Clydno Eidyn

Oddi ar Wicipedia
Jump to navigation Jump to search
Clydno Eidyn
Ganwyd 525 Edit this on Wikidata
Bu farw 597 Edit this on Wikidata (72 oed)
Dinasyddiaeth Baner Cymru Cymru
Plant Cynan ab Clydno Edit this on Wikidata

Tywysog neu bendefig o'r Hen Ogledd oedd Clydno Eidyn (fl. 6g). Yn rhai o'r achau, disgrifir ef fel mab Cynfelyn ap Dyfnwal Hen, tra yn y testun achyddol Bonedd Gwŷr y Gogledd disgrifir ef fel mab i Cynwyd Cynwydion. Awgryma ei enw y gallai fod yn arglwydd Din Eidyn, ac efallai yn rhagflaenydd Mynyddog Mwynfawr.

Hanes a thraddodiad[golygu | golygu cod y dudalen]

Roedd ganddo fab o'r enw Cynon ap Clydno Eidyn, ac yn chwedl Culhwch ac Olwen crybwyllir merch iddo o'r enw Eurneid. Yn ôl Bonedd y Saint, ei ferch Euronwy oedd mam Grwst, nawddsant Llanrwst.

Yn Llyfr Du'r Waun, dywedir i Elidir Mwynfawr gael ei ladd yn "Aber Meuhedud" yn Arfon, ac i nifer o Wŷr y Gogledd, yn cynnwys Clydno Eidyn, Nudd Hael, Mordaf Hael a Rhydderch Hael arwain byddin i Arfon i geisio dial, ond iddynt gael eu gorchfygu gan Rhun ap Maelgwn Gwynedd.

Llyfryddiaeth[golygu | golygu cod y dudalen]

  • Peter C. Bartrum (1993) A Welsh classical dictionary (Llyfrgell Genedlaethol Cymru) ISBN 0-907158-73-0

Cyfeiriadau[golygu | golygu cod y dudalen]