Bradley Wiggins

Bradley Wiggins
	Bradley Wiggins (2015)
Gwybodaeth bersonol
Enw llawn	Bradley M Wiggins
Llysenw	Wiggo
Dyddiad geni	28 Ebrill 1980 (42 oed)
Manylion timau
Disgyblaeth	Trac a Ffordd
Rôl	Reidiwr
Math seiclwr	Treial Amser / Pursuit / Dygnwch
Tîm(au) Proffesiynol
2002–2003; 2004–2005; 2006–2007; 2008	La Francaise des Jeux; Crédit Agricole; Cofidis; Team High Road
Prif gampau
	Pencampwr y Byd x6; Pencampwr Prydain; Gemau Olympaidd; Gemau Olympaidd; Gemau Olympaidd x2; Gemau'r Gymanwlad x2
	Golygwyd ddiwethaf ar; 16 Medi 2007

Seiclwr proffesiynol Seisnig ydy Syr Bradley Marc Wiggins, CBE (ganwyd 28 Ebrill 1980, Ghent, Gwlad Belg). Mae'n arbenigo mewn seiclo trac a ffordd. Enillodd dair medal ar y trac yn Gemau Olympaidd yr Haf Athen 2004. Yn Gorffennaf 2012 enillodd Wiggins y Tour de France, y seiclwr cyntaf Seisnig i ennill y Tour.

Ganed Bradley yn fab i seiclwr proffesiynol Awstralaidd, Gary Wiggins, ond gwahanodd ei rieni ac aeth i fyw efo'i fam i Maida Vale, Llundain. Yn dilyn gyrfa ei dad, dechreuodd seiclo yn ifanc, gan rasio yn Velodrome Herne Hill, de Llundain yn 12 oed.^[1]

Yng Ngemau Olympaidd Sydney yn 2000, enillodd Wiggins y fedal efydd yn y pursuit tîm. Yng Ngemau Olympaidd Athen 2004, enillodd y fedal aur yn y pursuit unigol, 4 km, arian yn y pursuit tîm ac efydd yn y Madison gyda Rob Hayles.

Yn 2001 arwyddodd Wiggins gytundeb gyda thîm proffesiynol ffordd Linda McCartney Racing Team cyn iddo ddod i ben yn gynnar yn 2001.^[2] Yn 2002 a 2003, reidiodd dros dîm proffesiynol Ffrengig La Francaise des Jeux; yn 2004 a 2005, dros dîm proffesiynol Ffrengig Crédit Agricole, a reidiodd yn Giro d'Italia 2005. Symudodd i dîm Ffrengig Cofidis yn 2006, a chystadleuodd yn Tour de France 2006 a 2007.

Yn Rhestr Anrhydeddau'r Flwyddyn Newydd a argraffwyd 31 Rhagfyr 2004, gwnaethwyd ef yn OBE i gydnabod ei wasanaeth i chwaraeon.

Dychwelodd Wiggins i reidio trac yng nghymal Manceinion Cwpan y Byd Trac, UCI a Phencampwriaethau'r Byd yn 2007, gan ennill y pursuit tîm a'r pursuit unigol. Dilynodd y buddugoliaethau yma gan ennill stage prologue y Critérium du Dauphiné Libéré.

Reidiodd Tour de France 2007 dros dîm Cofidis; ond tynnwyd hwy allan o'r gystadleuaeth wedi i aelod arall o'r tîm, Cristian Moreni, brofi'n bositif mewn prawf cyffuriau.^[3]

Yn 2008, ail-adroddodd Wiggins ei gampau o Bencampwriaethau'r Byd 2007 gan gipio'r aur yn y Pursuit unigol, gan greu Record y Byd newydd yn y broses. Cipiodd yr aur yn y Madison yn ogystal.

Priododd Bradley, Catherine Cathy Cockram, ym Manceinion yn Nhachwedd 2004, ac mae ganddynt ddau o blant, Ben ac Isabelle.

Yn Rhagfyr 2012, enillodd Wiggins y Wobr "Personoliaeth Chwaraeon y Flwyddyn BBC".

Canlyniadau[golygu | golygu cod y dudalen]

1998: 1af Pursuit 2 km, Pencampwriaethau Trac y Byd, UCI Iau

1999: 1af Madison (gyda Rob Hayles), Pencampwriaethau Cenedlaethol Trac Prydain; 3ydd Pursuit, Pencampwriaethau Cenedlaethol Trac Prydain

2000: 2il Pursuit Tîm, Pencampwriaethau Trac y Byd, UCI (gyda Chris Newton, Paul Manning a Bryan Steel); 3ydd Pursuit Tîm, Gemau Olympaidd (gyda Jon Clay, Rob Hayles, Paul Manning, Bryan Steel & Chris Newton); 3ydd Pursuit, Pencampwriaethau Cenedlaethol Trac Prydain

2001: 2il Pursuit Tîm, Pencampwriaethau Trac y Byd, UCI

2002: 2il Pursuit 4 km, Gemau'r Gymanwlad; 2il Pursuit Tîm, Gemau'r Gymanwlad; 3ydd Pursuit Tîm, Pencampwriaethau Trac y Byd, UCI

2003: 1af Pursuit 4 km, Pencampwriaethau Trac y Byd, UCI; 2il Pursuit Tîm, Pencampwriaethau Trac y Byd, UCI; 1af Cymal 1 ITT, Tour de l'Avenir; Chwe Diwrnod Ghent

2004: 1af Pursuit 4 km, Gemau Olympaidd; 2il Pursuit Tîm, Gemau Olympaidd (gyda Steve Cummings, Paul Manning & Rob Hayles); 3ydd Madison, Gemau Olympaidd (gyda Rob Hayles)

2005: 1af Cymal 2 ITT, Circuit de Lorraine; 1af Cymal 8, Tour de l'Avenir

2007: 1af Pursuit 4 km, Pencampwriaethau Trac y Byd, UCI; 1af Pursuit Tîm, Pencampwriaethau Trac y Byd, UCI (gyda Ed Clancy, Geraint Thomas & Paul Manning); 1af Pursuit Tîm, Cymal Manceinion, Cwpan y Byd Trac, UCI 2006/2007, (gyda Ed Clancy, Rob Hayles & Paul Manning); 1af Prologue, Critérium du Dauphiné Libéré; 1af Cymal 1 ITT, Pedward Diwrnod Dunkirk; 1af Cymal 4 ITT, Tour du Poitou-Charentes et de la Vienne; Gwobr Combativity, Cymal 6, Tour de France

2008: 1af Madison, Pencampwriaethau Trac y Byd, UCI; 1af Pursuit 4 km, Pencampwriaethau Trac y Byd, UCI; 1af Pursuit Tîm, Pencampwriaethau Trac y Byd, UCI (gyda Ed Clancy, Geraint Thomas & Paul Manning)

2009: 4ydd Tour de France

Dyfyniadau[golygu | golygu cod y dudalen]

"Most people were too drunk to notice me" Sylwad ar ei brofiad o ymarfer ar gyfer cymal Llundain o'r Tour de France yn hwyr yn y nos.

"It is nice to be recognised for actually achieving something in life as opposed to spending seven weeks in a house on TV with a load of other muppets." Wrth gyfeirio at Big Brother, ar ôl gorffen yn bedwerydd yn Prologue Tour de France.^[4]