Athrawiaeth Truman

Oddi ar Wicipedia
Jump to navigation Jump to search
Special Message to Congress on Greece and Turkey The Truman Doctrine.jpg
Data cyffredinol
Enghraifft o'r canlynolathrawiaeth polisi tramor Edit this on Wikidata
Dechrau/Sefydlu12 Mawrth 1947 Edit this on Wikidata
Harry S. Truman

Athrawiaeth polisi tramor oedd Athrawiaeth Truman a sbardunwyd gan Harry S. Truman, Arlywydd yr Unol Daleithiau, ar 12 Mawrth 1947 pan ddatganodd y bydd yr Unol Daleithiau yn cefnogi Gwlad Groeg a Thwrci â chymorth economaidd a milwrol er mwyn eu hatal rhag ildio i faes dylanwad yr Undeb Sofietaidd, sef y Bloc Dwyreiniol, yn ystod Rhyfel Cartref Groeg. Awgrymodd Truman bydd y polisi yn gosod cynsail i'r Unol Daleithiau gefnogi "pobloedd rhydd" oedd yn gwrthsefyll "llywodraethau totalitaraidd".

Anfonodd yr Unol Daleithiau $400 miliwn i'r ardal, ond dim lluoedd milwrol. Arweiniodd hyn at gwymp y bygythiad comiwnyddol yn y ddwy wlad, ac ymaelododd Groeg a Thwrci â NATO, cynghrair milwrol y Gorllewin, ym 1952.

Daeth yr athrawiaeth yn sail polisi tramor yr Unol Daleithiau yn ystod y Rhyfel Oer gan ehangu i ffurfio polisi cyfyngiant, sef cyfyngu ymlediad comiwnyddiaeth.