Nice

Ville de Nice

(Baner)
Arwyddair: Nicæa civitas¹ ("Nice y ddinas")
Llysenwau: Nissa la bella (Niçois: "Nice y brydferth") La reine de la Côte-d'Azur ("Brenhines y Côte-d'Azur") Queen of the Riviera ("Brenhines y Riviera")
Adran	Alpes-Maritimes
Rhanbarth	Provence-Alpes-Côte d'Azur (PACA)
Iaith swyddogol	Ffrangeg
Ieithoedd eraill	Eidaleg ac Arabeg
Hen iaith	Niçois
Maer	Christian Estrosi (ers 2008)
Poblogaeth	Dinas: 347,100 (1999) Ardal: 933,080
Ymuned gyda Ffrainc	12 Medi, 1860
Hinsawdd	Canoldir
Côd post	06000,06100,06200,06300
Côd Ffonio	+33 493
Nodiad: 1 Arwyddair gwreiddiol y ddinas oedd "Nicæa civitas fidelissima", "Nice, y ddinas ffyddlon iawn" (hynny yw; i dŷ Savoy). Byrhawyd yr arwyddair yn 1860 pan ymunodd Nice gyda Ffrainc.

Nice (hefyd Nissa) (Niçois: Niça; Eidaleg: Nizza) yw pumed ddinas fwyaf Ffrainc. Mae hi wedi'i lleoli yn ne-ddwyrain Ffrainc wrth y Môr Canoldir ym Mae yr Angylion.

• Nice yw prifddinas adran yr Alpes-Maritimes a phrif ddinas y Côte-d'Azur.
• Gelwir Nice yn "Frenhines y Riviera".
• Daeth enw Nice o'r hen enw Groeg Νικαία (Nikaia).
• Roedd Nice yn dalaith annibynnol i Ffrainc cyn iddo ymuno yn 1860. Mae llawer yn credu bod Nice yn arfer perthyn i'r Eidal ond dydy hyn ddim yn gywir. Roedd hi'n arfer perthyn i deyrnas Sardinia. Pan ymunodd Sardinia a'r Eidal fe ymunodd Nice a Ffrainc.

Hinsawdd Nice

Mae Nice ar lan y Môr Canoldir ac mae'r Alpau sy'n union i'r gogledd yn eu chysgodi yn erbyn y tywydd oer. Mae manylion hinsawdd Nice yn yr erthygl "Hinsawdd y Riviera".

Ffeithiau diddorol

• Mae'r Promenade des Anglais (Niçois: Camin dei Engles; "Promenâd y Saeson") rhyw bum milltir o hyd. Gafodd ei adeiladu gan y Saeson yn 1820 er mwyn gallu mynd am dro ar lan y môr.
• Pob canol dydd fe fydd magnel yn saethu ergyd o fryn y castell. Fe ddechreuwyd y ddefod hon gan Sais o'r enw Thomas Coventry oedd yn mynnu bwyta ei ginio am ddeuddeg o'r gloch.
• Maes-glanio Nice yw maes-glanio mwyaf Ffrainc tu allan i Baris.
• Canolfan siopa "Cap 3000" ("Cap trwâ mîl") gerllaw yn St. Laurent-du-Var yw'r canolfan siopa fwyaf ar y Côte-d'Azur a chanolfan siopa gyntaf Ffrainc.
• Mae mwy o oleuadau traffig yn Nice nag unrhyw ddinas arall yn Ffrainc. Y cyntaf oedd ar y groesffordd rhwng Avenue Jean Médecin a Boulevard Victor Hugo yn nghanol y ddinas.
• Mae trên bach; Chemins de fer de Provence yn mynd o Nice i Digne-les-Bains. Mae hwn yn daith ddiddorol sy'n mynd drwy mynyddoedd cefnwlad Nice a chefn gwlad Provence. Ambell waith fe fydd trên ager yn rhedeg ar y lein, Le train des pignes (trên y pîn) sy'n llosgu pîn yn lle glo.
• Mae yna drên diddorol arall; Train des merveilles (trên y rhyfeddodau) yn mynd drwy mynyddoedd y cefnwlad o Nice i Tende ac ymlaen i Cuneo yn yr Eidal. Mewn tair man fe fydd y trên yn codi i lefel uwch mewn twnel sy'n troi fel allwedd costrel tu mewn y mynydd.

Pobl o Nice

• André Masséna (1758-1817), milwr
• Giuseppe Garibaldi (1807-1882), milwr a gwleidydd
• Michèle Mercier (g. 1939), actores

• Mae'r arlunydd Cymreig Andrew Vicari yn byw yn Nice.

Dolenni allanol

• (Ffrangeg) Gwefan swyddogol

• 

  Y porthladd (blaen), y promenâd (chwith) a choffa'r rhyfel o dan fryn y castell (de)

• La Cathedrale Orthodoxe Russe Saint-Nicolas.jpg

  Eglwys gadeiriol Rwsiaid, St. Nicolas

• 

  Golygfa o fryn y castell.
  (Eglwys gadeiriol Ste-Réparte yn nghanol yr hen ddinas, a'r ddinas fodern yn y cefndir).

• 

  Cynllun Nice 1624

Chwiliwch am Nice
yn Wiciadur.