Taith Nixon i Tsieina

Oddi ar Wicipedia
Jump to navigation Jump to search
President and Mrs. Nixon visit the Great Wall of China.jpg
Data cyffredinol
Enghraifft o'r canlynolvisit Edit this on Wikidata
Dyddiad1972 Edit this on Wikidata
RhanbarthGweriniaeth Pobl Tsieina Edit this on Wikidata
Tudalen Comin Ffeiliau perthnasol ar Gomin Wicimedia
Mao Zedong a Richard Nixon yn ysgwyd llaw yn Beijing.

Cam bwysig wrth normaleiddio cysylltiadau rhwng yr Unol Daleithiau a Gweriniaeth Pobl Tsieina oedd taith yr Arlywydd Richard Nixon i Tsieina ym 1972. Hwn oedd y tro cyntaf i Arlywydd yr Unol Daleithiau ymweld â Gweriniaeth Pobl Tsieina, oedd ar y pryd yn gweld yr Unol Daleithiau yn elyn mawr, a dechreuodd proses o nesâd rhwng y ddwy wlad. Digwyddodd hyn yng nghanol y Rhyfel Oer, ar yr un adeg â'r détente rhwng yr Unol Daleithiau a'r Undeb Sofietaidd.

Cynlluniodd Henry Kissinger, Cynghorydd Diogelwch Cenedlaethol yr Unol Daleithiau, y daith ym mis Gorffennaf 1971 yn ystod taith gudd i Beijing. O 21 hyd 28 Chwefror 1972, ymwelodd Nixon â dinasoedd Beijing, Hangzhou, a Shanghai. Cyfarfu â'r Cadeirydd Mao, a ddywedodd iddo, "Nid oes da gan ein hen gyfaill cyffredin, y Generalissimo Chiang Kai-Shek, o hyn."[1] Bu nifer o gyfarfodydd rhwng Nixon a'r Prif Weinidog Zhou Enlai, gan gynnwys taith i Fur Mawr Tsieina.

I gloi'r daith, cyhoeddodd y ddwy lywodraeth Datganiad Shaghai gan osod seiliau'r cysylltiadau newydd rhwng eu gwledydd. Cytunwyd i osod yr anghydfod ar statws Taiwan i un ochr er mwyn normaleiddio diplomyddiaeth a chaniatau masnach rhyngddynt. Parhaodd yr Unol Daleithiau i gynnal cysylltiadau â Gweriniaeth Tsieina yn Taiwan hyd 1979, pan sefydlon cysylltiadau diplomyddol llawn â Gweriniaeth Pobl Tsieina.

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Richard M. Nixon, The Memoirs of Richard Nixon (Efrog Newydd: Warner Books, 1978), t. 1060