Rouen
Oddi ar Wicipedia
Dinas yn Normandi yng ngogledd-orllewin Ffrainc yw Rouen. Hi oedd prifddinas hanesyddol Normandi, ac mae'n brifddinas région Haute-Normandie a département Seine-Maritime. Saif ar Afon Seine.
Yn 2007, roedd poblogaeth yr ardal ddinesig yn 541,410, ac amcangyfrifwyd fod poblogaeth y ddinas ei hun yn 109,000.
Sefydlwyd Rouen fel Ratumacos gan lwyth Celtaidd y Veliocassi. Galwai'r Rhufeiniaid y ddinas yn Rotomagus. Wedi i dalaith Gallia Lugdunensis gael ei rhannu'n ddau dan yr ymerawdwr Diocletian, daeth Rouen yn brifddinas Gallia Lugdunensis II.
O 912, Rouen oedd prifddinas Dugiaeth Normandi ac yno yr oedd Dugaid Normandi yn byw hyd nes i Gwilym Goncwerwr adeiladu castell yn Caen. Yn ystod y Rhyfel Can Mlynedd, ildiwyd y ddinas i'r Saeson yn 1419. Yma y llosgwyd Jeanne d'Arc ar 30 Mai, 1431. Cipiodd y Ffrancod y ddinas yn ôl yn 1449.
[golygu] Pobl enwog o Rouen
- Edward IV (1442-1483), brenin Lloegr
- Pierre Corneille (1606-1684), dramodydd
- Nicolas Lemery (1645-1715), cemegydd
- Jean Jouvenet (1647-1717), atlunydd
- Gustave Flaubert (1821-1880), nifelydd, awdur Madame Bovary
- Marcel Dupré (1886-1971), organydd a chyfansoddwr
- David Trezeguet (ganed 1977), peldroediwr
