
16.	A. Foureaux	Ffrainc	+31awr50'52"
17.	René Salais	Ffrainc	+32awr34'43"
18.	Emile Moulin	Ffrainc	+49awr43'15"
19.	Georges Borot	Ffrainc	+51awr37'38"
20.	Pierre Desvages	Ffrainc	+62awr53'54"
21.	Arsène Millocheau	Ffrainc	+64awr57'08

Tour de France 1903 oedd y Tour de France cyntaf erioed, a sefydlwyd a'i noddwyd gan bapur newydd L'Auto.

Ysbrydolwyd y Tour gan lenyddiaeth, yn arbennig gan nofel Tour de France par Deux Enfants, ynddi mae dau fachgen yn teithio ogwmpas ffrainc. Cynnigwyd y syniad o'r ras gan y newyddiadurwr, Géo Lefèvre i'w olygydd, Henri Desgrange, a chafodd ei drafod yng nghafi, Café de Madrid, neu yn ôl rhai Taverne Zimmer (mae'r caffi wedi newid ei henw sawl gwaith), ym Mharis ar 20 Tachwedd 1902, datganwyd y ras yn gyhoeddus y mis Ionawr canlynol. Rhedwyd y ras er mwyn hybu gwerthiant y papur newydd.

Dechreuodd Tour 1903 gyda chymal Montgeron-Villeneuve-Saint-Georges, route de Corbeil ar 1 Gorffennaf, a gorffennodd gyda cymal Vile-d'Avray, restaurant du Père ar 19 Gorffennaf. Dim ond chwe cymal oedd yn y ras i gymharu a tua ugain yn y Tour yn y 21fed ganrif. ROedd y cymalau'n hir, y hiraf oedd rhwng Nantes a Paris - 471 kilomedr, y byrraf oedd rhwng Toulouse a Bordeaux - 268 kilomedr, i gymharu a chymalau Tour de France 2004, a oedd ar gyfertaledd, yn 171 kilomedr yr un. Dechreuodd chwe deg reidiwr ond dim ond 21 orffennodd. Enillodd yr enillydd 3 mil o ffranciau (tua 26,500 Euro yn arian heddiw).

Fel y journal organisateur, Géo Lefèvre oedd llywydd, beirniad a cheidwad amser y ras; Henri Desgrange oedd y directeur-général, er, ni ddilynodd y ras.

NId oedd unrhyw dimau yn y ras, roedd y reidwyr i gyd yn cystadlu yn unigol. Talwyd 10 ffranc gan pob reidiwr er mwyn cael rasio (tua 87.5 euro heddiw gyda chwyddiant yn ôl Geoffrey Wheatcroft).

Roedd y cymalau, ar gyfartaledd, yn 400 kilomedr o hyd, yn aml yn para i'r nos ac yn cymryd 24 awr iw cyflawni.

Montgeron: Cymerodd y cymal cyntaf 27 awr a 47 munud iw gyflawni gyda'r reidwyr yn seiclo drwy'r nos. Maurice Garin enillodd y cymal hwn gyda Emile Pagie yn ail munud yn ddiweddarach a Léon Georget yn drydydd. Ni orffenodd Hippolyte Aucouturier y cymal, ond caniatawyd ef i deithio ar y trên i ddechrau'r ail gymal.
Cymal 2: Lyon - Marseilles.
Cymal 3: Dechreuodd ar 8 Gorffennaf o Marseilles - Toulouse. Dim ond 32 o'r 60 reidiwr oedd ar ôl yn y ras erbyn hyn. Enillwyd y cymal gan Eugène Brange, Julien Lootens, Maurice Garin a Louis Pothier.
Cymal 4:Toulouse - Bordeaux. Roedd hwn yn gymharol fyr, 250 kilomedr, yn y cymal hwn digwyddodd damwain cyntaf y Tour de France pan redodd ci ar draws y ffordd gan achosi i grŵp o 15 ddisgyn. Penderfynnodd Hippolyte Aucouturier i roi'r gorau a cymerodd y trên i Paris.
Cymal 5: Bordeaux - Nantes.
Cymal 6: Nantes - Paris.

Enillodd Maurice Garin y ras mewn 94 awr 33 munud ac 14 eiliad, Louis Pothier oedd yn ail 2 awr 49 munud a 21 eiliad tu ôl iddo, Augereau oedd yn drydydd 4 awr 29 munud a 24 eiliad tu ôl i'r arwinydd. Y lanterne rouge (yr olaf i orffen) oedd Arsene Millocheau, a oedd 64 awr, 57 munud ac 8 eiliad tu ôl i Garin.