Birmingham
| Birmingham | |
|---|---|
 |
|
 |
|
| Lleoliad o fewn Lloegr | |
| Gwlad | Lloegr |
| Ardal | Canolbarth Lloegr |
| Llywodraeth | |
| Awdurdod Rhanbarthol | Bwrdeisdref metropolitanaidd |
| Maer | Chauhdry Abdul Rashid |
| Pencadlys | Cyngor Dinas Birmingham |
| Daearyddiaeth | |
| Arwynebedd | 267.77 km² |
| Uchder | 459 troedfedd (140 medr) m |
| Demograffeg | |
| Poblogaeth Cyfrifiad | 1,010,200 (Cyfrifiad 2005) |
| Dwysedd Poblogaeth | 3,739 /km2 |
| Metro | 2,284,093 |
| Gwybodaeth Bellach | |
| Cylchfa Amser | GMT (UTC+0) |
| Cod Post | B |
| Gwefan | www.birmingham.gov.uk |
Dinas fawr a bwrdeisdref fetropolitan yng Ngorllewin Canolbarth Lloegr yw Birmingham, a ddatblygodd yn y Chwyldro Diwydiannol, ond sydd â'i gwreiddiau yn yr Oesoedd Canol. Rhoddwyd statws dinesig swyddogol iddi yn 1889. Gyda phoblogaeth o dros un miliwn, Birmingham yw dinas ail fwyaf y Deyrnas Unedig ar ôl Llundain, ac mae hi'n ffurfio rhan sylweddol o ardal ddinesig Gorllewin Canolbarth Lloegr, sydd â chyfanswm o 2,284,093 o bobl yn byw yno [1] ac chynhwysa nifer o drefi a dinasoedd cyfagos megis Solihull, Wolverhampton a threfi'r Black Country. Ceir nifer o barciau a chamlesi yn y ddinas. Yn ystod yr Ail Ryfel Byd, hi oedd y ddinas Seisnig a effeithwyd yn fwyaf gan yr ymgyrch bomio Almeinig.
Yn ystod y Chwyldro Diwydiannol roedd y ddinas yn ganolbwynt y chwyldro yn Lloegr, ac o ganlyniad gelwir Birmingham yn "weithdy'r byd" a "dinas o fil o grefftau".[2] Er i bwysigrwydd Birmingham fel dinas ddiwydiannol leihau, mae wedi datblygu i fod yn ganolfan fasnachol genedlaethol, ac fe'i henwyd yr ail le gorau yn yr Deyrnas Unedig i leoli busnes a'r 14eg yn Ewrop gan Cushman & Wakefield yn 2009.[3] Hyhi yw'r ddinas bedwaredd fwyaf o ran y nifer o ymwelwyr o dramor sy'n mynd yno hefyd.[4]
Yn 2007, rhoddwyd Birmingham yn ddinas 55ed hawsaf i fyw ynddi yn y byd a'r ail ddinas hawsaf i fyw ynddi yn y Deyrnas Unedig, yn ôl Rhestr Mercer o safonau byw rhyngwladol.[5] Mae gan Birmingham yr economi dinesig ail fwyaf yn y Deyrnas Unedig, a chyrhaeddodd rif 72nd yn y byd yn 2008.[6]
Gelwir pobl o Birmingham yn 'Brummies', term sy'n tarddu o ffugenw'r ddinas - 'Brum'. Daw hyn o enw tafodieithol y ddinas, Brummagem,[7] a allai fod wedi dod o un o enwau blaenorol y ddinas, 'Bromwicham'. Mae yna dafodiaith ac acen Brummie unigryw gan drigolion y ddinas, sy'n wahanol i'r hyn a geir yn y Black Country cyfagos.
[golygu] Enwogion
- Jeffery Farnol (1878-1952), nofelydd
- Tony Hancock (1924-1968), comediwr
- Jenny Joseph (g. 1932), bardd
- Jasper Carrott (g. 1945), comediwr a cherddor
- Robin Nedwell (1946-1999), actor
- Carl Palmer (g. 1954), cerddor
[golygu] Dolen allanol
[golygu] Cyfeiriadau
- ↑ [http://www.statistics.gov.uk/statbase/ssdataset.asp?vlnk=8271&More=Y Cyfrifiad 2001. Key Statistics for urban areas. Office for National Statistics. Adalwyd ar 9 Mehefin 2007
- ↑ [http://icbirmingham.icnetwork.co.uk/mail/news/columnists/goldberg/tm_objectid=16955982&method=full&siteid=50002&headline=decline-of-the-city-of-a-thousand-trades-name_page.html Decline of the city of a thousand trades. Birmingham Mail. 17 Ebrill 2006. Adalwyd ar 2 Awst 2006
- ↑ Birmingham, biggest mover in European league table, second to London for UK business 6 Hydref 2009. Anna Blackaby
- ↑ [http://www.statistics.gov.uk/cci/nugget.asp?id=178 National Statistics Online - International Visits. Adalwyd ar 2009-07-19. Cyhoeddwr:ONS
- ↑ [http://bwnt.businessweek.com/interactive_reports/livable_cities_worldwide/ World's Top 100 Most Livable Cities Bwnt.businessweek.com 1998-03-22. Adalwyd ar 2009-05-30
- ↑ https://www.ukmediacentre.pwc.com/imagelibrary/detail.asp?MediaDetailsID=1562
- ↑ Brummagem Worldwidewords.com 13 Rhagfyr 2003. Adalwyd ar 7 Mehefin 2008
