Marseille

Oddi ar Wicipedia
Neidio i: llywio, chwilio
"Yr Hen Harbwr" ym Marseilles

Dinas ail-fwyaf Ffrainc yw Marseille, (Profensaleg Occitaneg: Marselha) gyda phoblogaeth o 1,349,772. Mae yng nghyn-dalaith Provence ger Môr y Canoldir. Marseille yw porthladd mwyaf Ffrainc a phrifddinas région Provence-Alpes-Côte d'Azur a département Bouches-du-Rhône.

Sefydlwyd Marseille tua 600 CC gan Roegiaid o Phocaea dan yr enw Μασσαλία (Massalia). Roedd yn ganolfan fasnachu bwysig a thyfodd yn gyflym. Daeth dan fygythiad gan gynghrair yr Etrwsciaid, Carthago a'r Celtiaid, a throdd at y Rhufeiniaid am gymorth. Daeth yn ddinas bwysig iawn yn y cyfnod Rhufeinig, ac wedi cyfnod o ddirywiad yn dilyn cwymp yr ymerodraeth roedd wedi ad-ennill ei phwysigrwydd erbyn y 10fed ganrif.

Rhoddodd y ddinas ei henw i anthem genedlaethol Ffrainc, "La Marseillaise", a gafodd ei chanu am y tro cyntaf gan filwyr Marseille oedd wedi dod i Baris i gefnogi'r Chwyldro Ffrengig.

Yn y 1970au effeithiwyd ar Marseille gan broblemau economaidd, ac arweiniodd diweithdra uchel, lefel uchel o droseddu a chanran uchel o fewnfudwyr, yn enwedig o Ogledd Affrica, at gynnydd mewn cefnogaeth i bleidiau'r dde eithafol. Mae'r sefyllfa economaidd wedi gwella yn y blynyddoedd diwethaf.

Adeiladau[golygu]

  • Cathédrale de la Major
  • Eglwys Notre Dame de la Garde
  • Eglwys St Laurent
  • Gare Saint-Charles (gorsaf)
  • Hotel de Ville
  • Musée des Beaux Arts (amgueddfa)
  • Palais Longchamp
  • Theatre du Gymnase

Diwylliant[golygu]

Bydd Marseille yn Brifddinas Diwylliant Ewrop yn 2013.

Enwogion[golygu]

Ymhlith yr enwogion a aned yn Marseille mae:

Dolenni allanol[golygu]