Cartagena, Colombia

Oddi ar Wicipedia
Neidio i: llywio, chwilio
Cartagena

Dinas yng ngogledd-orllewin Colombia yw Cartagena, enw llawn Cartagena de Indias. Hi yw prifddinas departement Bolívar. Yn 2006 roedd poblogaeth y ddinas yn 895,400, a phoblogaeth yr ardal ddinesig dros filiwn.

Mae'r ddinas yn un o borthladdoedd pwysicaf Colombia, ac yn bwysig fel cyrchfan i dwristaid hefyd. Sefydlwyd Cartagena gan y Sbaenwr Pedro de Heredia ar 1 Mehefin 1533. Ceir llawer o hen adeiladau o gyfnod ymerodraeth Sbaen yn yr hen ddinas. Dynodwyd yr adran yma o'r ddinas yn Safle Treftadaeth y Byd gan UNESCO yn 1980.