Gwledydd Baltig

Oddi ar Wicipedia
(Ailgyfeiriad oddi wrth Y gwledydd Baltig)
Jump to navigation Jump to search
Gwledydd Baltig
Mathrhanbarth Edit this on Wikidata
Daearyddiaeth
Rhan o'r canlynolEwrop, North Eastern Europe, Baltic region Edit this on Wikidata
GerllawY Môr Baltig Edit this on Wikidata
Yn ffinio gydaPomorze Edit this on Wikidata
Cyfesurynnau57°N 25°E Edit this on Wikidata
Y Gwledydd Baltig

Tair gwlad sy'n ffinio â'r Môr Baltig yng Ngogledd-Ddwyrain Ewrop yw'r gwledydd Baltig: Estonia, Latfia, a Lithwania.[1]

Baltwyr yw'r Latfiaid a'r Lithwaniaid, sy'n siarad yr ieithoedd Baltig Latfieg a Lithwaneg. Mae'r Estoniaid yn Falto-Ffiniaid sy'n siarad yr iaith Ffinno-Wgrig Estoneg. Ceir lleiafrifoedd eraill yn y gwledydd Baltig o dras Almaenig a Rwsiaidd.

Mae'r cysyniad o'r gwledydd Baltig cyn yr 20g yn ddadleuol. Mae gan Estonia gysylltiadau agosach â gwledydd Llychlyn, ac yn hanesyddol bu perthynas glos rhwng Lithwania a Gwlad Pwyl. Enillodd y dair gwlad annibyniaeth oddi ar Ymerodraeth Rwsia yn sgil y Rhyfel Byd Cyntaf. Cafodd eu meddiannu gan yr Undeb Sofietaidd yn ystod yr Ail Ryfel Byd, a ni ad-enillodd eu hannibyniaeth hyd nes diddymiad yr Undeb Sofietaidd ym 1991.

Gellir gwahaniaethu'r enw "gwledydd Baltig" oddi ar y term "gwledydd y Môr Baltig", sydd yn cynnwys pob gwlad sydd yn ffinio â'r Baltig.

Cyfeiriadau[golygu | golygu cod y dudalen]

  1. (Saesneg) Baltic states. Encyclopædia Britannica. Adalwyd ar 26 Awst 2014.