Toulouse

Arfbais Toulouse

Dinas yn ne-orllewin Ffrainc yw Toulouse (Ocitaneg: Tolosa), yn département Haute-Garonne a région Midi-Pyrénées. Yn 2007, roedd poblogaeth y ddinas ei hun yn 443,103 a phoblogaeth yr ardal ddinesig yn 1,117,000, gan wneud Toulouse y bedwaredd dinas yn Ffrainc o ran poblogaeth. Mae'r boblogaeth yn tyfu'n gyflymach nag unrhyw ddinas fawr arall yn Ewrop. Gelwir y ddinas y ville rose oherwydd lliw y brics traddodiadol. Saif y ddinas ar Afon Garonne.

Yn Nhoulouse mae prif ganolfan cwmni Airbus, ac mae llawer o ddiwydiannau technolegol eraill wedi datblygu yma. Ym maes chwaraeon, Rygbi'r Undeb sydd fwyaf poblogaidd yn yr ardal, ac mae tîm rygbi Toulouse, Stade Toulousain, ymhlith y cryfaf yn Ewrop. Ymhlith pobl enwog o Toulouse mae rhai o chwaraewyr rygbi amlycaf Ffrainc, megis Jean-Pierre Rives, David Skrela, Fabien Pelous a Frédéric Michalak.

Montage o Toulouse, Top:Pont Saint Pierre ac Afon Garonne, Canol ar y chwith:Place du Capitole, Canol ar y dde:Pont-Neuf, Gwaelod ar y chwith:Capitole de Toulouse, Gwaelod canol:Safle lansio i'r gofod Arian 5, Gwaelod ar y dde:Mediatheque Jose Cabanis.

Adeiladau a chofadeiladau

• Basilica Saint-Sernin
• Eglwys gadeiriol Saint-Étienne
• Hotel du Grand Balcon
• Prifysgol Toulouse

Addysg

• Ysgol Genedlaethol Hedfan Sifil
• Polytechnic Institute of Advanced Gwyddoniaeth

Pobl o Doulouse

• Pierre de Fermat (c. 1601-1665), mathemategydd
• Antoine de Saint-Exupéry (1900-1944), awdur
• Jean-Pierre Rives (g. 1952), chwaraewr rygbi

Gefeilldrefi

• Bologna, Yr Eidal
• N'Djamena, prifddinas Tchad

Eginyn erthygl sydd uchod am Ffrainc. Gallwch helpu Wicipedia drwy ychwanegu ato