Ffleminiaid

Oddi ar Wicipedia
Jump to navigation Jump to search
Flag of Flanders.svg
Data cyffredinol
Enghraifft o'r canlynolGrŵp ethnig, diwylliant Edit this on Wikidata
MathBelgians Edit this on Wikidata
GwladGwlad Belg, Yr Iseldiroedd, Ffrainc Edit this on Wikidata
Rhan oBelgians Edit this on Wikidata
Enw brodorolVlamingen Edit this on Wikidata
GwladwriaethGwlad Belg, Ffrainc, Yr Iseldiroedd Edit this on Wikidata
Tudalen Comin Ffeiliau perthnasol ar Gomin Wicimedia

Ffleminiaid (Fflemeg/Iseldireg: de Vlamingen neu het Vlaamse volk "gwerin Fflandrys"; hefyd yn yr Oesoedd Canol: Fflemisiaid, Fflemiswyr, Fflandryswyr a Fflandrysiaid) yw'r bobl sy'n ffurfio'r mwyafrif o'r Belgiaid, gyda chymuned o tua 6 miliwn yn Fflandrys, rhan ogleddol Gwlad Belg.

Fodd bynnag, nid yw tiriogaeth y Fflandrys bresennol yn cyfateb i'r hen Swydd Flandrys, a gynhwysai rannu o ogledd Ffrainc a'r Iseldiroedd ond heb gynnwys canolbarth a dwyrain y Fflandrys bresennol, a oedd yn rhan o arglwyddiaethau eraill yn yr Ymerodraeth Lân Rufeinig, yn bennaf Dugiaeth Brabant a Swydd Loon.

Mae statws y Ffleminiaid a Fflandrys o fewn gwladwriaeth Gwlad Belg yn gwestiwn gwleidyddol dadleuol, gyda nifer o Ffleminiaid yn pwyso am ffurf o hunanlywodraeth.

Dros y canrifoedd mae'r Ffleminiaid wedi ymfudo i sawl gwlad ac ardal yn Ewrop a'r Byd Newydd. Daethant i Loegr yn y 12g a chawsant eu defnyddio gan frenhinoedd Lloegr fel arf yn erbyn Cymry'r de trwy sefydlu trefedigaeth yn ne Penfro a drawsnewidiodd iaith a diwylliant y rhan honno o Gymru (gweler Ffleminiaid de Penfro).

Gweler hefyd[golygu | golygu cod y dudalen]